Éxodo 3:22 - CHUYA QELLQA La Biblia en Quechua de Ayacucho 2012

²² Warmikunam sapakama vecinanmanta chaynataq wasinkupi yachaq warmikunamantapas qorita, qollqeta, alhajakunata hinaspa pachakunata mañakunqaku, chaykunawanmi churikichikkunata wawaykichikkunata churachinkichik. Chaynatam Egipto runakunapa tukuy imankuta qechunkichik, nispa.

Quechua Ayacucho Bible 1987

²² Sapa warmim vecinanmanta hinaspa samapakuqnin warmimanta mañanqa qori-qollqe alhajakunata hinaspa pachakunata, chaykunawanmi churachinkichik churi-wawaykichikkunata. Chaynatamá qechunkichik Egipto runakunapa tukuy imankunata —nispa.

Chuya Qellqa 1992

²² Warmikunam sapakama vecinanmanta chaynataq wasinkupi yachaq warmikunamantapas qorita, qollqeta, alhajakunata hinaspa pachakunata mañakunqaku, chaykunawanmi churikichikkunata wawaykichikkunata churachinkichik. Chaynatam Egipto runakunapa tukuy imankuta qechunkichik, nispa.

Éxodo 3:22 Iomraidhean Croise

Génesis 15:14

Ñoqañataqmi ñakarichiqninku nacionta ñakarichisaq, chaymantam miraynikikuna llumpay apu lloqsimunqaku.

Génesis 24:53

Chaymantam qollqemanta qorimanta alhajakunatawan pachakunata hurqomuspan Rebecaman qoykurqa, qoykurqataqmi turinmanwan mamanmanpas kuyayllapaq regalokunata.

Éxodo 11:2

Israelpa mirayninkunata nimuy, sapakamayá vecinonkumanta qaripas warmipas qorita qollqeta alhajakunata mañakuchunku, nispa.

Proverbios 13:22

Allin ruwaq runaqa willkankunamanmi herenciata saqen, huchasapa runapa kapuqninkunam ichaqa allin runapaq waqaychasqa kachkan.

Isaías 33:1

¡Ay, imaynaraq kankichik, purmachiq kachkaspa mana purmachisqakuna, traicionaq kachkaspa mana traicionasqakuna! Purmachiyta tukuruspam qampas purmachisqa kanki, traicionayta tukuruspam qampas traicionachikunki.

Ezequiel 39:10

Manañam montekunamanqa yanta pallaqpas lloqsinqakuñachu, nitaqmi sachatapas kuchunqakuñachu; aswanqa chay armakunam yantapi servikunqa. Ñawpaqta suwaqninkutam paykunaña suwanqaku, imankupas qechuqninkutam paykunaña qechunqaku. Ñoqa Tayta Diosmi chaynata nini.