Éxodo 3:15 - CHUYA QELLQA La Biblia en Quechua de Ayacucho 2012

¹⁵ Kasqallanmi Moisesta Dios nirqa, Israelpa mirayninkunatam kaynata ninki: “Ñawpaq taytaykichik Abrahampa, Isaacpa hinaspa Jacobpa Diosninmi qamkunaman kachamuwan. Payqa Tayta Diosmi”, nispa. Kaymi wiñaypaq sutiyqa, kay sutiywanmi wiña-wiñaypaq yuyariwankichik.

Quechua Ayacucho Bible 1987

¹⁵ Kasqallanmi Moisesta Dios nirqa: —Kaynatam Israelpa mirayninkunaman ninki: “Abueloykichik Abrahampa, Isaacpa hinaspa Jacobpa Diosninmi kachamuwan qamkunaman. Payqa Tayta Diosmi” nispa. Kaymá wiñaypaq sutiyqa, chay sutiywanmi yuyariwankichik wiña-wiñaypaq.

Chuya Qellqa 1992

¹⁵ Kasqallanmi Moisesta Dios nirqa, Israelpa mirayninkunatam kaynata ninki: “Ñawpaq taytaykichik Abrahampa, Isaacpa hinaspa Jacobpa Diosninmi qamkunaman kachamuwan. Payqa Tayta Diosmi”, nispa. Kaymi wiñaypaq sutiyqa, kay sutiywanmi wiña-wiñaypaq yuyariwankichik.

Éxodo 3:15 Iomraidhean Croise

Génesis 24:12

Hinaspam Diosta mañakuspan nirqa: Patronniy Abrahampa yupaychasqan Dios, mañakuykim patronniy Abraham-man prometesqaykita cumplinaykipaq. Yanapaykuwayá imamanmi hamusqay allin lloqsinanpaq.

1~Crónicas 16:16

Abrahamwan pacto ruwasqantaqa manam qonqanchu, Isaacman jurasqanmantaqa manam qonqanchu.

1~Crónicas 29:18

Dios Taytalláy, Abrahampa, Isaacpa hinaspa Jacobpa Diosnin, kay llaqtaykipa kuyakuynintayá hina kaynallata wiñaypaq waqaychay, tukuy sonqonkuwantaqyá qamtapas kuyasunki.

2~Crónicas 28:9

Israel tropakuna Samaria llaqtaman kutichkaptinkum, profeta Obed taripaykuspan paykunata nirqa: Ñawpaq taytaykichikkunapa yupay-chasqan Tayta Diosmi Judá nacionpa contranpi piñakuspan makikichikman churaykurqa, ichaqa qamkunam piñakuyllawanña wañurachinkichik, chay ruwasqaykichiktaqa Tayta Diosqa qa-wachkanmi.

Éxodo 15:2

Tayta Diosmi kallpanchaqniyqa, Tayta Diosmi salvawaqniyqa, chaymi payman takipusaq. Payqa ñoqapa Diosniymi, chayraykum yupaychasaq; payqa ñawpaq taytaykunapa Diosninmi, chayraykum hatunchasaq.

Éxodo 15:3

Tayta Diosqa guerrapi peleaqmi, Tayta Diosmi sutinpas.

Éxodo 3:13

Ichaqa Diostam Moisés nirqa: Sichum Israelpa mirayninkunaman rispay, “ñawpaq taytaykichikkunapa Diosninmi qamkunaman kachamuwan” nisaq hinaptinñataq paykuna “¿Imataq sutin?” nispa tapuwaptinkuqa, ¿imanisaqtaq? nispa.

Éxodo 3:6

Diosqa nirqataqmi: Ñoqam kani ñawpaq taytaykichik Abrahampa, Isaacpa hinaspa Jacobpa Diosnin, nispa. Chaymi Diosta qawaykuyta manchakuspan uyanta Moisés tapakuykurqa.

Éxodo 4:1

Chaymantam Diosta Moisés nirqa: Paykuna mana creewaspa, “Tayta Diosqa manam rikurisurqankichu”, nispa mana kasuwaptinkuqa ¿ima nisaqtaq? nispa.

Éxodo 4:5

Kay señalwanmi creenqaku ñawpaq taytaykichik Abrahampa, Isaacpa hinaspa Jacobpa Tayta Diosnin qanman rikurisusqaykita.

Éxodo 6:2

Moisesta rimapayaspam Tayta Dios nirqa: Ñoqam Tayta Dios kani.

Proverbios 18:10

Tayta Diospa sutinqa mana tuñichiy atina torre hinam, allin runaqa chayman kallpaspam amparakun.

Isaías 26:8

Dios Taytallayku, kamachikuynikiman hina kawsaspam qamllapi sunita sayaniku, qanmanta yuyarispam sonqoykupi yuyaymanayta munaniku.

Isaías 42:8

Ñoqam kani Tayta Dios, chaymi sutiy. Hukkuna hatunchanankutaqa manam munanichu, ñoqallatam yupaychawanankuqa, manam idolokunatachu.

Isaías 63:12

¿Maypitaq kachkan Moisesta yanapananpaq admirakuypaq atiyninta kachamuqqa? ¿Maypitaq kachkan llaqtanpa qayllanpi lamar qochata kichariqqa? ¿Maypitaq kachkan wiñaypaq reqsisqa kananpaq chaykunata ruwaqqa?

Isaías 9:6

Wawam nacerapuwanchik, churitam Tayta Dios qoykuwanchik, munaychakunanpaqmi atiyta qoykun. Paytam sutichanqaku: Admirakuypaq, allin Consejakuq, Tukuy Atiyniyuq Dios, Wiña-Wiñaypaq Yaya, hinaspa Hawkayayta Qokuq, nispa.

Jeremías 33:2

Kay pachata unanchaspa tukuy imankunatapas churaspa takyachiq ñoqa Tayta Diosmi kaynata nini:

Daniel 2:23

Ñawpaq taytakunapa Diosnin, qanmanmi graciasta qoyki, qamtataqmi yupaychayki; qanmi yachayta qowarqanki, qamtaqmi atiytapas qowarqanki. Kunanmi imam mañakusqaykuta reqsiykachiwankiku, kunanmi reypa mosqorusqanta yachaykachiwankiku.

Oseas 12:5

Tukuy Atiyniyuqmi Diosninchikqa, ¡Tayta Diosmi sutinpas!

Oseas 12:6

Israel miraykuna, Diosnikichikman kutirikuychik, llakipayakuytawan allin kawsakuyta ruwaychik, ama pisipaspa Diospi hapipakuychik.

Miqueas 4:5

Llapa llaqtakunaña diosninkupa sutinpi hapipasqa kawsaptinkupas, ñoqanchikqa Tayta Diospa sutinpi hapipakuspam wiña-wiñaypaq kawsakusun.

Malaquías 3:6

Ñoqa Tayta Diosqa hina kaqllam kani; chayraykum Jacobpa miraynin-kuna mana paqwaypaqchu chinkarunkichik.

Mateo 22:32

“Ñoqaqa kani Abrahampa, Isaacpa hinaspa Jacobpa Diosninmi” nisqanta? Diosqa manam wañusqakunapa Diosninchu, aswanqa kawsaqkunapa Diosninmi, nispa.

Hechos 3:13

Aswanqa ñawpaq taytanchik Abrahampa, Isaacpa hinaspa Jacobpa yupaychasqan Diosmi serviqnin Jesusta hatuncharqa. Paytam autoridadkunaman qoykurqankichik, gobernador Pilato librayta munaptinpas harkakurqankichikmi.

Hechos 7:32

“Ñoqam kani ñawpaq taytayki Abrahampa, Isaacpa hinaspa Jacobpa Diosnin” niqta. Hinaptinmi Moisesqa manchakuymanta katkatatayta qallaykuspan ni qawariytapas atirqachu.

Deuteronomio 1:11

Ñawpaq taytanchikkunapa yupaychasqan Tayta Diosyá kunan kasqaykichikmantapas waranqa kutitawanraq mirachisunkichik, hinaspayá prometewasqanchikman hina bendecisunkichik.

Deuteronomio 1:35

“Kay mana allin miraykunaqa manam mayqanninkupas ñawpaq taytankuman juraspay qonay sumaq allpataqa rikunqachu.

Deuteronomio 4:1

Israelpa mirayninkuna, kay yachachisqay kamachikuykunatawan yachachikuykunatayá kasukuychik. Kasukuspaykichikqa manam wañun-kichikchu, hinaspam ñawpaq taytaykichikkunapa yupaychasqan Tayta Diospa qosunaykichik allpaman yaykunkichik.

Hebreos 11:16

Paykunaqa hanaq pachapi kaq allin llaqtatam anchallataña munarqaku, chayraykum Diospas paykunapa Diosnin kayta mana penqakunchu, paykunapaqmi huk llaqtata ruwarqa.

Hebreos 13:8

Jesucristoqa qaynapas, kunanpas, wiña-wiñaypaq hina kaqllam.