Éxodo 29:43 - CHUYA QELLQA La Biblia en Quechua de Ayacucho 2012

⁴³ Chaypim Israelpa mirayninkunawan tupasaq, hinaptinmi chaypi tarikusqayrayku chay sitioqa ñoqallapaqña sapaqchasqa kanqa.

Quechua Ayacucho Bible 1987

⁴³ Chaypi Israelpa mirayninkunawan tupaptiymá kanchariyniyrayku chay sitioqa ñoqallapaqña sapaqchasqa kanqa.

Chuya Qellqa 1992

⁴³ Chaypim Israelpa mirayninkunawan tupasaq, hinaptinmi chaypi tarikusqayrayku chay sitioqa ñoqallapaqña sapaqchasqa kanqa.

Éxodo 29:43 Iomraidhean Croise

1~Reyes 8:11

Temploman chay puyum huntarusqanraykum llapa sacerdotekunapas imam ruwanankuta saqerurqaku, Tayta Diospa atiynin chay wasiman huntaykusqanrayku.

2~Crónicas 5:13

Trompetakunata tocaspankum llapallanku huklla takispanku Tayta Diosta hatunchaspa graciasta qorqaku. Trompetakunata, platillokunata hinaspa huk rikchaq tocanakunata tocaspankum kaynata takirqaku: “Kuyakuq kasqanraykuyá Tayta Diosta yupaychaychik, kuyakuyninqa wiña-wiñaypaqmi”, nispanku. Hinaptinmi Tayta Diospa templonman puyu huntaykurqa.

2~Crónicas 5:14

Puyu huntarusqanraykum llapa sacerdotekunapas imam ruwanankutapas mana ruwayta atirqakuchu, temploman Tayta Diospa kanchariynin huntarusqanrayku.

Éxodo 25:22

Chaypim qanman rikurisqayki, hinaspam chay tapapa hawanmanta, pacto ruwasqay Arcapa hawanpi kaq querubinkunapa chawpinmanta rimapayasqayki; chaypim Israelpa mirayninkunapaq kamachikuykunata willasqayki.

Éxodo 29:42

Chay kañasqa ofrendatam lliw miraynikichik mana tipiyta ruwanqaku, chaytaqa ruwanqaku ñoqapa qayllaypim, asuykuwananku carpapa punkunpi; chaypi tupaptinchikmi rimapayasqayki.

Éxodo 29:44

Carpatawan altartam ñoqallapaqña sapaqchasaq. Aarontawan churinkunatapas sacerdoteykuna kanankupaqmi sapaqchasaq.

Éxodo 40:34

Hinaptinmi Diosman asuykuna carpata puyu tapaykuptin Tayta Diospa atiynin carpaman huntaykurqa.

Éxodo 40:35

Chaymi carpaman Moisés mana yaykuyta atirqachu chaypa hawanpi puyu kasqanrayku, Diospa atiynin carpaman huntaykusqanrayku.

Isaías 60:1

¡Jerusalén llaqta, hatarispa kanchariy! Achkiqnikim chayaramun, Tayta Diospa achkiyninmi kanchariykusunki.

Ezequiel 43:5

Diospa Espiritunñataqmi hoqariruwaspan templopa uku law pationman aparuwarqa, hinaptinmi rikurqani chay temploman Tayta Diospa kanchariynin huntaykusqanta.

Levítico 9:4

Pusachimuytaq huk torotawan huk carnerotapas. Chaykunataqa Dioswan allinlla kasqankumanta ofrendapaqmi Tayta Diospa qayllanpi wañuchinqaku. Apamunqakutaqmi kawsaykunamanta aceitewan chapusqa ofrendatapas. Tayta Diosmi kunan qamkunaman rikurisunkichik, nispa.

Levítico 9:6

Hinaptinmi Moisés nirqa: Chayta ruwanaykichikpaqmi Tayta Dios kamachikun, chayta ruwaptikichikmi paypa atiynin rikuriykusunkichik, nispa.

Malaquías 3:1

Tukuy Atiyniyuq Tayta Diosmi kaynata nin: Ñoqamanta willakuqtam ñanta allichapuwananpaq ñawpaqniyta kachamusaq. Hinaptinmi maskasqaykichik Diosqa, templonman qonqayllamanta hamunqa. Ñam chayamuchkanña pactomanta willakuq ancha suyasqaykichik, nispa.

2~Corintios 3:18

Ñoqanchikpas uyanchik manaña velowan tapasqa kaptinmi Señorpa sumaqllaña kayninwan huk espejo hina achkirinchik. Ñoqanchikqa Cristomanñam aswan-aswan rikchakuchkanchik, paypa achkiriyninpas sapa kutim ñoqanchikpi kachkan. Chaytaqa Señormi ruwachkan. Payqa Espiritum.

2~Corintios 4:6

Tutayaypi kancharinanpaq kamachiq Diosllam sonqonchiktapas achkiyninwan kancharichirqa, chaynapi Jesucristopa uyanpi kanchariq Diospa achkiyninta reqsichinanchikpaq.

1~Juan 3:2

Kuyasqay wawqe-panikuna, Diospa churinñam kan-chik, aswanqa manaraqmi yachanchikchu imaynam kananchikmantaqa. Yachanchikmi ichaqa Jesucristo rikurimuptin payman rikchakuq kananchikta, paytam rikuykusun imaynam kasqanman hina.