Éxodo 3:6 - CHUYA QELLQA La Biblia en Quechua de Ayacucho 2012

⁶ Diosqa nirqataqmi: Ñoqam kani ñawpaq taytaykichik Abrahampa, Isaacpa hinaspa Jacobpa Diosnin, nispa. Chaymi Diosta qawaykuyta manchakuspan uyanta Moisés tapakuykurqa.

Quechua Ayacucho Bible 1987

⁶ Diosqa nirqataqmi: —Ñoqaqa kani abueloyki Abrahampa, Isaacpa hinaspa Jacobpa Diosninmi —nispa. Chaymi Moises uyanta tapakuykurqa Dios qawaykuyta manchakuspan.

Chuya Qellqa 1992

⁶ Diosqa nirqataqmi: Ñoqam kani ñawpaq taytaykichik Abrahampa, Isaacpa hinaspa Jacobpa Diosnin, nispa. Chaymi Diosta qawaykuyta manchakuspan uyanta Moisés tapakuykurqa.

Éxodo 3:6 Iomraidhean Croise

Génesis 12:1

Abramtam Tayta Dios nirqa: Llaqtaykimanta, aylluykimanta hinaspa taytaykipa wasinmanta lloqsiy, maymi ñoqapa qawachisqay allpaman rinaykipaq.

Génesis 12:7

Chaypim Abramman Tayta Dios rikuriykuspan nirqa: Miraynikikunamanmi kay allpata qosaq, nispa. Hinaptinmi rikuriykuqnin Tayta Diosta yupaychananpaq huk altarta chaypi ruwarqa.

Génesis 17:3

Chaymi Abramqa qonqoraykuspa pampakama kumuykurqa, hinaptinmi Dios kaynata nirqa:

Génesis 24:12

Hinaspam Diosta mañakuspan nirqa: Patronniy Abrahampa yupaychasqan Dios, mañakuykim patronniy Abraham-man prometesqaykita cumplinaykipaq. Yanapaykuwayá imamanmi hamusqay allin lloqsinanpaq.

Génesis 26:24

Chay tutam Tayta Dios rikuriykuspan nirqa: Taytayki Abrahampa Diosninmi kani. Ama manchakuychu qanwanmi kachkani. Ñoqam bendecisqayki, serviqniy Abrahamraykum miraynikikunatapas mirachisaq, nispa.

Génesis 28:13

Tayta Diostapas ladonpi sayachkaqtam rikururqa. Diosmi nirqa: Ñoqaqa abueloyki Abrahampa hinaspa taytayki Isaacpa yupaychasqan Diosmi kani. Kay puñusqayki allpatam qanmanwan miraynikikunaman qosqaykichik.

Génesis 28:17

Mancharikuspam nirqa: Manchakuypaqmi kay lugarqa kasqa. Kayqa Diospa wasinmi hinaspa hanaq pachapa punkunmi, nispa.

Génesis 31:42

Abrahampapas taytay Isaacpapas yupaychasqanku Dios ñoqawan mana kaptinqa lliwtachiki qechuruwankiman karqa. Ichaqa Diosmi ñakariywan llamkasqayta rikurqa, chaymi chisi tuta qaqchasurqanki, nispa.

Génesis 32:9

Chaymantam Jacobqa Diosta maña-kurqa: Abueloy Abrahampa chaynataq taytay Isaacpa yupaychasqan Tayta Dios, qanmi niwarqanki: “Taytaykipa aylluykikunapa kasqanman kutikuy, hinaptinmi allinta ruwasqayki nispayki”.

1~Reyes 18:36

Wañuchisqan animalta kañananpaq sacrificio hora chayaramuptinmi, altarman asuykuspan profeta Elías kaynata qaparirqa: ¡Dios Taytalláy! ¡Abrahampa, Isaacpa hinaspa Israelpa Diosnin! ¡Israel nacionpi Dios kasqaykitayá kunan reqsichikuy, reqsichiytaq ñoqapas serviqniki kaspay kamachiwasqaykiman hina kaykuna ruwasqayta!

1~Reyes 19:13

Chaymi Elías uyariruspan uyanta capanwan tapakuykurqa, machaymanta lloqsiruspanmi machaypa punkunpi sayaykuspa uyarirqa: Yaw Elías, ¿imatataq kaypi ruwachkanki? niqta.

Nehemías 9:9

Egipto nacionpi imaynam taytaykupa ñakarisqantam qawarqanki, Puka lamar qochapa patanpi qayakusqankutam uyarirqanki.

Ester 3:4

Sapa punchaw chaynata tapupayaptinkupas payqa manam uyariqpas tukurqachu. Chayraykum Amanman willaykurqaku, Mardoqueopa kasukusqanta otaq mana kasukusqantapas qawanankupaq, paykunaman Mardoqueo Judío kasqanta willakusqanrayku.

Éxodo 15:2

Tayta Diosmi kallpanchaqniyqa, Tayta Diosmi salvawaqniyqa, chaymi payman takipusaq. Payqa ñoqapa Diosniymi, chayraykum yupaychasaq; payqa ñawpaq taytaykunapa Diosninmi, chayraykum hatunchasaq.

Éxodo 29:45

Hinaspam Israelpa mirayninkunapa chawpinpi yachaspay Diosninku kasaq.

Éxodo 3:16

Israelpa ancianonkunata huñumuspa nimuy: “Ñawpaq taytaykichik Abrahampa, Isaacpa hinaspa Jacobpa Diosninmi rikuriykuwaspa niwarqa: Cheqaptapunim qamkunata watukamuykichik Egipto nacionpi imam ruwasusqaykichikta qawanaypaq.

Éxodo 33:20

Uyaytam ichaqa mana rikuwankichu, pipas rikuwaqniy runaqa manam kawsanmanchu”, nispa.

Éxodo 4:5

Kay señalwanmi creenqaku ñawpaq taytaykichik Abrahampa, Isaacpa hinaspa Jacobpa Tayta Diosnin qanman rikurisusqaykita.

Jeremías 24:7

Tayta Dios kasqayta reqsiwanankupaqmi yachayta qosaq. Paykunam llaqtay kanqa, ñoqañataqmi Diosninku kasaq, chaynaqa kanqa tukuy sonqonkuwan ñoqaman kutirikamusqankuraykum.

Jeremías 31:33

Israelpa mirayninkunawan chay punchawkunapi pacto ruwasqayqa kaynam kanqa: Kamachikuyniytam sonqonkupi churasaq, yuyayninkupim qellqasaq. Ñoqam Diosninku kasaq, paykunañataqmi llaqtay kanqaku. Ñoqa tayta Diosmi chaynata nini.

Jeremías 32:38

Paykunam llaqtay kanqaku, ñoqañataqmi Diosninku kasaq.

Ezequiel 11:20

Hinaptinmi kamachikuyniykunaman hina decretoykunaman hina kawsaspanku ruwayman churanqaku. Paykunam llaqtay kanqa, ñoqañataqmi Diosninku kasaq.

Zacarías 8:8

Kutichimuptiymi Jerusalenpi yachakunqaku, paykunam kanqa llaqtay, ñoqañataqmi Diosninku kasaq, paykunam ñoqapi hapipakunqaku, ñoqañataqmi nanachikuqninku kasaq, nispa.

Mateo 17:6

Chayta uyariruspankum discipulon-kunañataq qonqorakuykurqaku, hinaspam llumpayta mancharikurqaku.

Mateo 22:32

“Ñoqaqa kani Abrahampa, Isaacpa hinaspa Jacobpa Diosninmi” nisqanta? Diosqa manam wañusqakunapa Diosninchu, aswanqa kawsaqkunapa Diosninmi, nispa.

Marcos 12:26

Wañuqkuna kawsarimunanmantaqa, ¿manachu Moisespa libronpi leerqankichik, rupachkaq tankar kichkamanta Dios rimapayamuspan: “Ñoqaqa kani Abrahampa, Isaacpa hinaspa Jacobpa Diosninmi” nispa, nisqanta?

Lucas 20:37

Wañuqkunapa kawsarimunanmantaqa Moisespas yachachirqam, tankar kichkapi imam pasakusqanmanta willakusqanpi. Chaypim Abrahampa, Isaacpa hinaspa Jacobpa Diosninwan Señorta sutichan.

Lucas 5:8

Chayta Simón Pedro qawaykuspanmi Jesuspa ñawpaqninpi qonqorakuykuspan nirqa: Señor, ñoqamanta asurikuy, huchasapa runam kallani, nispan.

Hechos 7:32

“Ñoqam kani ñawpaq taytayki Abrahampa, Isaacpa hinaspa Jacobpa Diosnin” niqta. Hinaptinmi Moisesqa manchakuymanta katkatatayta qallaykuspan ni qawariytapas atirqachu.

Hechos 7:34

Cheqaptapunim Egipto nacionpi llaqtaypa ñakarisqanta qawachkani, uyarichkanitaqmi waqasqankutapas, chaymi uraykamuni paykunata libranaypaq. Chaynaqa, riy, ñoqam Egipto nacionman rinaykipaq kamachiki”, nispa.

Deuteronomio 6:3

Chaynaqa, Israelpa mirayninkuna, kasukuspayá ruwayman churaychik, chaynapi tukuy imapa qespinan chaynataq tukuy imapa kanan allpapi achkallataña miranaykichikpaq. Chay allpataqa ñawpaq taytaykichikkunapa yupaychasqan Tayta Diosmi prometewarqanchik.

Hebreos 11:16

Paykunaqa hanaq pachapi kaq allin llaqtatam anchallataña munarqaku, chayraykum Diospas paykunapa Diosnin kayta mana penqakunchu, paykunapaqmi huk llaqtata ruwarqa.

Hebreos 12:21

Mancharikuypaqmi kay qawasqankuqa karqa, chaymi Moisespas kaynata nirqa: “Mancharikuymantam katkatatachkani”, nispa.

Apocalipsis 1:17

Rikuruspaymi ñawpaqninman wañusqa hina wichiykurqani, hinaptinmi alleq makinwan llapchaykuwaspan niwarqa: Ama manchakuychu, “Ñoqam kani Punta kaqpas, Qepa kaqpas

Jueces 13:22

Hinaptinmi warminta Manoa nirqa: Diostam rikurunchik, kunanqa cheqaptapunim wañurusun, nispa.