Éxodo 3:13 - CHUYA QELLQA La Biblia en Quechua de Ayacucho 2012

¹³ Ichaqa Diostam Moisés nirqa: Sichum Israelpa mirayninkunaman rispay, “ñawpaq taytaykichikkunapa Diosninmi qamkunaman kachamuwan” nisaq hinaptinñataq paykuna “¿Imataq sutin?” nispa tapuwaptinkuqa, ¿imanisaqtaq? nispa.

Quechua Ayacucho Bible 1987

¹³ Ichaqa Moisesmi Diosta nirqa: —Israelpa mirayninkunaman rispaymi nimusaq: “Abueloykichikkunapa Diosninmi qamkunaman kachamuwan” nispa. “¿Imataq sutin?” nispa tapuwaptinqa ¿Imanisaqtaq paykunataqa?

Chuya Qellqa 1992

¹³ Ichaqa Diostam Moisés nirqa: Sichum Israelpa mirayninkunaman rispay, “ñawpaq taytaykichikkunapa Diosninmi qamkunaman kachamuwan” nisaq hinaptinñataq paykuna “¿Imataq sutin?” nispa tapuwaptinkuqa ¿imanisaqtaq? nispa.

Éxodo 3:13 Iomraidhean Croise

Génesis 32:29

Jacobñataqmi chay runata tapurqa: Kunanyá sutikita willaykuway, nispa. Payñataqmi nirqa: ¿Imapaqtaq sutiymanta tapuwanki? nispa. Hinaspanmi chaypi bendeciykurqa.

Éxodo 15:3

Tayta Diosqa guerrapi peleaqmi, Tayta Diosmi sutinpas.

Éxodo 3:12

Hinaptinmi Dios nirqa: Ñoqam qanwan kasaq, kaymi kachasqaypa señalnin kanqa: Egipto nacionmanta runaykunata hurqoramuspam kay orqopi yupaychawankichik.

Éxodo 3:14

Chaymi Moisesta Dios nirqa: “Ñoqaqa kani Ñoqam”, chaynaqa Israelpa mirayninkunamanmi ninki: “Ñoqam kani” niqmi qamkunaman kachamuwan, nispa.

Éxodo 3:15

Kasqallanmi Moisesta Dios nirqa, Israelpa mirayninkunatam kaynata ninki: “Ñawpaq taytaykichik Abrahampa, Isaacpa hinaspa Jacobpa Diosninmi qamkunaman kachamuwan. Payqa Tayta Diosmi”, nispa. Kaymi wiñaypaq sutiyqa, kay sutiywanmi wiña-wiñaypaq yuyariwankichik.

Éxodo 7:16

Hinaspam payta ninki: Hebreo runakunapa Diosninmi kachamuwan qanman kaynata ninaypaq: Chunniqpi yupaychamuwananpaq llaqtayta kachariy, nispa. Ichaqa kunankama mana kasuwasqaykiraykum

Proverbios 30:4

¿Pitaq hanaq pachaman qespiruspa uraykamurqa? ¿Pitaq wayrakunata makinwan putqorqa? ¿Pitaq yakukunata latapawan wisirqa? ¿Pitaq kay pachapa linderonkunata churarqa? ¿Yachaptikiqa imataq paypa sutin hinaspa churinpa sutin?

Isaías 52:6

Chay punchawpim sutiyta llaqtay reqsinqa, kikiypunim rimasqayrayku chaypi tarikusaq.

Isaías 7:14

Chaynaqa, kikin Diosmi señalta qosunkichik: Manaraq qari reqsiq sipasmi wiksayakuruspan qari wawata wachakunqa. Paytam Emanuelwan sutichanqa.

Isaías 9:6

Wawam nacerapuwanchik, churitam Tayta Dios qoykuwanchik, munaychakunanpaqmi atiyta qoykun. Paytam sutichanqaku: Admirakuypaq, allin Consejakuq, Tukuy Atiyniyuq Dios, Wiña-Wiñaypaq Yaya, hinaspa Hawkayayta Qokuq, nispa.

Jeremías 23:6

Paypa munaychakusqan punchawkunapim Judá nación salvasqa kanqa, Israel nacionpas hawkam kawsakunqa. Kaynataraqmi sutichanqakupas: “Tayta Diosmi salvaqninchikqa” nispanku.

Mateo 1:21

Qari wawatam wachakunqa, paytam Jesuswan sutichanki, paymi llaqtanta huchankunamanta salvanqa, nispa.

Mateo 1:23

Manaraq qari reqsiq sipasmi wiksayakuspan qari wawata wachakunqa, paytam “Emanuel” nispa sutichanqaku, chayqa “Diosmi ñoqanchikwan” ninanmi.

Hechos 3:13

Aswanqa ñawpaq taytanchik Abrahampa, Isaacpa hinaspa Jacobpa yupaychasqan Diosmi serviqnin Jesusta hatuncharqa. Paytam autoridadkunaman qoykurqankichik, gobernador Pilato librayta munaptinpas harkakurqankichikmi.

Jueces 13:17

Chayraykum Tayta Diospa angelninta tapurqa: Sutikitayá willaykuwayku niwasqaykiku cumplikuptin qamta reqsikunaykupaq, nispa.

Jueces 13:6

Chaymi hamuspan qosanman kaynata willarqa: Diospa runanmi ñoqapa kasqayman hamusqa, rikchayninpas Diospa angelnin hinam kasqa. Manam maymantam kasqantapas tapurqanichu, nitaqmi sutintapas willawarqachu.