Éxodo 3:20 - CHUYA QELLQA La Biblia en Quechua de Ayacucho 2012

²⁰ Ichaqa Ñoqam atiyniywan Egipto runakunata tukuy rikchaq admirakuypaq ruwayniykunawan castigasaq, chaymantañam Faraonqa kachaykusunkichik.

Quechua Ayacucho Bible 1987

²⁰ Ñoqam atiyniywan Egipto runakunata castigasaq tukuy rikchaq admirakuypaq rurayniykunawan, chaymantañam Faraonqa kachaykusunkichik.

Chuya Qellqa 1992

²⁰ Ichaqa Ñoqam atiyniywan Egipto runakunata tukuy rikchaq admirakuypaq ruwayniykunawan castigasaq, chaymantañam Faraonqa kachaykusunkichik.

Éxodo 3:20 Iomraidhean Croise

Génesis 15:14

Ñoqañataqmi ñakarichiqninku nacionta ñakarichisaq, chaymantam miraynikikuna llumpay apu lloqsimunqaku.

Nehemías 9:10

Faraonpa hinaspa yanapaqninkunapa contranpim admirakuypaq hatun señalkunata ruwarqanki, Egipto runakuna llumpayta hatunchakuspa Israelpa mirayninkunata imam ruwasqantam yacharqanki, chaynapim sutikitapas ancha reqsisqata ruwarqanki, chaynam kunankamapas kachkan.

Éxodo 11:1

Moisestam Tayta Dios nirqa: Faraonmanwan Egipto runakunamanmi huk castigotawan apamusaq, chay castigopa qepantam kachaykusunkichik, hinaspam llapallaykichikta qarqosunkichik.

Éxodo 12:39

Egiptomanta mana levadurayuq masa apamusqankumantam tortillakunata ruwarqaku, Egiptomanta qarqomuptinkum mana tiemponku karqachu qoqawllapas ruwakunankupaq.

Éxodo 13:3

Chaymi runakunata Moisés nirqa: Amam kay punchawtaqa qonqankichikchu, kay punchawpim Egipto nacionpi esclavo kasqaykichikmanta lloqsirqankichik. Tayta Diosmi hatun atiyninwan kaymanta hurqosurqankichik. Chaynaqa, amam levadurayuq tantataqa mikunkichikchu.

Éxodo 13:9

Kayqa kanqa ama qonqanaykichikpaqmi, makikichikpi hinaspa urkuykichikpi marca hinam kanqa, Tayta Diospa yachachikuynin simillaykichikpi kananpaq. Tayta Diosqa hatun atiyninwanmi Egipto nacionmanta hurqomusurqankichik.

Éxodo 15:11

Dios Taytalláy, qam hina huk diosqa manam kanchu, qam hina admirakuypaq chuya Diosqa manam kanchu. Qamqa admirakuypaq kaqkunatam ruwanki, qamqa hatun milagrokuna ruwaqmi kanki.

Éxodo 15:6

Dios Taytallayku, atiynikitam qawaykachikunki; Dios Taytallayku, alleq makikiwanmi enemigota ñutururqanki.

Éxodo 4:21

Chaymantam Moisesta Tayta Dios nirqa: Egipto nacionman kutispaykiqa amam llapallan milagrokuna ruwachisqaytaqa qonqankichu, Faraonpa qayllanpim ruwanki. Runaykunata mana kacharinanpaqmi sonqonta rumiyarachisaq.

Éxodo 6:1

Chaymi Moisesta Tayta Dios nirqa: Kunanmi Faraonta imam ruwasqayta qawanki, atiyniywan ñakarichiptiyñam kacharisunkichikqa, hinaspam nacionninmanta kikin qarqosunkichik, nispa.

Éxodo 6:6

chayraykum Israelpa mirayninkunata ninki: Ñoqam Tayta Dios kani. Ñoqam Egipto nacionpi sasa llamkaykunamanta hurqosqaykichik, servipakuq kasqaykichikmantapas librasqaykichikmi. Atiyniywanmi hatun castigokunawan salvasqaykichik.

Éxodo 9:15

Sichum qanmanwan runaykikunaman peste onqoyta kachaykamuptiyqa ñam kay pachamanta chinkaruwaqña karqa.

Isaías 19:22

Tayta Diosmi Egipto runakunata onqochinqa, chaywanpas kikillantaqmi hampiykunqa. Tayta Diosman kutirikuspa mañakuptinkum paykunataqa sanoyachinqa.

Isaías 26:11

Dios Taytallayku, qamqa ñakarichinaykipaqmi chaylla kachkanki, paykunam ichaqa mana musyakunkuchu, llaqtaykita llumpay kuyasqaykita qawaspam penqaypi tarikunqaku. Contraykipi kaqkuna ninawan kañasqa kachunku.

Ezequiel 20:33

Ñoqa Tayta Diosmi kaynata nini: Ñoqaqa piñakuyniywan hinaspa hatun atiyniywanmi qamkunapi munaychakusaq.

Miqueas 7:15

Egiptomanta hurqomusqaykipi hina admirakuypaq atiynikita qawarichiy.

Hechos 7:36

Paymi Israel runakunata hurqomurqa admirakuypaq milagrokunata Egipto nacionpi ruwaspa chaynataq Puka lamar qochapipas hinaspa tawa chunka watantin hamusqanku chunniqpipas.

Deuteronomio 4:34

¿Ima diostaq pruebakunata, señalkunata, milagrokunata hinaspa guerrakunata ruwaspan, paypa runankunaña kananchikpaq wakin nacionkunamanta akllawarqanchik? Señornikichik Tayta Diosllam Egipto nacionpi ñoqanchikpa qayllanchikpi chaynataq ñoqanchikrayku hatun atiyninwan hinaspa hatun castigowan mancharikuypaq kaqkunata ruwarqa.

Deuteronomio 6:22

Ñoqaykum Egipto nacionpi Faraonpa chaynataq castankunapa contranpi Tayta Diospa hatun hinaspa mancharikuypaq milagrokuna ruwasqanta rikurqaniku, rikurqanikutaqmi admirakuypaq kaqkuna ruwasqankunatapas.

Jueces 6:8

Diosñataq huk profetata kachamurqa, chay profetam kaynata nirqa: Israelpa yupaychasqan Tayta Diosmi kaynata nin: Ñoqam Egipto nacionpi esclavo kasqay-kichikmanta hurqomurqaykichik.

Jueces 8:16

Chaykunata niruspanmi Gedeonqa, Sucot llaqtapi ancianokunata hapiruspan, chunniqpi tukuy rikchaq kichkakunawan waqtaparurqa.