Éxodo 28:41 - CHUYA QELLQA La Biblia en Quechua de Ayacucho 2012

⁴¹ Chay pachakunawanmi wawqeki Aaronta chaynataq churinkunatapas pachachinki, hinaspam aceiteta tallispa ñoqapa sacerdoteykunaña kanankupaq sapaqchanki.

Quechua Ayacucho Bible 1987

⁴¹ —Chay pachakunawanmi wawqeki Aaronta hinaspa churinkunata pachachinki hinaspam paykunata aceitewan tallispa nombranki, ñoqapaq sapaqchaptikim sacerdoteykuna kanqaku.

Chuya Qellqa 1992

⁴¹ Chay pachakunawanmi wawqeki Aaronta chaynataq churinkunatapas pachachinki, hinaspam aceiteta tallispa ñoqapa sacerdoteykunaña kanankupaq sapaqchanki.

Éxodo 28:41 Iomraidhean Croise

Éxodo 28:1

Israelpa mirayninkunamanta akllaspa Aarontawan churinkunata ñawpaqnikiman qayay, chaynapi Aaronwan churinkuna: Nadab, Abiú, Eleazar hinaspa Itamar sacerdoteykuna kanankupaq.

Éxodo 28:4

Kaykunam ruwananku pachakuna: Pectoral, efod, capa, bordasqa túnica, mitra hinaspa chumpi. Chay pachakunatam wawqeki Aaronpaqwan churinkunapaq ruwanqaku chaynapi sacerdoteykuna kanankupaq.

Éxodo 29:24

Chaykunatam Aaronpa chaynataq churinkunapa makinman churanki, hinaspam kuyuchisqa ofrendata ñoqa Tayta Diosman ofrecemuwanki.

Éxodo 29:35

Imaynam kamachisqayman hinam Aaronwan chaynataq churinkunawanpas ruwanki; qanchis punchawmi tukuy chaykunata ruwanki.

Éxodo 29:7

Chaymantam ñoqallapaqña sapaqchanapaq aceiteta hapiykuspa Aaronpa umanman talliykunki, chaynatam sacerdoteña kananpaq sapaqchanki.

Éxodo 29:9

Aarontawan churinkunatam chumpiwan chumpichinki, churachinkitaqmi mitrakunawanpas, chaynapim paykunaqa kamachikuyman hina wiñaypaq sacerdotekunaña kanqaku. Chaynatam Aarontawan churinkunata wiñaypaq sacerdoteykuna kanankupaq sapaqchanki.

Éxodo 30:35

Tukuy chaykunawanmi perfumekunata ruwaqpa ruwasqanta hina miski asnaq inciensota ruwanki, hinaspam kachita yapanki, chaynapim ñoqallapaqña sapaqchasqa kanqa.

Éxodo 40:13

Serviwananpaq pachakunawan Aaronta pachachispaykim paymanpas aceiteta tallinki, chaynapim sacerdotey kananpaq sapaqchanki.

Éxodo 40:15

Paykunatapas taytankuta hinam sacerdoteykuna kanankupaq aceitewan tallispa sapaqchanki. Aceitewan tallisqaykiraykum wiñaypaq sacerdoteykunaña lliw mirayninkunapiwan kanqaku, nispa.

Isaías 10:27

Chay punchawpim wasaykiman llasaq qepi churkususqayki qechusqa kanqa, servichikusunaykipaq matankaykiman yugo churasusqaykipas pakisqam kanqa, qamqa akllakusqay llaqtay kasqaykirayku.

Isaías 61:1

Tayta Diospa Espiritunmi ñoqapi kachkan, Tayta Diosmi sapaqchawaspan kamachiwarqa wakchakunaman allin noticiata willakamunaypaq, llakisqakunata consuelamunaypaq, presochasqakunata kacharimunaypaq, carcelpi kaqkunata libramunaypaq,

Ezequiel 43:26

Qanchis punchawpunim llapa sacerdotekuna chay altarta runakunapa huchanmanta chuyanchanqaku, chaynapim ñoqallapaqña sapaqchanqaku.

Levítico 10:7

Amataqmi Diosman asuykuna carpapa punkunmantaqa lloqsinkichikchu, mana chayqa wañuruwaqchikmi. Qamkunaqa Tayta Diospa aceitenwan sapaqchasqam kachkankichik, nispa. Chaymi paykuna Moisespa nisqanman hina ruwarqaku.

Levítico 16:24

Hinaspam carpapi bañakuspan pachakunqa, chaymantañam asuykamuwanqa. Lloqsimuspanñataqmi kikinmantawan llaqtanmanta lliw kañana animalta ofrecemuwanqa chaynataq hucharayku ofrendatapas. Chaynapim huchankuta pampachasaq.

Números 16:5

Hinaspam Coreytawan hamuqmasinkunata nirqa: Paqarinmi Tayta Dios, pim paypa kasqanta hinaspa pim paypaq sapaqchasqa kasqantapas qawachiwasunchik. Tayta Diosqa akllakusqan runallatam kikinmanqa asuykachinqa.

Números 3:3

Kay tawankum sacerdote kanankupaq Diospa akllasqan kaspanku aceitewan tallisqa karqaku.

Juan 3:34

Diospa kachamusqanqa Diospa palabrantam willakun, Diosmi paymanqa Espiritunta chaninpi mana pisisqata qon.

Hebreos 5:4

Manam pipas kikillanmantaqa Sumo sacerdoteqa kanmanchu, aswanqa kanman Aarón hina Diospa qayasqan kaqkunallam.

Hebreos 7:28

Moisespa leyninman hinaqa Sumo sacerdotekunaqa churasqa karqaku chaylla pantaruq runallamantam. Leypa qepantañataq-mi Sumo sacerdote kananpaqqa wiñay-paq mana huchayuq Churintaña juramentowan Dios churarun.

1~Juan 2:20

Qamkunamanmi ichaqa Chuya Espirituta Cristo qosurqankichik, chay-mi tukuy chaykunata yachankichik.

1~Juan 2:27

Qamkunapim kachkan Jesucristopa qosusqaykichik Chuya Espíritu, chaymi mana necesitankichikchu pipas yacha-chisunaykichiktaqa. Qosusqaykichik Chuya Espiritum tukuy cheqap kaqkunata yachachisunkichik chayqa manam llullachu. Chaynaqa, yachachisusqaykichikman hinayá Cristopi takyaychik.