Éxodo 29:28 - CHUYA QELLQA La Biblia en Quechua de Ayacucho 2012

²⁸ Chay kamachikuymi kanqa Aaronpaqwan churinkunapaq. Pipas Israelpa mirayninkunamanta ñoqa Tayta Dioswan allinlla kasqanmanta ofreceqmi sacerdotekunaman chay partesqa carneropa pechontawan piernanta qonqa. Chaymi Israelpa mirayninkunapaq wiñaypaq kamachikuy kanqa.

Quechua Ayacucho Bible 1987

²⁸ Chaynaqa chaykunamá kanqa Aaronpaqwan churinkunapaq. Kay kamachikuyniyqa wiñaypaqmi kanqa Israelpa mirayninkunapaq. Ñoqa Tayta Dioswan allinlla kasqankumanta Israelpa mirayninkunamanta ofreceqmi qonqa sacerdotekunaman chay partisqa carneropa pechontawan piernanta.

Chuya Qellqa 1992

²⁸ Chay kamachikuymi kanqa Aaronpaqwan churinkunapaq. Pipas Israelpa mirayninkunamanta ñoqa Tayta Dioswan allinlla kasqanmanta ofreceqmi sacerdotekunaman chay partesqa carneropa pechontawan piernanta qonqa. Chaymi Israelpa mirayninkunapaq wiñaypaq kamachikuy kanqa.

Éxodo 29:28 Iomraidhean Croise

Éxodo 28:2

Wawqeki Aaronpaqmi suma-sumaq pachata ruwapunki chaynapi ancha reqsisqa kananpaq.

Éxodo 29:27

Aaronwan churinkuna sacerdoteykunaña kanankupaq kuyuchina ofrendata ofrecewasqayki carneromantam pechontawan piernanta sapaqchanki. Chaykunam Aaronpaqwan churinkunapaq kanqa.

Éxodo 29:29

Aaronpa chuya pachankunaqa qepan hamuq churinkunapaqmi kanqa. Sacerdote kanankupaq aceitewan tallispa sapaqchasqa kaspankum pachakunqaku.

Levítico 3:1

Pipas ñoqawan allinlla kasqanmanta vacakunamanta otaq torokunamanta wañuchipuwananpaq ofrendan kaptinqa, chay animalqa sanom kanan.

Números 15:21

Ñoqa Tayta Diosmanmi wiñaypaq chaynata ofre-cewankichik.

Números 18:24

Paykunapa herencianqa kanqa Israelpa mirayninkunapa cosechasqankumanta diezmokuna qowasqankum. Chayraykum nirqani: “Israelpa mirayninkunapa allpanpiqa manam herencianku kanqachu”, nispa.

Números 18:29

Tukuy ima chaskisqaykichikmantam ñoqa Tayta Diosman ofrecewanaykichikpaq kaqta rakinkichik. Ñoqapaq sapaqchasqa ofrendaqa allinnin kaqkunam kanqa.

Números 18:8

Aarontam Tayta Dios nirqa: Qowasqanku ofrendakunata nanachikunaykipaqmi churarqayki. Israelpa mirayninkunapa qowasqanku sapaqchasqa ofrendakunatam qanman chaynataq churikikunaman qoykichik. Chay ofrendakunam qamkunapaq kanqa, chayqa wiñaypaq kamachikuymi.

Números 20:28

Chaypim Aaronpa sacerdote pachanta hurqospan churin Eleazartaña pachaykachirqa. Chay orqopa puntanpim Aarón wañukurqa. Moiseswan Eleazarñataqmi chay orqomanta kutimurqaku.

Números 31:29

Chay ofrendakunataqa ñoqa Tayta Diospaqña kananpaqmi sacerdote Eleazarman qonkichik.

Números 31:41

Moisesman Tayta Diospa kamachisqanman hinam Tayta Diospaq rakisqanku ofrendata sacerdote Eleazarman qorqaku.

Números 5:10

Ñoqapaq sapaqchaspa sacerdoteman apasqanku ofrendakunaqa sacerdotepaqmi kanqa, nispa.

Números 5:9

Tukuy imakunamantapas Israelpa mirayninkuna ñoqapaq sapaqchapuwasqankuqa sacerdotepaqmi kanqa.

Números 6:20

Chaymantam sacerdoteqa kuyuchisqa ofrendata hina ñoqa Tayta Diosman ofrecemuwanqa. Ofrecemuwasqan animalpa qasqonwan piernanqa ñoqallapaqña sapaqchasqa kasqanraykum sacerdotepaq kanqa. Chaynata sacerdote ruwaruptinñam chay runaqa vinota tomanman.

Deuteronomio 18:3

Runakunam sacerdotekunaman torokunata, carnerokunata apamunqaku, chaynapi sacerdotekuna Tayta Diosman ofrecenankupaq. Chay ofrecesqankumantam sacerdotekunapaq kanqa: Brazon, kakichun, wiksan;