Éxodo 29:14 - CHUYA QELLQA La Biblia en Quechua de Ayacucho 2012

¹⁴ Qarantawan aychantañataqmi akantawan kuskata campamentomanta hawapi kañanki, chay animalqa hucha pampachanapaq wañuchisqa kasqanrayku.

Quechua Ayacucho Bible 1987

¹⁴ Chay toropa aychantaqa qarantawan akantawan kuskatam campamentomanta horqospa hawapi kañanki, chay animalqa hucha pampachanapaq wañuchisqa kasqanrayku.

Chuya Qellqa 1992

¹⁴ Qarantawan aychantañataqmi akantawan kuskata campamentomanta hawapi kañanki, chay animalqa hucha pampachanapaq wañuchisqa kasqanrayku.

Éxodo 29:14 Iomraidhean Croise

2~Crónicas 29:24

Chay chivatokunatam llapa sacerdotekuna wañuchispanku yawarninta hucha pampachana ofrendata hina altarman challarqaku, chaynapi llapa Israel runakunapa huchan pampachasqa kananpaq, chaynatam rey kamachikurqa, lliw Israelpa huchanmanta lliw kañana sacrificiota ofrecenankupaq.

Esdras 8:35

Chaymantam preso kasqankumanta kutimuqkuna Israelpa Diosninman lliw kañana sacrificiokunata ofrecerqaku. Israelpi sapa ayllupa rantinpim ofrecerqaku chunka iskayniyuq malta torokunata, isqon chunka soqtayuq carnerokunata, qanchis chunka qanchisniyuq malta carnerokunata hinaspa hucha pampachana ofrendapaq chunka iskayniyuq chivatokunata; chaykunatam Tayta Diosman lliw kañana sacrificiota ofrecerqaku.

Éxodo 30:10

Aaronmi watapi huk kutita altarpa tawan esquinanpi waqrachankunata yawarwan llusinqa. Chaynataqa ruwanqa hucha pampachanapaq wañuchisqanku animalpa yawarninwanmi; chay altarqa ñoqallapaqña sapaqchasqam kanqa.

Ezequiel 43:21

Chay hucharayku sacrificiota hapiykuspaykim, templomanta hawaman hurqospa, chaypaq akllasqa sitiopi kañanki.

Levítico 16:11

Aaronmi huk malta torota kikinpa huchanmantawan ayllunpa huchankunamanta ofrecewanqa, huchanku-namanta ofrenda kasqanrayku, chaynapi huchankumanta pampachanaypaq.

Levítico 16:27

Huchamanta wañuchisqa malta torotapas chaynataq chivatotapas campamentomanta hawamanmi hurqonqaku, hinaspam qaranta, aychanta chaynataq akantapas kañanqaku. Chay animalkunapa yawarninqa santuarioman apas-qam kanqa huchakuna pampachasqa kananpaq.

Levítico 16:3

Aaronqa carpaman yaykuspanqa kaykunatam apanqa: Hucharayku ofrendapaq malta torota chaynataq lliw kañanapaq carnerota.

Levítico 4:21

Chaymantam chay wañuchisqa malta torota campamentomanta karuman hurqoruspa kañanqaku, hucha pampachanapaq punta kaq malta toro kañasqanta hina. Chayqa llaqtapa huchan pampachasqa kananpaq ofrendam.

Levítico 4:25

Chaymantam sacerdote hucha pampachanapaq wañuchisqa chivatopa yawarninman dedonta challpuykuspan kañana altarpa waqrachankunata llusinqa, puchuq yawartañataqmi hina chay altarpa sikinman talliykunqa.

Levítico 4:29

Hinaspam chay animalpa umanman makinta churaykunqa, chaymantañam chay cabrata wañuchinqa kañanapaq wañuchinanku sitiopi.

Levítico 4:3

Sichum sumo sacerdote huchallikuruptinqa llaqtapas huchayuqmi kanqa. Hinaptinqa chay sacerdotem ñoqa Tayta Diospaq sanon malta torota wañuchipuwanqa, chaynapi huchan pampachasqa kananpaq.

Levítico 4:32

Sichum chay runa huchanmanta apamunqa ovejakunamanta ofrendata, hinaspaqa sano ovejatam apamunqa.

Levítico 5:6

Hinaspam huchanmanta ñoqa Tayta Diosman huk oveja otaq huk cabra ofrendata apamuwanqa, hinaptinmi sacerdoteñataq chay animalta ofrecewanqa chaynapi huchan pampachasqa kananpaq.

Levítico 5:8

Chaykunatam sacerdoteman apamunqa, hinaptinmi payñataq hucha pampachanapaq kaqta puntata ofrecewanqa, sacerdotem chay pawaq animalpa kunkanta qewirunqa ichaqa umanta mana wiptiruspalla,

Levítico 6:25

Hucharayku ofrendakunamanta yachanankupaq Aarontawan churinkunata kaynata kamachiy: Hucharayku ofrecewasqanku animalqa ñoqa Tayta Diospa ñawpaqniypi wañuchisqam kanqa. Chaytaqa wañuchinqaku lliw kañana animalta wañuchinankupim. Chayqa ñoqallapaqña chuya ofrendam.

Levítico 8:17

Malta toropa qarantawan aychantaqa akantawan kuskatam campamentomanta hurqospan kañarurqa, chaynataqa ruwarqa Tayta Diospa kamachisqanman hinam.

Levítico 9:2

Hinaspam Aaronta nirqa: Hucha pampachana ofrendapaqmi huk sano malta torota pusamunki, pusamunkitaqmi lliw kañana sacrificiopaq sano carnerotapas, Tayta Diosman ofrecenaykipaq.

Malaquías 2:3

Ñoqaqa atiynikichikta qechuruspaymi, sacrificanaykichikpaq apamusqaykichik animalpa akanwan uyaykichikman laqaykusqaykichik. Hinaptinmi chay akawan kuska wischusqa kankichik.

Números 19:5

Chaymantam hina Eleazarpa qayllanpi chay vacata kañanqaku. Qarantapas, aychantapas, yawarnintapas chaynataq akantapas lliwtam kañanqaku.

Números 7:16

hucha pampachana ofrendapaq chivatotapas.