Éxodo 27:9 - CHUYA QELLQA La Biblia en Quechua de Ayacucho 2012

⁹ Ruwankitaqmi carpapa pationtapas. Chay patiopa alleq lawninpi cortinankunam kawpusqa linomanta kanqa, tawa chunka pichqayuq metro largoyuq.

Quechua Ayacucho Bible 1987

⁹ —Rurachinkitaqmi *f**yachanay karpapa pationtapas. *f**Alleq lawnin patiopa cortinankunaqa kanqa lino kawpusqamantam, largonpa medidanqa kanqa tawa chunka pichqayoq metronmi.

Chuya Qellqa 1992

⁹ Ruwankitaqmi carpapa pationtapas. Chay patiopa alleq lawninpi cortinankunam kawpusqa linomanta kanqa, tawa chunka pichqayuq metro largoyuq.

Éxodo 27:9 Iomraidhean Croise

1~Reyes 6:36

Templopa uku lawninpi patiotapas labrasqa rumikunamantam ruwachirqa, sapa kimsa seqe rumikunapa hawanpim churachirqa huk seqeta cedromanta pilarkunata.

1~Reyes 8:64

Reyqa hina chay punchawllapim Tayta Diospa wasinpa ñawpaqninpi kaq pationtapas Diosllapaqña sapaqcharqa, chaypim ofrecerqa lliw kañana sacrificiota, kawsay ofrendakunata hinaspa Dioswan allinlla kasqanmanta animalkuna ofrecesqanpa wirankunatapas. Chaynataqa ruwarqa Tayta Diospa templonpa ñawpaqninpi kaq broncemanta altar taksalla kaspa, lliw kañana sacrificiopaqpas, kawsay ofrendakunapaqpas chaynataq Dioswan allinlla kasqankumanta ofrenda animalkunapa wirankunapaqpas mana haypasqanraykum.

2~Crónicas 33:5

Tayta Diospa templonpa iskaynin pationkunapipas cielokunapi tukuy imakunapaqmi altarkunata ruwachirqa.

2~Crónicas 4:9

Ruwachirqataqmi sacerdotekunapaq patiotapas, hawapi hatun patiotapas, patiopa punkunkunatapas, hinaspam broncewan llusichirqa.

Éxodo 27:10

Iskay chunka pilarninkunawan iskay chunka tiyanankunaqa broncemantam kanqa. Pilarkunapa ganchonkunawan varillankunañataqmi qollqemanta kanqa.

Éxodo 35:17

patiopa cortinankunata, pilarninkunata, toqoyuq tiyanankunata, patiopa punkunpa cortinankunata;

Éxodo 36:17

Chay pichqata tinkinaspa sirasqa cortinapa patanpim cordonmanta pichqa chunka ojalkunata churarqaku, chay soqtata tinkinaspa sirasqa cortinakunapa patanpipas hina chayna pichqa chunkatam churarqaku.

Éxodo 39:40

patiopa cortinankunata, pilarninkunata, toqoyuq tiyanankunata, patiopa punkunpaq cortinata, waskakunata, estacankunata hinaspa Diosman asuykuna carpapi servichikunapaq llapallan serviciokunata.

Éxodo 40:33

Moisesmi hatarichirqa patiopa muyuriqninpi cortinakunata chaynataq patioman yaykuna punkupi cortinatapas, chay patiopim Diosman asuykuna carpawan altar karqa. Chaynatam Moisés ruwayta tukururqa.

Éxodo 40:8

Sayachinkitaqmi carpapa muyuriqninpi cortinatapas, hinaspam patioman yaykuna punkupi cortinata churanki.

Ezequiel 40:14

Chaymantam patioman yaykuq corredorta tupuruptin kasqa chunka metro.

Ezequiel 40:17

Chaymantam pusaruwarqa templopa hawa law pationman. Chay patioqa muyuriqnin kuchunpi empedrasqam kasqa. Chay patiopa muyuriqninpim kasqa kimsa chunka cuartochakuna.

Ezequiel 40:20

Chay runaqa tupurqataqmi norte lawman qawaq punkupa largontawan anchontapas.

Ezequiel 40:23

Uku law patiopim huk punku kasqa norte lawman qawaq chaynataq intipa qespimunan lawman qawaq. Hinaptinmi chay punkumanta huknin punkukama tupuruptin kasqa pichqa chunka metro.

Ezequiel 40:28

Chaymantam sur lawman qawaq punkuntakama uku law patioman aparuwarqa. Sur lawman qawaq punkuta tupuruptinmi kasqa wakin punkupa sayaynin sayayniyuqlla.

Ezequiel 40:32

Chaymantam aparuwarqa intipa qespimunan lawman qawaq uku law patioman, chaypi tarikuq punkuta tupuruptinmi wakin punkukunapa sayaynin sayayniyuqlla kasqa.

Ezequiel 40:44

Uku law patiopim kasqa takiqkunapaq iskay cuartokuna; hukninmi kasqa norte law punkupa waqtanpi sur lawman qawaspan, hukninñataqmi kasqa sur law punkupa waqtanpi norte lawman qawaspan.

Ezequiel 42:3

Chay cuartokunapa huklawninmi qawasqa uku lawpi chunka metro anchoyuq patioman, huklawninñataqmi qawasqa hawa lawpi empedrasqa patioman. Chay cuartokunaqa kasqa kimsa pisoyuqkamam hinaspam chimpa-chimpa qawanakusqa.

Números 3:26

patiopa muyuriqninpi cortinakunata, patiopa punkunpi telakunata, altarpa muyuriqninpi telakunata chaynataq waskankunatapas.

Números 4:26

patiopa cortinankunata, patiopa punkunpi telakunata. Chaykunam kachkan carpapa muyuriqninpi chaynataq altarpa muyuriqninpi. Hina paykunataqmi tukuy chaykunapa waskankunatapas apanqaku chaynataq ruwanankupaq tukuy ima serviciokunatapas. Chaynaqa, Gersonpa mirayninkunam tukuy chay-kunata ruwanqaku.

Números 4:32

patiopa muyuriqninpi pilarkunata tiyanantintakama, estacankunata, waskankunata hinaspa servichikunapaq tukuy ima kaqkunatapas apanqaku. Sapakamamanmi imakunam apanankutapas ninki.