Éxodo 26:33 - CHUYA QELLQA La Biblia en Quechua de Ayacucho 2012

³³ Chay velotam ganchokunaman warkunki, hinaspam chay velopa qepanman chunkantin kamachikuyniy waqaychana Arcata apaykunki. Chaynapim chay veloqa “Chuya” sutiyuq lugarmanta “Chuyay-chuyay” sutiyuq lugarta rakinanqa.

Quechua Ayacucho Bible 1987

³³ Chaynaqa ganchokunamanmá warkunki cuarto rakinaq telataqa hinaspam chay telapa qepanman apaykunki Chunkantin Kamachikuyniy waqaychana baulta. Chaynapim cuarto rakinaq telaqa servisunkichik “Chuya” sutiyoq lugarta “Chuyay-chuyay” sutiyoq lugarmanta rakinanpaq.

Chuya Qellqa 1992

³³ Chay velotam ganchokunaman warkunki, hinaspam chay velopa qepanman chunkantin kamachikuyniy waqaychana Arcata apaykunki. Chaynapim chay veloqa “Chuya” sutiyuq lugarmanta “Chuyay-chuyay” sutiyuq lugarta rakinanqa.

Éxodo 26:33 Iomraidhean Croise

1~Reyes 6:16

Templopa uku lawninpi “Chuyay-chuyay” sutiyuq cuartotapas pampanmanta qatankamam cedro tablakunawan tableachirqa, chay cuartopa largonmi karqa isqon metro.

1~Reyes 8:10

Templomanta llapa sacerdotekuna lloqsimuptinkum, Tayta Diospa wasinman puyu huntaykurqa.

1~Reyes 8:6

Llapa sacerdotekunam Tayta Diospa pacto ruwasqan Arcanta apaspanku templopa ukun lawpi kaq “Chuyay-chuyay” sutiyuq cuartopi kaq querubinkunapa rapranpa ukunman churaykurqaku.

2~Crónicas 3:8

Templopa “Chuyay-chuyay” sutiyuq cuartontam ruwachirqa isqon metro largoyuqta hinaspa isqon metro ancho-yuqta, hinaspam iskay chunka wa-ranqa kilo suma-sumaq qoriwan llusi-chirqa.

Éxodo 25:16

Chay Arcapim waqaychanki chunkantin kamachikuykuna qosqayta.

Éxodo 26:32

Chay velotam warkunki acacia kaspimanta qoriwan llusisqa tawa pilarkunaman. Chay pilarkunaqa qorimanta ganchoyuqmi kanqa, sayanqakuñataqmi qollqemanta toqoyuq tawa tiyanakunapi.

Éxodo 27:10

Iskay chunka pilarninkunawan iskay chunka tiyanankunaqa broncemantam kanqa. Pilarkunapa ganchonkunawan varillankunañataqmi qollqemanta kanqa.

Éxodo 27:21

Aaronwan churinkunam mecherokunata allichanqaku ñoqapa ñawpaqniypi tukuy tuta ratananpaq. Chaytaqa ruwanqa pacto ruwasqay Arcata harkaq velopa ñawpaqninpim. Kaymi kanqa wiñaypaq decretoy llapallan Israel castakunapaq chaynataq mirayninkunapaqpas.

Éxodo 36:36

Chay velota warkunankupaqñataqmi acacia qerumanta tawa pilarkunata ruwaspanku qoriwan llusirqaku, hinaspam qorimanta ganchokunata churarqaku; chay pilarkuna tiyananpaqmi qollqeta chulluchispa toqoyuq tawa tiyanakunata ruwarqaku.

Éxodo 40:21

Chaymantam Arcata apaykurqa Tayta Diosman asuykuna carpaman hinaspam “Chuyay-chuyay” lugarmanta “Chuya” lugarta rakinaq velota churarqa, chaynataqa ruwarqa imaynam Moisesman Tayta Diospa kamachisqanman hinam.

Éxodo 40:3

Chaymanmi pacto ruwasqay Arcata churanki, hinaspam chay Arcapa kananta velowan tapanki.

Ezequiel 41:4

Tupurqataqmi templopa uku law salantapas, chaymi tawan lawnin kasqa chunka metrokama. Hinaspanmi chay tupuq runa niwarqa: Kay salaqa “Chuyay-chuyaywan” sutichasqam, nispan.

Levítico 16:2

Wawqeki Aaronta niy, carpapi “Chuyay-chuyay” lugarmanta “Chuya” lugarta rakinaq velopa qepanmanqa otaq Arcapa tapanpa ñawpaqninmanqa ama sapa kutilla yaykunanpaq, chaynapi ama wañurunanpaq. Ñoqam Arcapa tapanpa hawanpi puyupi sutillata rikurisaq.