Éxodo 3:16 - CHUYA QELLQA La Biblia en Quechua de Ayacucho 2012

¹⁶ Israelpa ancianonkunata huñumuspa nimuy: “Ñawpaq taytaykichik Abrahampa, Isaacpa hinaspa Jacobpa Diosninmi rikuriykuwaspa niwarqa: Cheqaptapunim qamkunata watukamuykichik Egipto nacionpi imam ruwasusqaykichikta qawanaypaq.

Quechua Ayacucho Bible 1987

¹⁶ Israelpa ancianonkunata huñumuspayá nimuy: “Abueloykichik Abrahampa, Isaacpa hinaspa Jacobpa Diosninmi rikuriykuwaspa niwarqa: ‘Cheqaptapunim qamkunata watukamuykichik Egipto nacionpi imam rurasusqaykichikta qawanaypaq.

Chuya Qellqa 1992

¹⁶ Israelpa ancianonkunata huñumuspa nimuy: “Ñawpaq taytaykichik Abrahampa, Isaacpa hinaspa Jacobpa Diosninmi rikuriykuwaspa niwarqa: Cheqaptapunim qamkunata watukamuykichik Egipto nacionpi imam ruwasusqaykichikta qawanaypaq.

Éxodo 3:16 Iomraidhean Croise

Génesis 1:7

Diosmi ruwarqa yaku rakinaq vaciota, hinaspam vaciopa ukunpi kaq yakuta rakirqa vaciopa hawanpi kaq yakukunamanta. Hinaptinmi chayna karqa.

Génesis 21:1

Saraman prometekusqantam Tayta Dios cumplirqa, hinaspam nisqanman hina Sarawan ruwarqa.

Génesis 28:13

Tayta Diostapas ladonpi sayachkaqtam rikururqa. Diosmi nirqa: Ñoqaqa abueloyki Abrahampa hinaspa taytayki Isaacpa yupaychasqan Diosmi kani. Kay puñusqayki allpatam qanmanwan miraynikikunaman qosqaykichik.

Génesis 48:15

Joseyta bendecispanmi kaynata nirqa: “Taytay Abrahampa, Isaacpa servisqan Diosmi, nacesqay punchawmantapunim kunankama waqaychawarqa.

Génesis 50:24

Huk punchawmi wawqenkunata José nirqa: Wañukusaqñam ñoqaqa, ichaqa Diosmi cheqaptapuni watukamusunkichik, hinaspam kay nacionmanta kutichisunkichik Abrahamman, Isaacman hinaspa Jacobman prometesqan allpaman, nispa.

Éxodo 1:8

Chaymantam Egipto nacionpi, Joseyta mana reqsiq musoq reyña munaychakurqa, paymi runankunata nirqa:

Éxodo 13:19

Moisesqa Joseypa tullun-kunatapas aparqam. Joseymi kawsachkaspallaraq Israelpa mirayninkunata jurachispan nirqa: Diosmi cheqaptapuni watukamusunkichik, hinaptinmi tulluykunata kaymanta apankichik, nispa.

Éxodo 15:14

Llaqtakunam uyariruspa katkatatanqaku, filisteokunam nanaywan hapichikunqaku.

Éxodo 17:5

Hinaptinmi Moisesta Tayta Dios nirqa: Runakunapa ñawpaqninman riy, pusay-taq Israelpa ancianonkunata. Nilo mayuta waqtasqayki tawnaykitapas apaspa utqayman riy.

Éxodo 18:12

Hinaspam Jetroqa huk animalta apamuspan lliw kañana ofrendatawan chaynataq huk rikchaq ofrendakunatapas Diosman ofrecerqa. Chaymanmi Aaronpas chaynataq Israelpa llapa ancianonkunapas hamurqaku, Diospa qayllanpi Moisespa suegronwan mikunankupaq.

Éxodo 2:25

Chaymi Israelpa mirayninkuna imaynam tarikusqankuta Dios qawaykurqa.

Éxodo 24:11

Diosqa Israelpi kamachikuqkuna-taqa manam imanarqachu, chaymi Diosta qawaspanku mikuspa tomar-qaku.

Éxodo 3:2

Chaypim Tayta Diospa angelnin rikuriykurqa, ninawan lenwachkaq tankar kichkapa chawpinpi. Moisés sumaqta qawaykuptinmi chay tankar kichkaqa rupaspapas mana kañakurqachu

Éxodo 3:6

Diosqa nirqataqmi: Ñoqam kani ñawpaq taytaykichik Abrahampa, Isaacpa hinaspa Jacobpa Diosnin, nispa. Chaymi Diosta qawaykuyta manchakuspan uyanta Moisés tapakuykurqa.

Éxodo 4:1

Chaymantam Diosta Moisés nirqa: Paykuna mana creewaspa, “Tayta Diosqa manam rikurisurqankichu”, nispa mana kasuwaptinkuqa ¿ima nisaqtaq? nispa.

Éxodo 4:29

Hinaspam Moiseswan Aarón rispanku Israelpa mirayninkunamanta llapallan ancianokunata huñururqaku.

Éxodo 4:31

Chaymi paykunapa nisqanta runakuna creerqaku. Israelpa mirayninkunam paykunaman Tayta Diospa watukusqanta yachaykuspanku, ñakarisqankutapas qawaykusqanta uyariykuspanku kumuykuspa Diosta hatuncharqaku.

Éxodo 4:5

Kay señalwanmi creenqaku ñawpaq taytaykichik Abrahampa, Isaacpa hinaspa Jacobpa Tayta Diosnin qanman rikurisusqaykita.

Mateo 26:3

Chay punchawkunapim, sacerdo-tekunapa kamachiqninkunawan an-cianokuna, sumo sacerdote Caifaspa palacionpi huñunakururqaku.

Lucas 1:68

Israelpa Diosninyá qapaqchasqa kachun, payqa llaqtanta salvaykunanpaqmi hamurqa.

Lucas 19:44

Pasaypaq tuñichisqam kanki, runaykikunatapas lliwtam wañuchinqaku. Rumikikunapas manam chullapas perqasqaqa puchunqachu, salvaqniki Diosta mana reqsikusqaykirayku, nispan.

Hechos 11:30

Chaynapim Judea lawpi iñiqkunapa kamachiqninkunaman yanapakuyninkuta Bernabeywan hinaspa Saulowan apachirqaku.

Hechos 15:14

Simón Pedrom willawarqanchik mana judío kaqkunamanpas Dios watukuykusqanta, chaynapi paykunamantapas runankunata akllaykunanpaq.

Hechos 20:17

Pablom Mileto llaqtapi kachkaspan, Efesopi iñiqkunapa ancianonkunata qayachirqa.

1~Pedro 2:12

Diosta mana reqsiqkunapa qayllanpiyá allinta kawsaychik, chaynapim hucha ruwaqmanta hina contraykichikpi rimachkaspankupas allin ruwasqaykichikta qawaspanku, Diospa cuenta mañaq hamusqan punchawpi payta yupaychanqaku.

1~Pedro 5:1

Kunanñataqmi qamkuna ukupi kaq ancianokunata rimapayamuni, ñoqapas paykuna hina ancianom kani, rikurqanitaqmi Jesucristopa ñakarisqankunatapas, ñoqapas pay-kunawan kuskam suma-sumaq riku-rimuq achkiyman yaykusaq.

Rutwan Sutichasqa Libro 1:6

Moab lawpi yachachkaspam Noemí uyarirurqa llaqtamasinkunaman Dios allin cosecha qoykusqanta, chaymi Moab-manta iskaynin llumchuyninkunapiwan llaqtanman kutikurqa.