Éxodo 29:2 - CHUYA QELLQA La Biblia en Quechua de Ayacucho 2012

² trigo harinamanta mana levadurayuq tantata hinaspa tortillata, aceitewan untasqa mana levadurayuq galletakunatam ruwanki.

Quechua Ayacucho Bible 1987

² Hinaspayá ruraytaq trigo harinamanta tantatapas hinaspa tortillakunatapas, chaykunataqa ruranki mana qonchuyoq hinaspa aceiteyoq masa rurasqamantam, ruraytaqyá aceitewan untasqa mana qonchuyoq galletakunatapas.

Chuya Qellqa 1992

² trigo harinamanta mana levadurayuq tantata hinaspa tortillata, aceitewan untasqa mana levadurayuq galletakunatam ruwanki.

Éxodo 29:2 Iomraidhean Croise

Éxodo 12:8

Chay tutam, chay aychata ninapi kankasqata, mana levadurayuq tantatawan qatqe qorayuqkunata mikunqaku.

Éxodo 29:23

Ñoqaman ofrecena canastapi mana levadurayuq tantakunamantapas huknin ruyru tantatam hapiykunki, hapiykunkitaqmi aceitewan chapusqa torti-llatawan galletatapas huktakama.

Éxodo 29:3

Chaykunatam canastapi apanki, apankitaqmi chay malta torotawan iskaynin carnerokunatapas, hinaspam santuariopi ofrecemuwanki

Levítico 2:15

Chaypa hawanmanmi aceitetawan inciensota tallinki. Chayqa kawsaykunamanta ofrendam.

Levítico 6:13

Altarpi ninaqa mana tukuytam rupanqa, amam haykapipas wañunqachu.

Levítico 7:10

Wakin kawsaykunamanta llapallan ofrendaqa Aaronpa mirayninkunapaqmi kanqa, sapakamapaqmi chay hinalla kanqa, aceitewan chapusqa kaspa otaq mana aceiteyuq kaspapas.

Levítico 7:12

Graciasta qowananpaq pipapas ofrendan kaptinqa aceitewan chapusqa mana levadurayuq tortillakunatam ofrecewanqa, ofrecewanqataqmi aceitewan tallisqa mana levadurayuq galletakunatawan aceitewan chapusqa fino harinamanta tantakunatapas.

Levítico 8:2

Aarontawan churinkunata pusamuy, pachankutapas, ñoqapaq sapaqchaspa tallina aceitetapas, hucharayku wañuchinapaq malta torotapas, iskay carnerotapas chaynataq canastapi mana levadurayuq tantakunatapas apamuytaq.

Levítico 8:26

Tayta Diospa qayllanpi mana levadurayuq tanta waqaychana canastamantam Moisés hurqoykurqa mana levadurayuq tantatawan aceitewan ruwasqa tantata hinaspa huk galletatapas. Chaykunatam carneropa wiranpa hinaspa alleq piernanpa hawanman churaykurqa.

Números 6:15

Canastillapim ofrecemuwanqa fino harinamanta aceitewan masa ruwasqa mana levadurayuq tantakunatapas chaynataq aceitewan chapusqa mana levadurayuq tortillakunatapas, chaykunatawan kuskatam ofrecemuwanqa kawsaykunamanta ofrendatapas chaynataq tallinapaq vino ofrendatapas.

Números 6:19

Sacerdoteñataqmi chay ñoqapaq sapaqchakuq runaman hapichinqa carneropa yanusqa brazonta chaynataq canastillapi kaq mana levadurayuq tantatawan mana levadurayuq tortillatapas. Chaykunataqa hapichinqa ñoqapaq sapaqchasqan chukchanta ruturachikuptinñam.

1~Corintios 5:7

Wischuychikyá chay ñawpaq huchallichisuqnikichik levadurata, chaynapi musoq masamanta ruwasqa kanaykichikpaq. Qamkunaqa kankichik Pascua fiestapi mikuna mana levadurayuq tanta hinam. Kikin Cristom chakatasqa wañurqa ñoqanchikrayku, paymi Pascua Corderonchikqa.