Éxodo 28:30 - CHUYA QELLQA La Biblia en Quechua de Ayacucho 2012

³⁰ Chay pectoralpim churanki “Urim” sutiyuq rumitawan “Tumim” sutiyuq rumita, chaykunam ñawpaqniyman Aarón hamuptin qasqonpi kanqa. Chaynatam Aaronqa sapa kutilla qasqonpi apaykachanqa. Chay rumikunawanmi Israelpa mirayninkuna ñoqapa imam munasqayta yachanqaku.

Quechua Ayacucho Bible 1987

³⁰ Chay juzgana pecherapim churanki “Urim” sutiyoq rumitawan “Tumim” sutiyoq rumita, chaykunatam Aaron qasqonpi apamunqa ñawpaqniyman. Chaynatam Aaronqa siemprepuni qasqonpi apaykachanqa. Chay rumikunawanmi Israelpa mirayninkunapaq ñoqa Tayta Dios arreglota rurasaq.

Chuya Qellqa 1992

³⁰ Chay pectoralpim churanki “Urim” sutiyuq rumitawan “Tumim” sutiyuq rumita, chaykunam ñawpaqniyman Aarón hamuptin qasqonpi kanqa. Chaynatam Aaronqa sapa kutilla qasqonpi apaykachanqa. Chay rumikunawanmi Israelpa mirayninkuna ñoqapa imam munasqayta yachanqaku.

Éxodo 28:30 Iomraidhean Croise

Esdras 2:63

Chayraykum paykunata kamachikuqkuna nirqaku: Amam mikunkichikraqchu Diospaq sapaqchasqa mikuykunataqa, Urimtawan Tumimta choqaspa Tayta Diosta sacerdote tapunankama, nispanku.

Nehemías 7:65

Chayraykum paykunata gobernador kamachirqa, Diospaq sapaqchasqa kaqkunata amaraq mikunankupaq, Urimtawan Tumimta choqaspa sacerdote tapunankama.

Éxodo 28:29

Aaronmi sapa kuti “Chuya” sutiyuq lugarman yaykuspan qasqonpa hawanpi apanqa, Israelpa churinkunapa chunka iskayniyuq sutinkunata, pectoralpi ñawpaqniyman apamuwaptinmi mana qonqasaqchu.

Levítico 8:8

Chaykunapa hawan-manñataqmi pectoralta churarqa, pectoralmanmi Urim rumitawan Tumim rumita churarqa.

Zacarías 6:13

Tayta Diospa templonta musoqmanta hatarirachispanmi Rey kanqa, hatunchasqa kaspam trononmanta kamachikunqa, sacerdotepas trononpa waqtanpim tiyanqa, hinaspam iskayninku hawkalla kawsakunqaku, nispa.

Números 27:21

Sacerdote Eleazarpa ñawpaqninpi Josué sayaykuptinmi paypaq Urim rumintakama Eleazar tapuwanqa. Josueymi Israelpa llapallan mirayninkunaman tukuy ima ruwanankuta kamachinqa, nispa.

2~Corintios 12:15

Munasqayman hinam kapuqniykunata gastasaq, qamkunaraykuqa kallpaytapas gastasaqmi. Manam imananchu llumpayta kuyachkaptiypas qamkunañataq pisilla kuyawaynikichikqa.

2~Corintios 7:3

Kaytaqa manam qamkunata acusaspaychu nichkaykichik, nisqaypi hinapas qamkunaqa sonqoyku-pim kachkankichik, kuska kawsana-paqpas otaq wañunapaqpas.

Deuteronomio 33:8

Leví ayllumantam kaynata nirqa: Dios Taytalláy, Tumim rumikiwan Urim rumikiyá qanman sonqoyuq runapaq kachun, paytam Masahpi pruebaman churarqanki, Meriba yakupa kasqanpim atipanakurqanki.

Hebreos 2:17

Chayraykum wawqenkunaman tukuy imapi rikchakurqa chaynapi llakipayakuq hinaspa hapipakunapaq kasqanrayku Diospa qayllanpi sacerdotekunapa kamachiqnin kananpaq hinaspa runakunapa huchanrayku wañuspan, paykunapaq Diospa pampachakuyninta haypananpaq.

Hebreos 4:15

Sumo sacerdotenchik Jesusqa huchaman urmaqlla kayninchikmanta llakipayawaqninchikmi. Paypas ñoqanchik hinam tukuypi tentasqa karqa, ichaqa manam huchallikurqachu.

Hebreos 9:12

Cristom “Chuyay-chuyay” lugarman huk kutillata yaykurqa, payqa yaykurqa manam chivatokunapa nitaq malta torokunapa yawarninta ofrecenanpaqchu, aswanqa kikinpa yawarninta ofrece-nanpaqmi. Chaynata ruwaspanmi salvacionta wiñaypaq rantipuwarqanchik.

Hebreos 9:24

Cristoqa manam runakunapa ruwasqan santuariomanchu yaykurqa. Moisespa ruwasqan chay sitioqa hanaq pachapi cheqap santuarioman rikchakuqllam karqa. Cristoqa hanaq pachamanpunim yaykurun, chaypim ñoqanchikrayku Diospa qayllanpi mañapuwachkanchik kachkan.

Jueces 1:1

Josué wañukuptinmi, Tayta Diosta Israelpa mirayninkuna kaynata tapurqaku: ¿Mayqanniykutaq puntata risaqku cananeokunawan peleamunaykupaq? nispanku.

Jueces 20:18

Israelpa mirayninkunam Diosta tapukunankupaq Bet-el llaqtaman rirqaku: ¿Mayqanniykutaq Benjaminpa mirayninkunawan peleaq puntata rinqa? nispanku. Chaymi Tayta Dios nirqa: Judá castakunam rinqaku, nispa.

Jueces 20:23

Chaynataqa ruwarqaku Israelpa mirayninkuna tutaykuqkama Tayta Diospa qayllanpi waqasqankuraykum, chaypim Tayta Diosta kaynata tapurqaku: ¿Huktawanchu castamasiyku Benjamín aylluwan peleaq risaqku? nispanku. Hinaptinmi Tayta Dios nirqa: Riychik, nispa.

1~Samuel 28:6

Chaymi Tayta Diosta Saúl tapuptin mana imallatapas nirqachu, musqoypipas, urimnintapas nitaq profetantakamapas.