Éxodo 3:12 - CHUYA QELLQA La Biblia en Quechua de Ayacucho 2012

¹² Hinaptinmi Dios nirqa: Ñoqam qanwan kasaq, kaymi kachasqaypa señalnin kanqa: Egipto nacionmanta runaykunata hurqoramuspam kay orqopi yupaychawankichik.

Quechua Ayacucho Bible 1987

¹² Hinaptinmi Dios nirqa: —Ñoqam yanapasqayki, qamta kachasqay señalmi kayna kanqa: Egipto nacionmanta runaykunata horqomuspaykim kay orqopi yupaychawankichik.

Chuya Qellqa 1992

¹² Hinaptinmi Dios nirqa: Ñoqam qanwan kasaq, kaymi kachasqaypa señalnin kanqa: Egipto nacionmanta runaykunata hurqoramuspam kay orqopi yupaychawankichik.

Éxodo 3:12 Iomraidhean Croise

Génesis 15:1

Chaykunapa qepantam Abramman rikuriykuspan Tayta Dios nirqa: Abram, ama manchakuychu, ñoqam waqaychasqayki, llumpaytataqmi apuyachisqaykipas, nispan.

Génesis 15:8

Abramñataqmi nirqa: Dios Taytalláy, ¿imaynatataq yachasaq kay allpa herenciay kasqanta? nispa.

Génesis 26:3

Chaynaqa, kay allpapi mana llaqtayuq hina yachay, ñoqam qanwan kasaq hinaspam bendecisqayki. Qanmanwan miraynikikunamanmi kay allpakunata qosqaykichik, chaynapim taytayki Abrahamman juramento ruwasqayta cumplisaq.

Génesis 31:3

Chaymi Jacobta Tayta Dios nirqa: “Tayta-mamaykipa allpanman, aylluykikunapa kasqanman kutikuy, ñoqam qanwan kasaq”, nispa.

2~Reyes 19:29

Rey Ezequiastam Isaías nirqa: Kaykunam imam pasakunanmanta señal kanqa: Kay watapiwan hamuq watapim kikinmanta wiñaq trigota mikunkichik. Kimsa kaq watapiñataqmi tarpuspa cosechankichik, uvastapas plantaspam rurunta mikunkichik.

1~Crónicas 9:20

Sacerdote Eleazarpa churin Fineesmi ñawpaqta paykunapa kamachiqninku karqa. Tayta Diosmi paywan karqa.

Éxodo 18:5

Diospa orqonpa hichpan chunniqpi Moisés samachkaptinmi suegron Jetro chayarurqa, Moisespa warmin Seforapiwan hinaspa iskaynin wawan-kunapiwan.

Éxodo 3:1

Moisesmi Madianpi sacerdote suegron Jetropa ovejankunata michichkaspan chunniqninta qatispan Diospa sapaqchasqan Horeb orqokama chayarurqa.

Éxodo 3:13

Ichaqa Diostam Moisés nirqa: Sichum Israelpa mirayninkunaman rispay, “ñawpaq taytaykichikkunapa Diosninmi qamkunaman kachamuwan” nisaq hinaptinñataq paykuna “¿Imataq sutin?” nispa tapuwaptinkuqa, ¿imanisaqtaq? nispa.

Éxodo 33:14

Chaymi Dios nirqa: Ñoqam qanwan risaq hinaspam samachisqayki, nispa.

Éxodo 4:12

Chaynaqa, kunan riy, ñoqam rimachiqniki kasaq, ñoqataqmi imam rimanaykitapas yachachisqayki, nispa.

Éxodo 4:15

Qanmi payta rimapayanki, yachachinkitaqmi imam ninantapas; imam rimanaykichiktawan imam ruwanaykichiktaqa ñoqam yachachisqaykichik.

Éxodo 8:27

Chayraykum chunniqman kimsa punchaw puriyta risaqku, hinaspam Tayta Diospaq sacrificiokunata ofrecespa yupaychamusaqku, chaynataqa ruwamusaqku paypa niwasqankuman hinam, nispa.

Isaías 37:30

Chaymi rey Ezequiasta Isaías nirqa: Kaymi imam pasakunanmanta señal kanqa: Kunan watapas chaynataq hamuq watapas kikillanmanta wiñaq trigotam mikunkichik. Kimsa kaq watapiñataqmi tarpuspa cosechankichik. Uvastapas plantaspam rurunta mikunkichik.

Isaías 41:10

Amayá manchakuychikchu, qamkunawanmi kachkani, amayá hukmanyaychikchu, ñoqam Diosnikichik kani, kallpanchaspaymi yanapasqaykichik, atiyniyuq makiywanmi pusasqaykichik.

Isaías 43:2

Yakunta riptikipas, qanwanmi kasaq, mayunta chimpaptikipas, manam apasunkichu, nina ukunta pasaptikipas, manam rupasunkichu, lenwachkaq ninapas manam kañasunkichu.

Isaías 7:14

Chaynaqa, kikin Diosmi señalta qosunkichik: Manaraq qari reqsiq sipasmi wiksayakuruspan qari wawata wachakunqa. Paytam Emanuelwan sutichanqa.

Jeremías 1:8

Amam pitapas manchakunkichu, qanwanmi kachkani libranaypaq, ñoqa Tayta Diosmi chaynata niki, nispa.

Números 16:28

Hinaptinmi Moisés nirqa: Kunanmi yachankichik kaykunata ruwanaypaq Tayta Dios kamachimuwasqanta, manam kikillaymantachu kaykunataqa ruwani.

Números 23:21

Jacobpa mirayninkunataqa manam pipas huchayuqmi ninmanchu, Israel runakunataqa manam pipas mana allin ruwaqkunam ninmanchu. Tayta Diosmi paykunawan kachkan, reyninkuta hinam paykunapas hatunchanku.

Mateo 28:20

Qam-kunaman tukuy ima kamachisqayta kasukunankupaq yachachimuychik. Ñoqaqa sapa punchawmi qamkunawan kasaq kay pacha puchukanankama, nispan.

Marcos 16:20

Chaymi discipulonkuna rispanku tukuy hinastinpi willakamurqaku, kikin Señormi paykunata yanaparqa willakusqankuta milagrokunawan cheqapchaspan].

Hechos 11:21

Diospa atiyninmi paykunata yanaparqa, chaymi achka runakuna Jesucristoman iñikurqaku.

Hechos 7:7

Diosqa nirqataqmi: “Aswanqa servichikuqninku runakunatam castigasaq, hinaptinmi miraynikikuna chay nacionmanta lloqsimuspanku kaypi yupaychawanqaku”, nispa.

Romanos 8:31

Chaynaqa, ¿imatawanraqtaq nichwanchik? Sichum Dios ñoqanchikwan kaptinqa, ¿pitaq ñoqanchikpa contranchikpi kanman?

Deuteronomio 31:23

Nunpa churin Josueyta kamachispanmi Tayta Dios kaynata nirqa: Kallpanchakuspa qarinchakuy, qanmi jurasqay allpaman Israelpa mirayninkunata pusanki, ñoqam qanwan kasaq, nispa.

Hebreos 13:5

Amayá qollqella maskaymanqa qoku-ruychikchu, aswanqa imam kapusuqnikichikwanyá contentakuychik. Diosmi nirqa: Manapunim qonqasqaykichu nitaqmi saqesqaykichu, nispa.

Josué 1:5

Kawsanayki punchawkamaqa manam pipas venceyta atisunkichu. Moisesta yanapasqayta hinam qamtapas yanapasqayki, manam saqesqaykichu nitaqmi qonqasqaykichu.

Jueces 6:12

Chaypim Tayta Diospa angelnin rikuriykuspan Gedeonta nirqa: ¡Kallpasapa qari, Tayta Diosmi qanwan kachkan! nispa.

Jueces 6:16

Chaymi Tayta Dios nirqa: Yanapaptiymi chulla runata hinalla madianitakunata vencenki, nispa.

Jueces 6:17

Hinaptinmi Gedeón nirqa: Ama hina kaspaykiyá kaykuna niwasqaykimanta señalta qoykuway.

Jueces 6:21

Tayta Diospa angelninñataqmi hapisqan tawnata haywarispan puntanwan aychata hinaspa mana levadurayuq tantata tupaykurqa, hinaptinmi rumimanta nina lloqsiramuspan aychatawan mana levadurayuq tantata ruparurqa. Chaymantam Tayta Diospa angelnin chinkarurqa.

Jueces 7:11

hinaspa imam rimasqankuta uyarimuy. Rimasqankuta uyarisqaykiwan kallpanchakuspam campamentopi kaq runakupa contranpi uraykunki, nispa. Hinaptinmi criadon Furawan rirqa enemigonkunapa campamentonta waqaychaq soldadokunapa kasqankama.

1~Samuel 14:10

Sichum paykuna qayamuwaspanchik “seqamuychik” niptinkuqa seqasunpunim, chaynapim yachasun vencenanchikpaq Tayta Dios yanapawasqanchikta, nispa.