Éxodo 27:21 - CHUYA QELLQA La Biblia en Quechua de Ayacucho 2012

²¹ Aaronwan churinkunam mecherokunata allichanqaku ñoqapa ñawpaqniypi tukuy tuta ratananpaq. Chaytaqa ruwanqa pacto ruwasqay Arcata harkaq velopa ñawpaqninpim. Kaymi kanqa wiñaypaq decretoy llapallan Israel castakunapaq chaynataq mirayninkunapaqpas.

Quechua Ayacucho Bible 1987

²¹ Aaronmi churinkunapiwan mecherokunata allichanqaku chaynapi tukuy tuta ñoqapa ñawpaqniypi ratananpaq. Asuykuwananku karpaqa kanqa telawan iskayman rakinasqam. Ukun lawpim kanqa Chunkantin Kamachikuyniy, chay hawan lawpimá mecherokunataqa churanqaku. Kaymi kay wiñaypaq decretoy Israelpa mirayninkunapaq.

Chuya Qellqa 1992

²¹ Aaronwan churinkunam mecherokunata allichanqaku ñoqapa ñawpaqniypi tukuy tuta ratananpaq. Chaytaqa ruwanqa pacto ruwasqay Arcata harkaq velopa ñawpaqninpim. Kaymi kanqa wiñaypaq decretoy llapallan Israel castakunapaq chaynataq mirayninkunapaqpas.

Éxodo 27:21 Iomraidhean Croise

Génesis 1:5

chay achkiytam “punchaw” nispa suticharqa, tutayaytañataq “tutawan”. Hinaptinmi tardeykuqmanta paqarinnintin tardeykuqkama punta kaq punchaw karqa.

Génesis 1:8

Yakukuna rakinaq vaciotam Dios suticharqa cielowan. Hinaptinmi tardeykuqmanta paqarinnintin tardeykuqkama iskay kaq punchaw karqa.

2~Crónicas 13:11

Paykunam sapa tutapayta, sapa tardeykuyta, Tayta Diospaq lliw kañana sacrificiota hinaspa miski asnaq inciensokunata ofrecenku; ofrecenkutaqmi qorimanta mesapi patanasqa tantakunatapas, sapa tardentaqmi qorimanta candelabropi mecherokunatapas ratachinku. Ñoqaykuqa Tayta Diospa kamachikuynintam kasukuniku, qamkunam ichaqa qepanchakurunkichik.

Éxodo 12:14

Chay punchawqa yuyarinaykichik punchawmi kanqa, chaynapim ñoqa Tayta Diosta yupaychawanaykichikpaq hatun fiestata ruwankichik. Chaymi miraynikichikkunapaq huk decreto wiña-wiñaypaq kanqa.

Éxodo 16:34

Chaymi Moisesta Tayta Diospa kamachisqanman hina, Aaronqa Diospa Arcanpa ñawpaqninpi churarqa.

Éxodo 25:16

Chay Arcapim waqaychanki chunkantin kamachikuykuna qosqayta.

Éxodo 28:43

Chaywan hinakuspam Aaronwan churinkuna ñoqaman asuykuna carpaman yaykunqaku, hina chayna pachasqallam kanqaku “Chuya” lugarpi kaq altarman serviwanankupaq asuykuspankupas, chaynapim paykunataqa huchankurayku mana wañuchisaqchu. Kayqa wiñaypaq decretom Aaronpaqwan mirayninkunapaqpas kanqa.

Éxodo 29:28

Chay kamachikuymi kanqa Aaronpaqwan churinkunapaq. Pipas Israelpa mirayninkunamanta ñoqa Tayta Dioswan allinlla kasqanmanta ofreceqmi sacerdotekunaman chay partesqa carneropa pechontawan piernanta qonqa. Chaymi Israelpa mirayninkunapaq wiñaypaq kamachikuy kanqa.

Éxodo 29:42

Chay kañasqa ofrendatam lliw miraynikichik mana tipiyta ruwanqaku, chaytaqa ruwanqaku ñoqapa qayllaypim, asuykuwananku carpapa punkunpi; chaypi tupaptinchikmi rimapayasqayki.

Éxodo 29:44

Carpatawan altartam ñoqallapaqña sapaqchasaq. Aarontawan churinkunatapas sacerdoteykuna kanankupaqmi sapaqchasaq.

Éxodo 30:21

Mana wañurunankupaqmi makinkutawan chakinkuta mayllakunqaku. Kay decretom Aaronpaqwan mirayninkunapaq wiñaypaq kanqa, nispa.

Éxodo 30:36

Wakintam ñutuy-ñutuyta kutaruspa ñoqaman asuykuna carpapi pacto ruwasqay Arcapa ñawpaqninman churanki, chaypim qanwan tupasun, chay inciensoqa ñoqallapaqña sapaqchasqam kanqa.

Éxodo 30:8

Tutaykuqtañataqmi me-cherokuna ratachina horata, ñoqa Tayta Diospa ñawpaqniypim inciensota Aarón kañapuwanqa. Qamkunapas miraynikikunapas mana tipiytam wiñaypaq chaynata ruwankichik.

Éxodo 40:3

Chaymanmi pacto ruwasqay Arcata churanki, hinaspam chay Arcapa kananta velowan tapanki.

Levítico 10:9

Ñoqaman asuykuna carpaman yaykuspaqa qampas otaq churikikunapas amam vinota nitaq poqosqa aqatapas upyankichikchu, yanqañataqmi wañuruwaqchik. Kay nisqayqa wiña-wiñaypaq kamachikuymi llapallan miraynikichikpaq kanqa.

Levítico 16:34

Kaymi qamkunapaq wiña-wiñaypaq kamachikuy kanqa. Watapim huk kutita kayta ruwankichik Israelpa mirayninkunapa huchanta pampachanaypaq, nispa. Chaymi Tayta Diospa imaynam kamachisqanman hina Moisés ruwarqa.

Levítico 17:7

Demoniokunamanqa amañam sacrificiotaqa qonkichikñachu. Ñawpaqtam chaykunaman ofrecespa pierdekuq warmi hina huchallikurqankichik; kay kamachikuymi wiña-wiñaypaq llapallan miraynikichikpaq kanqa.

Levítico 23:14

Amaraqmi mikunkichikchu tantantapas, hamkatapas nitaq llullu kawsaytapas ñoqaman ofrendaykichikta apamunaykichik pun-chawkama. Kayqa wiña-wiñaypaq decretom llapallan miraynikichikpaq maypiña yachaptikichikpas kanqa.

Levítico 23:21

Chay punchawpipunim ñoqallapaqña huñunakuyta ruwankichik, amam imapipas llamkankichikchu, chaymi wiña-wiñaypaq kamachikuy llapallan miraynikichikpaq maypiña yachaptikichikpas kanqa.

Levítico 24:2

Israelpa mirayninkunata kamachiy aceitunasmanta allinnin aceiteta apamunankupaq, chaywan mecherokuna manaña tukuyta ratananpaq.

Levítico 24:3

Aaronmi mecherokunata churanqa tukuy tuta ñoqa Tayta Diospa qayllaypi ratananpaq, chayqa ratanqa carpa ukupim velopa ñawpaqninpi. Kaymi wiña-wiñaypaq kamachikuy kanqa llapallan miraynikichikkunapaq.

Levítico 24:9

Chay tantakunaqa Aaronpaqwan churinkunapaqmi kanqa. Paykunam chaypaq sapaqchasqa sitiopi mikunqaku. Ñoqa Tayta Diospaq kañanaykichik ofrendakunamantapas, kay ofrendaqa ñoqallapaqña sapaqchasqam kanqa, nispa.

Levítico 3:17

Kay kamachisqayqa wiñaypaq decretom llapallan miraynikichikpaq. Maypiña kaspapas amam wiratawan yawartaqa mikunkichikchu, nispa.

Levítico 3:8

chay ofrecewaqniymi puntata animalpa umanman makinta churaykunqa, chaymantañam ñoqaman asuykuna carpapa punkunpi wañurachinqa, hinaptinmi Aaronpa churin sacerdotekunañataq chay animalpa yawarninwan altarta challanqaku.

Levítico 6:15

Chay sacerdotekunamanta hukkaqninmi aceitewan chaynataq inciensowan chapusqa harinamanta huk aptiyllata hurqoykuspan altarpa hawanpi kañanqa, chayqa yuyarinapaq ofrendam hinaspa ñoqa Tayta Diospaq miskillaña asnariq ofrendam.

Levítico 7:36

Sacerdotekuna aceitewan tallisqa kasqanku punchawmantaraqmi Tayta Dios kamachirqa Israelpa mirayninkuna tukuy kaykunata qonankupaq. Chay decretoqa wiña-wiñaypaq qosqam karqa.

Malaquías 2:7

Sacerdotekunapa ruwayninqa ñoqa Diosta reqsiwanankupaq runakunata yachachiymi, chayraykum runakunapas paykunamanta yachachikuyta chaskinanku, paykuna ñoqa Diosmanta willakuqkuna kasqankurayku.

Números 18:23

Asuykuwanaykichik carpapiqa Leví ayllukunallam servikunqaku. Imapipas pantaruspankuqa kikinkum huchayuq kanqaku. Chayqa wiñaypaq kamachikuymi. Israel miraykunapa allpanpiqa manam kanqachu Leví ayllukunapa herencianqa.

Números 18:5

Qamkunallam santuariotawan altartaqa nanachikunkichik, chaynapim Israelpa mirayninkunapa contranpi manaña piñakusaqñachu.

Números 19:21

Chayqa wiñaypaq kamachikuymi kanqa. Chuyanchana yakuwan challaq runapas pachankunatam taqsakunqa. Pipas chuyanchana yakuta llapchaq runaqa tutaykuqkamam millakuypaq kanqa.

Números 35:29

Kay kamachikuykunam qamkunapaq chaynataq hamuq miraynikichikpaq maypiña yachaptikichikpas kanqa.

Números 8:9

Asuykuwanaykichik carpapa ñawpaqninmanmi Leví ayllu runakunata asuykachinki, Israelpa llapallan mirayninkunatapas huñunankitaqmi.

Mateo 4:16

Tutayaypi kawsaq llaqtam hatun achkiyta rikurun, wañuypa llantuyninpi kawsaqkunatam achkiy kanchaykun!” nispa.

Lucas 12:35

Qamkunaqa weqawnikichikta allinta wataspa chaynataq mecheroykichiktapas ratachispa listolla kaychik.

Juan 5:35

Juanqa achkiq mechero hinam karqa, chaymi chay achkiywan pisi tiempollapas kusikuyta munarqankichik.

2~Corintios 4:6

Tutayaypi kancharinanpaq kamachiq Diosllam sonqonchiktapas achkiyninwan kancharichirqa, chaynapi Jesucristopa uyanpi kanchariq Diospa achkiyninta reqsichinanchikpaq.

2~Pedro 1:19

Kay uyarisqaykumantapas aswan hapipakunapaqqa profetakunapa qell-qasqanmi kapuwachkanchik. Allintam ruwankichik chay qellqasqankuta tuta-yaypi ratachkaq mecherota hina sumaq-ta qawaspaykichikqa, chaynatam ruwankichik pacha achikyamunan-kama hinaspa achikyaq chaska lloq-simuspan sonqoykichikta kanchari-munankama.

Apocalipsis 2:1

Éfeso llaqtapi iglesiapa angelninman kaynata qellqay: Qanchis chaskakunata alleq makinpi hapiqmi hinaspa qorimanta qanchis candelabrokunapa chawpinpi puriqmi kaynata nin:

1~Samuel 3:3

Samuelñataqmi Diospa templonpi puñuchkarqa, chaypitaqmi tarikurqa Diospa Arcanpas. Mecheropas hinallaraq ratachkaptinmi,

1~Samuel 30:25

Chay punchawmanta qepamanmi, chayqa huk kamachikuyña Israel nacionpaq karqa.