Éxodo 29:9 - CHUYA QELLQA La Biblia en Quechua de Ayacucho 2012

⁹ Aarontawan churinkunatam chumpiwan chumpichinki, churachinkitaqmi mitrakunawanpas, chaynapim paykunaqa kamachikuyman hina wiñaypaq sacerdotekunaña kanqaku. Chaynatam Aarontawan churinkunata wiñaypaq sacerdoteykuna kanankupaq sapaqchanki.

Quechua Ayacucho Bible 1987

⁹ Aarontawan churinkunatam chumpinkuwan churachinki, churachinkitaqmi uma watakunkuwanpas chaymi decretoman hina paykuna kanqa wiñaypaq sacerdotekuna. Kaynatam Aarontawan churinkunata sacerdoteykunapaq nombranki.

Chuya Qellqa 1992

⁹ Aarontawan churinkunatam chumpiwan chumpichinki, churachinkitaqmi mitrakunawanpas, chaynapim paykunaqa kamachikuyman hina wiñaypaq sacerdotekunaña kanqaku. Chaynatam Aarontawan churinkunata wiñaypaq sacerdoteykuna kanankupaq sapaqchanki.

Éxodo 29:9 Iomraidhean Croise

Éxodo 27:21

Aaronwan churinkunam mecherokunata allichanqaku ñoqapa ñawpaqniypi tukuy tuta ratananpaq. Chaytaqa ruwanqa pacto ruwasqay Arcata harkaq velopa ñawpaqninpim. Kaymi kanqa wiñaypaq decretoy llapallan Israel castakunapaq chaynataq mirayninkunapaqpas.

Éxodo 28:1

Israelpa mirayninkunamanta akllaspa Aarontawan churinkunata ñawpaqnikiman qayay, chaynapi Aaronwan churinkuna: Nadab, Abiú, Eleazar hinaspa Itamar sacerdoteykuna kanankupaq.

Éxodo 32:29

Chaymi Moisés nirqa: Kunanmi Tayta Diospa serviqnin kanaykichikpaq churasqa kankichik, churikichiktapas hinaspa aylluykichiktapas wañuchisqaykichikraykum qamkunataqa bendecisunkichik, nispa.

Éxodo 40:15

Paykunatapas taytankuta hinam sacerdoteykuna kanankupaq aceitewan tallispa sapaqchanki. Aceitewan tallisqaykiraykum wiñaypaq sacerdoteykunaña lliw mirayninkunapiwan kanqaku, nispa.

Levítico 8:1

Moisestam Tayta Dios kaynata nirqa:

Levítico 8:13

Chaymantam Moisés asuykachirqa Aaronpa churinkunata, hinaspam tunicakunawan pachachirqa, weqawninkutapas chumpiwanmi watay-karirqa, umankumanpas mitratam churaykurqa, imaynam Tayta Diospa kamachisqanman hina.

Levítico 8:33

Tayta Diosman asuykuna carpapa punkunmantaqa qanchisnintin punchawmi ama asurinkichikchu, chayna punchawpim sacerdote kanaykichikpaq sapaqchasqa kasqaykichik cumplikunqa.

Números 16:10

Qamtawan wawqekikunatam, Leví ayllumanta kasqaykichikrayku Tayta Diosqa qayllanman asuykachisurqankichik. ¿Hinaptinchum sacerdote kaytaraq munachkankichik?

Números 16:35

Tayta Diospa qayllanmanta nina rikuriramuspanñataqmi chay incienso qontichiq iskay pachak pichqa chunka runakunata ruparurqa.

Números 16:40

chayta qawaspa Israelpa mirayninkuna yuyarispanku pipas mana Aaronpa mirayninmanta kaspaqa Tayta Diosman inciensota ama ofrecenanpaq, chaynapi Coreywan runankuna hina mana wañurunankupaq. Chaymi Eleazar ruwarqa imaynam Moisesman Tayta Diospa kamachisqanman hina.

Números 18:7

Altarpi ruwanakunatawan “Chuyay-chuyay” lugarpi ruwanakunatam ichaqa qanwan churikikunalla ruwankichik. Sacerdote kaynikichikqa qamkunallapaqmi, chay llamkaytam qamkunaman qoykichik. Pipas mana sacerdote kachkaspa ruwanaykichikta ruwaqqa wañuchisqam kanqa, nispa.

Números 25:13

Ñoqapi sonqoyuq kasqanraykum paywanpas chaynataq mirayninkunawanpas pactota ruwasaq, chaynapi sacerdoteykunaña wiñaypaq kanankupaq. Chaynataqa ruwani Israel miraykunapa huchankunata pampachaykachiwasqanraykum, nispa.

Números 3:10

Aaronwan churinkunam sacerdotekunapa imam ruwananta ruwanqaku. Pipas mana sacerdote kachkaspa santuarioman asuykuqqa wañunqam, nispa.

Deuteronomio 18:5

Aylluykikuna ukumantam payta, chaynataq mirayninkunata Señornikichik Tayta Dios akllarqa, payllataña sapa punchaw servinankupaq.

Hebreos 5:10

Diosñataqmi, imaynam Melquisedec karqa, chayna Sumo sacerdote kananpaq churarun.

Jueces 17:5

Micaiapaqa wasinpim karqa idolonkuna yupaychanan capillan, hinaptinmi efodtawan terafinkunata otaq idolokunata ruwarachispa huknin churinta sacerdote kananpaq churarqa.

1~Samuel 2:30

Chayraykum Israelpa yupaychasqan Tayta Dios kaynata nin: Ñoqam nirqani miraynikipas chaynataq ñawpaq taytaykikunapa mirayninpas wiñaypaqña serviwanankupaq. Kunanmi ichaqa prometekusqayta mana ruwasaqñachu. Ñoqaqa pim hatunchawaqniytam hatunchasaq, qepanchawaqniytam ichaqa asllapaq hapisaq.