Éxodo 3:7 - CHUYA QELLQA La Biblia en Quechua de Ayacucho 2012

⁷ Hinaptinmi Tayta Diosqa nirqa: Llaqtaypa Egipto nacionpi ñakarisqantam qawachkani, llamkachiqninkuna ñakarichiptin waqasqankutam uyarichkani, yachanitaqmi nanaypi kasqankutapas.

Quechua Ayacucho Bible 1987

⁷ Tayta Diosqa nirqataqmi: —Qawachkanim Egipto nacionpi runaykunapa ñakarisqanta, uyarichkanitaqmi llamkachiqninkunarayku waqasqankutapas. Yachanitaqmi nanaypi kallasqankutapas.

Chuya Qellqa 1992

⁷ Hinaptinmi Tayta Diosqa nirqa: Llaqtaypa Egipto nacionpi ñakarisqantam qawachkani, llamkachiqninkuna ñakarichiptin waqasqankutam uyarichkani, yachanitaqmi nanaypi kasqankutapas.

Éxodo 3:7 Iomraidhean Croise

Génesis 16:11

Wiksayuqmi kachkanki, qari wawata wachakuspaykim Ismaelwan sutichanki. Waqasqaykitam Tayta Dios uyarirusunki.

Génesis 18:21

Chaynaqa, rispay qawaramusaq, niwasqankupi hinachus ruwayninku kachkan icha manachus, chaynapim yachamusaq, nispa.

Génesis 21:17

Diosmi warmapa qaparisqanta uyarirqa. Chaymi cielomanta Diospa angelnin Agarta nimurqa: ¿Agar imataq pasasunki? Ama manchakuychu, warmapa waqasqantam Dios uyarirun.

Génesis 29:32

Leam wiksayakuruspan qari wawata wachakurqa, hinaspam Rubenwan suticharqa: Humillasqa kasqaytam Tayta Dios qawariykuwan, kunanqa qosayqa kuyawanqañam, nispa.

Génesis 31:12

Payñataqmi niwarqa: “Muyaq carnerokunata qawariy. Llapallanmi allqakuna, cheqchikuna hinaspa murukuna. Labanpa tukuy mana allin ruwasusqaykitapas rikurqanim.

Génesis 31:42

Abrahampapas taytay Isaacpapas yupaychasqanku Dios ñoqawan mana kaptinqa lliwtachiki qechuruwankiman karqa. Ichaqa Diosmi ñakariywan llamkasqayta rikurqa, chaymi chisi tuta qaqchasurqanki, nispa.

2~Samuel 22:28

Uchuychakuqkunatam salvaykunki, hatun tukuqkunatam ichaqa penqayman churanki.

2~Reyes 13:4

Hinaptinmi Tayta Diosta Joacaz qayakurqa, chaymi Israel runakunapa ñakarisqanta qawaspan Joacazpa mañakusqanta Tayta Dios uyariykurqa; paykunataqa Siria nacionpa reyninmi ñakarichirqa.

2~Reyes 20:5

Kutirispayki rey Ezequiasman kaynata nimuy: “Ñawpaq taytayki Davidpa yupaychasqan Tayta Diosmi kaynata nin: Mañakuwasqaykitam uyariykuyki, rikurqanitaqmi waqasqaykitapas, sanoyarachiptiymi kimsa punchawmanta temployman rinki,

Nehemías 9:9

Egipto nacionpi imaynam taytaykupa ñakarisqantam qawarqanki, Puka lamar qochapa patanpi qayakusqankutam uyarirqanki.

Éxodo 1:11

Chaynapim capatazkunata churarurqaku, sasa llamkaykunawan Israelpa mirayninkunata ñakarichinankupaq. Paykunawanmi ruwachirqaku Pitón llaqtatawan Ramesés llaqtata, chay llaqtakunapim rey Faraón kawsaykunata waqaychaq.

Éxodo 1:8

Chaymantam Egipto nacionpi, Joseyta mana reqsiq musoq reyña munaychakurqa, paymi runankunata nirqa:

Éxodo 22:23

Sichum ñakarichiptiki pay-kuna qayakamuwaptinkuqa uyarisaqpunim.

Éxodo 33:13

Chayna kaptinqa mañakuykim munasqaykita yachachiwanaykipaq, chaynapi qamta reqsinaypaq hinaspa yanapakuynikita tarinaypaq. Amayá qonqaychu kay runakunaqa qampa runaykikuna kasqanta, nispa.

Éxodo 5:10

Chaymi llamkachiqkunawan capatazkuna lloqsispanku runakunata nirqaku: Rey Faraonmi kaynata nin: “Pajataqa manañam qosqaykichikñachu.

Éxodo 5:6

Hinaspanmi hina chay punchawllapi, llapa llamkachiqkunatawan capatazkunata kaynata kamachirqa:

Isaías 63:9

Runankunapa ñakarisqankunatam paypas ñakarirqa. Manam huk angelchu nitaqmi hukkaqnin kachamusqanchu paykunataqa salvarqa, aswanqa kikin Diosmi salvarqa. Diosmi kuyakuyninpi llakipayaspan paykunataqa reclamarqa, hoqarispanmi paykunataqa marqayninpi aparqa, chaynallatam tukuy tiempo ruwarqa.

Números 20:16

Chaymi Tayta Diosta qayakuptiyku uyariykuwaspanku angelninta kachamurqa hinaspam Egipto nacionmanta hurqoramuwarqaku. Kunanqa allpaykipa linderonwan tupaq Cades llaqta lawpiñam kachkaniku.

Hechos 7:34

Cheqaptapunim Egipto nacionpi llaqtaypa ñakarisqanta qawachkani, uyarichkanitaqmi waqasqankutapas, chaymi uraykamuni paykunata libranaypaq. Chaynaqa, riy, ñoqam Egipto nacionman rinaykipaq kamachiki”, nispa.

Hebreos 4:15

Sumo sacerdotenchik Jesusqa huchaman urmaqlla kayninchikmanta llakipayawaqninchikmi. Paypas ñoqanchik hinam tukuypi tentasqa karqa, ichaqa manam huchallikurqachu.

1~Samuel 9:16

Paqarin kay horata hinam, Benjamín ayllumanta huk runata kachamusqayki, paytam aceitewan tallispa sapaqchanki Israel runaykunapa reynin kananpaq, paymi filisteokunamanta libranqa. Israel llaqtaypa ñakarisqantam qawani, chaymi mañakuyninku qayllayman chayaramun, nispa.