Éxodo 29:41 - CHUYA QELLQA La Biblia en Quechua de Ayacucho 2012

⁴¹ Tardeykuyta ofrecenayki carnerowanpas chaynallatam ruwanki, tutapayta ofrecesqaykita hinallam ofrecenki; chaykunam ñoqapaq miski asnaq ofrenda.

Quechua Ayacucho Bible 1987

⁴¹ Chaynallatam ofrecenki tardeykuqta huknin carnerotapas chaynataq harinamanta rurasqa ofrendatapas hinaspa hichanapaq vinotapas, chaykunaqa ñoqapaq miski asnaq kañasqa ofrendam.

Chuya Qellqa 1992

⁴¹ Tardeykuyta ofrecenayki carnerowanpas chaynallatam ruwanki, tutapayta ofrecesqaykita hinallam ofrecenki; chaykunam ñoqapaq miski asnaq ofrenda.

Éxodo 29:41 Iomraidhean Croise

1~Reyes 18:29

Chawpi punchaw pasaruptinmi tardeykuqta ofrenda kañana horakama muspaypi hinaña qaparkacharqaku, ichaqa manam imallatapas uyarirqakuchu, manataqmi pipas contestamurqachu.

1~Reyes 18:36

Wañuchisqan animalta kañananpaq sacrificio hora chayaramuptinmi, altarman asuykuspan profeta Elías kaynata qaparirqa: ¡Dios Taytalláy! ¡Abrahampa, Isaacpa hinaspa Israelpa Diosnin! ¡Israel nacionpi Dios kasqaykitayá kunan reqsichikuy, reqsichiytaq ñoqapas serviqniki kaspay kamachiwasqaykiman hina kaykuna ruwasqayta!

2~Reyes 16:15

Hinaspanmi sacerdote Uriasta rey Acaz kamachirqa: Hatun kaq altarpim kañanki tutapay lliw kañana sacrificiota chaynataq tutaykuy kañana kawsaykunamanta ofrendatapas; reypa qosqan lliw kañana sacrificiotawan kawsaykunamanta ofrendatapas. Kañankitaqmi runakunapa lliw kañana sacrificiokunatawan chaynataq kawsaykunamanta ofrendankutapas, tallinkitaqmi vino ofrendankutapas. Lliw kañana animalpa yawarnintawan wañuchisqa ani-malkunapa yawarnintapas chaymanmi challanki. Broncemanta altarmi ichaqa ñoqapaq kanqa Tayta Diosta tapunaypaq, nispa.

2~Crónicas 2:3

Chaymantam Tiro llaqtapa reynin Hiramta Salomón kaynata nichimurqa: Imaynam taytay Davidman wasinta ruwachinanpaq cedro qerukunata apachimurqanki, chaynayá ñoqamanpas palacioyta ruwanaypaq apachimuway.

Éxodo 12:6

Chay animaltaqa kay killapa chunka tawayuq punchawninkamam waqaychankichik, chay punchawmi inti seqaykuyta Israel runakuna sapakama nakanqaku.

Éxodo 29:40

Chay carnerotawan kuskatam iskay kilo harinata ofrecenki, chay harinataqa aceitunasta chamchaspa hurqosqa aceitewanmi chapunki, hinaspam huk litro vinota tallinki.

Éxodo 29:42

Chay kañasqa ofrendatam lliw miraynikichik mana tipiyta ruwanqaku, chaytaqa ruwanqaku ñoqapa qayllaypim, asuykuwananku carpapa punkunpi; chaypi tupaptinchikmi rimapayasqayki.

Daniel 9:21

Diosman tardeykuq ofrendata ofrecena horata, ángel Gabriel altonta pawamuspa ñoqapa kasqayman chayaramurqa. Paytaqa punta visionniypipas rikurqaniñam.