Éxodo 3:19 - CHUYA QELLQA La Biblia en Quechua de Ayacucho 2012

¹⁹ Aswanqa yachanim Egipto nacionpi reyqa mana kacharisunaykichikta, kacharisunkichikqa atiyniywan hurqoptiyñam.

Quechua Ayacucho Bible 1987

¹⁹ Aswanqa ñoqam yachani Egipto nacionpi reyqa mana kacharisunaykichikta. Kacharisunkichikqa atiyniywan horqoptiyñam.

Chuya Qellqa 1992

¹⁹ Aswanqa yachanim Egipto nacionpi reyqa mana kacharisunaykichikta, kacharisunkichikqa atiyniywan hurqoptiyñam.

Éxodo 3:19 Iomraidhean Croise

Éxodo 10:20

Ichaqa Tayta Diosmi Faraonpa sonqonta rumiyarachirqa, chaymi Israelpa mirayninkunataqa ma-na kacharirqachu.

Éxodo 11:10

Moiseswan Aaronmi tukuy kay admirakuypaq kaqkunata Faraonpa ñawpaqninpi ruwarqaku. Ichaqa Tayta Diosmi Faraonpa sonqonta rumiyarachirqa, chaymi Israelpa mirayninkunata Egipto nacionmanta mana kacharirqachu.

Éxodo 11:9

Chaymantam Moisesta Tayta Dios nirqa: Faraonqa manam kasusunkichikchu, chaynapim Egipto nacionpi admirakuypaq ruwasqaykunata qawachikusaq, nispa.

Éxodo 13:15

Sonqonta rumiyarachispa Faraón mana kachariwaptinkum runapa piwi churinmanta qallarispa animalpa piwinkama llapa piwikunata Egipto nacionpi Tayta Dios wañurachirqa. Chayraykum Tayta Diospaq wañuchiniku llapallan punta nacemuq animalkunata, hinaspam piwi qari churiykutapas cambianiku.

Éxodo 4:21

Chaymantam Moisesta Tayta Dios nirqa: Egipto nacionman kutispaykiqa amam llapallan milagrokuna ruwachisqaytaqa qonqankichu, Faraonpa qayllanpim ruwanki. Runaykunata mana kacharinanpaqmi sonqonta rumiyarachisaq.

Éxodo 5:2

Rey Faraonñataqmi nirqa: ¿Pitaq Tayta Diosqa payta kasuspay Israelpa mirayninkunata kachaykunaypaqqa? Tayta Diostaqa manam reqsinichu, manataqmi Israel miraykunatapas kachariymanchu, nispa.

Éxodo 6:1

Chaymi Moisesta Tayta Dios nirqa: Kunanmi Faraonta imam ruwasqayta qawanki, atiyniywan ñakarichiptiyñam kacharisunkichikqa, hinaspam nacionninmanta kikin qarqosunkichik, nispa.

Éxodo 8:28

Chaymi Faraón nirqa: Ñoqam chunniqman rinaykichikpaq kachaykusqaykichik, chaynapi Dios-nikichikman sacrificiokunata ofrecespa yupaychamunaykichikpaq, ichaqa amam llumpay karutaqa rinkichikchu, hinaspam ñoqapaqpas mañakamunkichik, nispa.

Éxodo 9:35

Faraonpa sonqonmi rumiyarurqa, chaynapim Israelpa mirayninkunata mana kacharirqachu, Moisesnintakama Tayta Diospa nisqanman hina.

Éxodo 9:7

Faraon-ñataqmi Israel miraykunapa animalninkuta qawachimurqa, hinaptinmi chullallapas mana wañusqachu. Chaywanpas sonqon rumiyaruptinmi Faraonqa Israelpa mirayninkunata mana kachariyta munarqachu.