Éxodo 28:3 - CHUYA QELLQA La Biblia en Quechua de Ayacucho 2012

³ Chaynaqa, yachaywan huntachisqay llapallan maestrokunata nimuy Aaronpa pachanta ruwanankupaq; chaynapi Aaronqa sapaqchakusqay sacerdotey kananpaq.

Quechua Ayacucho Bible 1987

³ Ninkitaqmi yachaywan huntachisqay llapallan maestrokunatapas, paykunataqa ninki Aarompa pachanta ruranankupaqmi chaynapim Aaronqa kanqa sapaqchasqay sacerdote.

Chuya Qellqa 1992

³ Chaynaqa, yachaywan huntachisqay llapallan maestrokunata nimuy Aaronpa pachanta ruwanankupaq; chaynapi Aaronqa sapaqchakusqay sacerdotey kananpaq.

Éxodo 28:3 Iomraidhean Croise

1~Reyes 7:14

Payqa Neftalí ayllumanta kaq viudapa wawan hinaspa Tiro llaqtayuq runapa churinmi karqa. Taytanmi karqa broncemanta imapas ruway yachaq runa. Hiramqa allin yuyayniyuq hinaspa yachayniyuq kasqanraykum broncemanta tukuy imata ruwaq. Chaymi rey Salomonpa kasqanman rispan mañakusqanta ruwarqa.

Éxodo 35:10

Qamkunamantam yachayniyuq maestrokuna hamunqa, hinaspam ñoqa Tayta Diospa tukuy kaykuna kamachisqayta ruwanqa:

Éxodo 35:25

Allin yachayniyuq warmikunamantapas haykam puchkay yachaqkunam puchkasqankumanta morado qaytuta, grosella qaytuta, guindo qaytuta hinaspa llañu lino qaytuta apamurqaku.

Éxodo 35:30

Israelpa mirayninkunatam Moisés nirqa: Tayta Diosmi Judá ayllumanta Hurpa willkan hinaspa Uripa churin Bezaleelta akllaykun.

Éxodo 35:31

Tayta Diosmi espiritunwan Bezaleelta huntaykun chaynapi allin yachaywan, yuyaywan chaynataq allinta tanteaspa tukuy imata ruwananpaq,

Éxodo 35:35

Paykunamanmi yachayta huntaykurqa, chaynapi tukuy rikchaq ruwaykunata ruwanankupaq, dibujokunatapas umankumanta hurqonankupaq hinaspa morado qaytumanta, grosella qaytumanta, guindo qaytumanta, llañu lino qaytumanta bordanankupaq chaynataq tukuy rikchaq fino trabajokunatapas ruwanankupaq.

Éxodo 36:1

Chaynatam Bezaleelwan Aholiabpas hinaspa lliw maestrokunapas ruwanqaku, imaynam Tayta Diospa yachay qosqanman chaynataq yuyay qosqanman hina, chaynapi Tayta Diospa kamachisqanman hina carpapi tukuy ima serviciokunata allinta ruwanankupaq.

Éxodo 36:2

Moisesmi Bezaleelta hinaspa Aholiabta qayarqa, qayarqataqmi Tayta Diospa yachay qosqan llapallan yachayniyuq runakunatapas; chay runakunaqa kikillankumantam imapas ruwaypi yanapakunankupaq prometekurqaku.

Proverbios 2:6

Tayta Diosllam yachay qokuqqa, paypa siminmantam yachayqa hamun.

Isaías 11:2

Paymanmi Espiritunwan Tayta Dios huntaykunqa: Yuyayniyuq chaynataq yachayniyuq Espiritunwan, atiyniyuq chaynataq allin consejakuq Espiritunwan, yachayniyuq chaynataq Diosta kasukuq Espiritunwan.

Efesios 1:17

Señorninchik Jesucristopa Atiyniyuq Dios Taytantam mañakuch-kani Espiritunwan yachayniyuq kay atiyta qosunaykichikpaq, chaynapi qamkunaman reqsichikuptin cheqapta reqsinaykichikpaq.

Deuteronomio 34:9

Nunpa churin Josueymi yachayniyuq kananpaq Diosmanta atiyta chaskirqa, chaypaqmi paypa hawanman kawsachkaspallaraq makinta Moisés churaykurqa. Chaymi Israelpa mirayninkuna Josueyta kasukurqaku, hinaspam Moisesman Tayta Diospa kamachisqanman hina ruwarqaku.

Santiago 1:17

Tukuy imapas allin kaqkunawan cheqap atiyqa cielopi kaq chaskakuna unanchaq Diosllamantam hamun. Diosqa hina kaqllam, payqa manam tikrakunchu, nitaqmi llantuy hinachu pasaruqlla.