Éxodo 29:40 - CHUYA QELLQA La Biblia en Quechua de Ayacucho 2012

⁴⁰ Chay carnerotawan kuskatam iskay kilo harinata ofrecenki, chay harinataqa aceitunasta chamchaspa hurqosqa aceitewanmi chapunki, hinaspam huk litro vinota tallinki.

Quechua Ayacucho Bible 1987

⁴⁰ Chay punta kaq carnerotawan kuskatam ofrecenki iskay kilo harinata, chay harinataqa chapunki chamchasqa aceitunasmanta horqosqa aceitewanmi hinaspam huk litro vinotawan hichanki chaypa hawanman.

Chuya Qellqa 1992

⁴⁰ Chay carnerotawan kuskatam iskay kilo harinata ofrecenki, chay harinataqa aceitunasta chamchaspa hurqosqa aceitewanmi chapunki, hinaspam huk litro vinota tallinki.

Éxodo 29:40 Iomraidhean Croise

Génesis 35:14

Jacobñataq chay rimasqanku sitiopi huk suytu rumita sayachirqa, hinaspam chay rumipa hawanman aceitetawan vinota talliykurqa Diosllapaqña sapaqchananpaq.

2~Reyes 3:20

Paqarinnintin achikyaqtam, Diosman ofrenda ofrecena horata, Edom lawmanta yaku chayaramuspan lliw qocharurqa.

Éxodo 16:36

Iskay kilo tupum hebreo simipi gomer.

Éxodo 29:39

Huknin carnerotam ofrecenki tutapayta, huknin carnerotañataqmi tardeykuyta.

Éxodo 29:41

Tardeykuyta ofrecenayki carnerowanpas chaynallatam ruwanki, tutapayta ofrecesqaykita hinallam ofrecenki; chaykunam ñoqapaq miski asnaq ofrenda.

Éxodo 30:24

casiamanta yaqa soqta kilota, huñunkitaqmi aceitunasmanta kimsa litro parten aceitetapas, chaykunataqa huñunki santuariopi pesoman hinam.

Isaías 57:6

Qamkunaqa wayqokunapi lluchka rumikuna yupaychaytam munankichik, chay rumikunapaqmi vinota tallipunkichik, kawsaykunamanta ofrendakunatam kañapunkichik. ¿Chaykunata ruwachkaptikichikchu qamkunata mana castigaykichikman karqa?

Ezequiel 20:28

Paykunaqa juramentowan prometesqay allpaman yaykuruspankupas, alto moqokunata hinaspa rapisapa sachakunata qawaykuspankum animalkunata kañaspa piñachiwarqaku, chaykunapim inciensota kañaspanku vinotapas tallirqaku.

Ezequiel 4:11

Yakutapas tupusqallatam horallanpi tomanki. Huk punchawmi medio litrollata tomanki.

Ezequiel 45:17

Chay kamachikuqñataqmi musoq killa fiestapi, samana punchawkunapi chaynataq Israelpa hatun fiestankunapi lliw kañana sacrificiotapas animalkunata qonqa, kawsaykunamanta ofrendapaq hinaspa tallinanku vinotapas. Paytaqmi hucharayku sacrificiotapas, kawsaykunamanta ofrendatapas, ñoqawan allinlla kasqaykichikmanta ofrendatapas hinaspa lliw kañana sacrificiota ofrecewanqa, chaynapi Israelpa huchankuna pampachasqa kananpaq.

Ezequiel 45:24

Sapa malta torota chaynataq huk carnerota ofrecewasqankumanmi yapan-qaku iskay chunka kilo kawsaytawan kimsa litro parten aceiteta.

Ezequiel 46:11

Sapa fiestapi malta torota ofrecewasqanmanmi yapanqa iskay chunka kilo kawsay ofrendakunata, hina chaynatataqmi yapanqa carnerota ofrecewaspanpas; malta carnerokuna ofrecewasqanmanmi ichaqa munasqanman hina yapanqa. Iskay chunka kilo kawsay ofrendakunatawan kuskatam kimsa litro parten aceiteta ofrecewanqa.

Ezequiel 46:14

Sapa achikyaytataqmi qanchis kilo kawsaytawan huk litro aceitetapas ofrecewankichik, chay aceitetam harinawan chapunkichik. Kayqa Tayta Diospaq ofrendam, kamachikuyman hinam wiñaypaq ruwankichik.

Ezequiel 46:5

Sapa carnerota ofrecewaspanmi iskay chunka kilo kawsaykunatawan kimsa litro aceiteta ofrecewanqa; malta carnerokunata ofrecewaspanmi ichaqa munasqanman hinalla kawsayta ofrecewanqa. Sapa iskay chunka kilo kawsay ofrendakunamantam kimsa litro parten aceiteta ofrecewanqa.

Ezequiel 46:7

Sapa malta torota ofrecewaspanmi iskay chunka kilo kawsaytapas ofrecewanqa; sapa carneropaqpas chaynallatataqmi ofrecewanqa; malta carnerokunata ofrecewaspanmi ichaqa munasqanman hinalla ofrecewanqa. Sapa iskay chunka kilo kawsay ofrendakunamantam kimsa litro parten aceiteta ofrecewanqa.

Oseas 9:4

Tayta Diosmanqa vino ofrendatapas manañam tallinqakuñachu, sacrificio kañasqankupas millakuypaqmi kanqa, ñakariy tantatam mikunqakupas, pipas chayta mikuqqa millakuypaqmi kanqa, kawsanallankupaqñam mikunqakupas, chay mikuyta Tayta Diosman ofreceptinkupas manam chaskinqachu.

Joel 1:13

Sacerdotekuna lutokuspa waqaychik, altarpi servikuqkuna qaparkachaychik; Diosniypa serviqninkuna, hamuspa luto pachantin puñuychik; Diosnikichikpa templonpim kawsaykunata hinaspa vinota ofrecey tukurun.

Joel 1:9

Tayta Diospa templonpim kawsaymanta vinomanta ofrenda qoy tukurun, chayraykum Diospa sacerdotenkuna waqachkanku.

Joel 2:14

Icharaqpas llakipayaykususpaykichik bendeciykusunkichikmanraq, chaynapi vinotawan kawsaykunata Tayta Diosman ofrecenaykichikpaq.

Levítico 23:13

Apa-muwankichiktaqmi aceitewan chapusqa tawa kilo parten harinatapas, chaynapi ñoqapaq miski asnaq ofrenda kananpaq. Apamuwankichiktaqmi Tallina ofrendapaq huk litro vinotapas.

Levítico 6:13

Altarpi ninaqa mana tukuytam rupanqa, amam haykapipas wañunqachu.

Números 15:24

Runakunapa mana yachasqanta pipas huchallikuruptinqa, llapallan runakunam lliw kañana sacrificiota hina huk malta torota ofrecemuwanqaku, chay sacrificiom ñoqa Tayta Diospaq miskillaña asnariq ofrenda kanqa, chaywan kuskatataqmi kawsaykunamanta ofrendatapas chaynataq tallinapaq vinotapas imaynam kamachisqayman hina ofrecemuwankichik. Huchamanta ofrendapaqpas huk chivatotam ofrecemuwankichik.

Números 15:7

Chay ofrendakunamanpas huk litro parten vinotam tallinkichik, chaykunam ñoqa Tayta Diospaq miskillaña asnaq ofrenda kanqa.

Números 28:10

Sapa punchaw lliw kañana sacrificiota ofrecemuwachkaspaykichikpas, sapa samana punchawpim chaykunata vinoyuqta ofrecemuwankichik.

Números 28:24

Qanchisnintin punchawmi chaynallata ruwankichik, chaykunam ñoqa Tayta Diospaq miskillaña asnariq ofrenda kanqa. Sapa punchaw lliw kañana sacrificiota ofrecewasqaykichikmantapas chaykunatam vinoyuqta ofrecemuwankichik.

Números 28:5

Chaykunataqa aceitunasmanta hurqosqa huk litro aceitewan chapusqa iskay kilo fino harinayuqtam ofrecewanki.

Números 29:16

Kawsaykunamanta ofrendayuq hinaspa tallinapaq vinoyuq sapa punchaw lliw kañana sacrificiota ofrecewachkaspapas, ofrecemuwankichiktaqmi huk chivatota huchaykichik pampachasqa kananpaq.

Números 4:16

Sacerdote Aaronpa churin Eleazarmi cuentallikunqa candelabro ratachinapaq aceitemanta, miski asnaq inciensomanta, sapa punchaw ofrecewanaykichik kawsay ofrendakunamanta, ñoqapaq sapaqchaspa tallinapaq kaq aceitemanta. Nanachikunqataqmi asuykamuwananku carpatapas chaynataq tukuy ima servicionkunatapas, nispa.

Deuteronomio 32:38

¿Maytaq ofrecesqanku wirakuna mikuq idoloykichikkunaqa? ¿Maytaq vino tallipusqanku tomaq idoloykichikkunaqa? Yanapasunaykichikpaq hatarichunku, nanachikusunaykichikpaq hamuchunku.

Filipenses 2:17

Diospi iñisqaykichikwanmi ofrenda hina ofrecekurqankichik, chay ofrendaman completanaypaq wañunay kaptinpas, chaytaqa kusikuywanmi ruwasaq, hinaspam llapallaykichikwan kusikusaq.