Éxodo 3:18 - CHUYA QELLQA La Biblia en Quechua de Ayacucho 2012

¹⁸ Israelpa ancianonkunam kasusunki, hinaptinmi paykunawan rispa Egipto nacionpi reyta ninkichik: Hebreo runakunapa Tayta Diosninmi tariramuwanku, chayraykum kunan kimsa punchaw puriyta chunniqman risaqku, chaynapi Tayta Diosman sacrificiokunata ofrecespa hatunchamunaykupaq, nispaykichik.

Quechua Ayacucho Bible 1987

¹⁸ Israelpa ancianonkuna kasususpaykim qanwan kuska rinqaku chaymi Egipto nacionpi reyta ninkichik: “Hebreo castakunapa yupaychasqan Tayta Diosmi tariramuwanku chayraykum kunan risaqku chunniqman kimsa punchaw puriyta chaynapi yupaychasqayku Tayta Diosman animalkunata wañuchipuspa adoramunaykupaq” nispa.

Chuya Qellqa 1992

¹⁸ Israelpa ancianonkunam kasusunki, hinaptinmi paykunawan rispa Egipto nacionpi reyta ninkichik: Hebreo runakunapa Tayta Diosninmi tariramuwanku, chayraykum kunan kimsa punchaw puriyta chunniqman risaqku, chaynapi Tayta Diosman sacrificiokunata ofrecespa hatunchamunaykupaq, nispaykichik.

Éxodo 3:18 Iomraidhean Croise

Génesis 12:1

Abramtam Tayta Dios nirqa: Llaqtaykimanta, aylluykimanta hinaspa taytaykipa wasinmanta lloqsiy, maymi ñoqapa qawachisqay allpaman rinaykipaq.

Génesis 14:13

Hinaptinmi huk lluptiruq runañataq hebreo casta Abramman willaykamurqa, Amor casta Mamrepa encina sachankunapa kasqanpi yachachkaptin. Mamreqa karqa Escolpa chaynataq Anerpa wawqenmi. Paykunam Abramwan huklla karqaku.

Génesis 15:1

Chaykunapa qepantam Abramman rikuriykuspan Tayta Dios nirqa: Abram, ama manchakuychu, ñoqam waqaychasqayki, llumpaytataqmi apuyachisqaykipas, nispan.

Génesis 17:1

Abramqa isqon chunka isqonniyuq watanpi kachkaptinmi Tayta Dios rikuriykuspan nirqa: Ñoqam kani Tukuy Atiyniyuq Tayta Dios, munasqayman hinayá kawsay.

Génesis 48:3

hinaspam Joseyta nirqa: Tukuy Atiyniyuq Diosmi Canaán lawpi Luz sutiyuq llaqtapi rikuriykuwaspan

2~Crónicas 30:12

Judá nacionpi runakunapas Tayta Diospa kallpanchasqanmi, tukuy sonqonkuwan reypa chaynataq kamachikuqkunapa kamachisqanta kasukurqaku. Chaynataqa ruwarqaku Tayta Diospa nisqanman hinam.

Éxodo 10:3

Chaymi Moiseswan Aarón, Faraonpa qayllanman yaykuspa nirqaku: Hebreo runakunapa Diosninmi kaynata nin: “¿Haykapikamataq ñoqapa qayllaypi mana uchuychakunkichu? Yupaychamuwanankupaq llaqtayta kachariy.

Éxodo 17:5

Hinaptinmi Moisesta Tayta Dios nirqa: Runakunapa ñawpaqninman riy, pusay-taq Israelpa ancianonkunata. Nilo mayuta waqtasqayki tawnaykitapas apaspa utqayman riy.

Éxodo 19:1

Egipto nacionmanta lloqsimusqanku punchawmanta kimsa killaña pasaruptinmi, Israelpa mirayninkuna Sinaí chunniqman chayarurqaku.

Éxodo 25:22

Chaypim qanman rikurisqayki, hinaspam chay tapapa hawanmanta, pacto ruwasqay Arcapa hawanpi kaq querubinkunapa chawpinmanta rimapayasqayki; chaypim Israelpa mirayninkunapaq kamachikuykunata willasqayki.

Éxodo 3:12

Hinaptinmi Dios nirqa: Ñoqam qanwan kasaq, kaymi kachasqaypa señalnin kanqa: Egipto nacionmanta runaykunata hurqoramuspam kay orqopi yupaychawankichik.

Éxodo 3:16

Israelpa ancianonkunata huñumuspa nimuy: “Ñawpaq taytaykichik Abrahampa, Isaacpa hinaspa Jacobpa Diosninmi rikuriykuwaspa niwarqa: Cheqaptapunim qamkunata watukamuykichik Egipto nacionpi imam ruwasusqaykichikta qawanaypaq.

Éxodo 30:36

Wakintam ñutuy-ñutuyta kutaruspa ñoqaman asuykuna carpapi pacto ruwasqay Arcapa ñawpaqninman churanki, chaypim qanwan tupasun, chay inciensoqa ñoqallapaqña sapaqchasqam kanqa.

Éxodo 30:6

Chay altartam velopa qepanpi, pacto ruwasqay Arcapa waqtanpi churanki, tapapa ñawpaqninpi, chaypim qanwan tupasaq.

Éxodo 4:1

Chaymantam Diosta Moisés nirqa: Paykuna mana creewaspa, “Tayta Diosqa manam rikurisurqankichu”, nispa mana kasuwaptinkuqa ¿ima nisaqtaq? nispa.

Éxodo 4:23

Ñam nirqaykiña churiyta kacharinaykipaq chaynapi hatunchawananpaq, mana kachariyta munaptikiqa piwi churikitam wañurachisaq, nispa”.

Éxodo 4:24

Ñan risqanpi, ayllunkunapiwan samana wasipi Moisés kachkaptinmi tuta wañurachinanpaq Tayta Dios rikuriykurqa.

Éxodo 4:31

Chaymi paykunapa nisqanta runakuna creerqaku. Israelpa mirayninkunam paykunaman Tayta Diospa watukusqanta yachaykuspanku, ñakarisqankutapas qawaykusqanta uyariykuspanku kumuykuspa Diosta hatuncharqaku.

Éxodo 5:1

Moiseswan Aaronmi Faraonpa qayllanman yaykuspanku nirqaku: Israelpa yupaychasqan Tayta Diosmi nin: “Llaqtayta kachariy chunniqman rinankupaq, hinaspa fiestata ñoqapaq ruwamunankupaq”, nispa.

Éxodo 5:3

Chaymi paykuna nirqaku: Hebreo runakunapa Diosninmi ñoqaykuman rikuriykuwanku. Chayraykum kimsa punchaw puriyta chunniqman rispa Tayta Diosman sacrificiokunata ofrecespa hatunchamusaqku, mana chayqa ñoqaykumanmi ima peste onqoypas otaq guerrapas chayaramuwanmanku, nispanku.

Éxodo 7:16

Hinaspam payta ninki: Hebreo runakunapa Diosninmi kachamuwan qanman kaynata ninaypaq: Chunniqpi yupaychamuwananpaq llaqtayta kachariy, nispa. Ichaqa kunankama mana kasuwasqaykiraykum

Éxodo 8:1

Moisestam Tayta Dios nirqa: Faraonpa kasqanman yaykuspa kaynata nimuy: Hebreo runakunapa Diosninmi kaynata nin: “Yupaychamu-wananpaq llaqtayta kachariy.

Éxodo 8:20

Moisestam Tayta Dios nirqa: Faraonmi mayuman paqarin lloqsinqa. Chaynaqa, tutapayta hatarispayki paywan tupanaykipaq riy. Hinaspam ninki, Tayta Diosmi kaynata nin: “Yupaychamuwananpaq llaqtayta kachariy.

Éxodo 8:23

Runaykunatam runaykikunamanta sapaqchasaq. Kay señalmi paqarin ruwasqa kanqa”, nispa.

Éxodo 9:1

Moisestam Tayta Dios nirqa: Faraonpa qayllanman yaykuspa kaynata nimuy, hebreo runakunapa Diosninmi kaynata nin: Llaqtayta kachariy yupaychamuwanankupaq.

Éxodo 9:13

Moisestam Tayta Dios nirqa: Tutapayta hatarispa, Faraonpa qay-llanman yaykuspa kaynata nimuy; he-breo runakunapa Diosninmi kaynata nin: “Yupaychamuwanankupaq llaq-tayta kachariy,

Isaías 64:5

Qamqa kusikuywan allinkuna ruwaqkunamanmi, munasqaykiman hina kawsaqkunaman taripaykunki. Ichaqa unay watakunam huchallapi kawsaspayku piñachirqaykiku, chaynaqa ¿imaynataq salvasqa kaymanku?

Jeremías 2:2

Jerusalenpi runakunaman rispayki, allinta uyarinankupaq qaparispa kaynata nimuy, Tayta Diosmi kaynata nin: Sipas kaspa kuyawasqaykitam yuyarini, casararuptiy kuyawasqaykitam yuyarini, mana imapa kanan chunniqninta qatiwasqaykitam yuyarini.

Jeremías 2:6

Paykunaqa manam tapukurqakuchu: ¿Maytaq Egiptomanta hurqomuwaqninchik Tayta Diosqa? nispallapas. ¿Maytaq mana imapa kanan chunniqninta pusamuwaqninchikqa? nispallapas ¿Maytaq wañuypa kanan sinchi tutayay chaki allpanta pusamuwaqninchikqa? nispallapas. ¿Maytaq runapa mana yachanan allpankunata pusamuwaqninchikqa? nispallapas.

Jeremías 26:5

chaynataq qamkunaman ñataq-ñataq kachamusqay profetaykunapa nisqantapas mana kasukuptikichikqa,

Números 17:4

Chay tawnakunataqa ñoqaman asuykuna carpapim Arcapa ñawpaqninpi churanki, chaypim qamkunawan tupasaq.

Josué 1:17

Imaynam Moisesta tukuy imapipas kasurqaniku chaynam qamtapas kasusqaykiku. Ichaqa Tayta Diosyá qanwan kachun imaynam Moiseswan kasqanta hina.