Éxodo 26:31 - CHUYA QELLQA La Biblia en Quechua de Ayacucho 2012

³¹ Ruwankitaqmi huk velotapas, chay-taqa ruwanki morado qaytumanta, grosella qaytumanta hinaspa kawpusqa lino qaytumantam, hinaspam iskay querubinkunata bordachinki.

Quechua Ayacucho Bible 1987

³¹ —Rurachinkitaqmi cuartota iskayman rakinaq telatapas, chayqa kanqa morado qaytumanta, grosella qaytumanta, guindo qaytumanta hinaspa lino kawpusqamanta querubin sutiyoq angelkuna kuruyoqmi.

Chuya Qellqa 1992

³¹ Ruwankitaqmi huk velotapas, chaytaqa ruwanki morado qaytumanta, grosella qaytumanta hinaspa kawpusqa lino qaytumantam, hinaspam iskay querubinkunata bordachinki.

Éxodo 26:31 Iomraidhean Croise

2~Crónicas 3:14

Velotapas morado qaytumanta, grosella qaytumanta, guindo qaytumanta hinaspa fino linomantam ruwachirqa, chay velopa hawanpim querubinkunata bordachirqa.

Éxodo 25:18

Ruwankitaqmi qorimanta iskay querubinkunatapas, chaytaqa ruwanki martillowan llaqllaspam, hinaspam chay tapapa iskaynin law patanpi churanki.

Éxodo 25:4

morado qaytuta, grosella qaytuta, guindo qaytuta, linomanta llañu qaytuta, cabrakunapa pelonta,

Éxodo 26:1

Huk carpatam chunka cortinakunamanta ruwanki, chay cortinakunam kanqa kawpusqa linomanta chaynataq morado, grosella hinaspa guindo qaytumanta. Chay cortinapim iskay querubinkunata suma-sumaqta bordachinki.

Éxodo 26:32

Chay velotam warkunki acacia kaspimanta qoriwan llusisqa tawa pilarkunaman. Chay pilarkunaqa qorimanta ganchoyuqmi kanqa, sayanqakuñataqmi qollqemanta toqoyuq tawa tiyanakunapi.

Éxodo 27:16

Patioman yaykunapim huk cortina isqon metro largoyuq kanqa, chay cortinaqa morado qaytumanta, grosella qaytumanta hinaspa guindo qaytumantam kanqa hinaspa kawpusqa linomanta suma-sumaq bordasqam kanqa. Pilarninkunawan tiyanan toqokunapas tawam kanqa.

Éxodo 27:21

Aaronwan churinkunam mecherokunata allichanqaku ñoqapa ñawpaqniypi tukuy tuta ratananpaq. Chaytaqa ruwanqa pacto ruwasqay Arcata harkaq velopa ñawpaqninpim. Kaymi kanqa wiñaypaq decretoy llapallan Israel castakunapaq chaynataq mirayninkunapaqpas.

Éxodo 28:15

Efodta ruwasqankuta hinam imam munasqayta yachanaykipaq pectoraltapas ruwachinki, qorimanta, morado qaytumanta, grosella qaytumanta hinaspa kawpusqa linomanta.

Éxodo 35:12

Arcata, Arcapa varillankunata, Arcapa tapanta, “Chuyay-chuyay” lugarmanta “Chuya” lugarta rakinaq velota,

Éxodo 35:25

Allin yachayniyuq warmikunamantapas haykam puchkay yachaqkunam puchkasqankumanta morado qaytuta, grosella qaytuta, guindo qaytuta hinaspa llañu lino qaytuta apamurqaku.

Éxodo 35:35

Paykunamanmi yachayta huntaykurqa, chaynapi tukuy rikchaq ruwaykunata ruwanankupaq, dibujokunatapas umankumanta hurqonankupaq hinaspa morado qaytumanta, grosella qaytumanta, guindo qaytumanta, llañu lino qaytumanta bordanankupaq chaynataq tukuy rikchaq fino trabajokunatapas ruwanankupaq.

Éxodo 35:6

morado qaytuta, grosella qaytuta, guindo qaytuta, linomanta llañu qaytuta, cabrakunapa pelonta,

Éxodo 36:35

Ruwarqakutaqmi morado qaytumanta, grosella qaytumanta, puka qaytumanta, kawpusqa linomanta velotapas; chay velopa hawanpim iskay querubinkunata kuyayllapaqta bordarqaku.

Éxodo 36:36

Chay velota warkunankupaqñataqmi acacia qerumanta tawa pilarkunata ruwaspanku qoriwan llusirqaku, hinaspam qorimanta ganchokunata churarqaku; chay pilarkuna tiyananpaqmi qollqeta chulluchispa toqoyuq tawa tiyanakunata ruwarqaku.

Éxodo 36:8

Allinnin maestrokunam carpata ruwarqaku. Chunka cortinakunatam lino qaytumanta, morado qaytumanta, grosella qaytumanta hinaspa guindo qaytumanta ruwarqaku. Chay cortinakunapim querubinkunata suma-sumaqta bordarqaku.

Éxodo 38:23

Bezaleeltam yanaparqa Dan ayllumanta kaq Ahisamacpa churin Aholiab. Aholiabmi karqa rumikunapi letrakunata ruwaq, dibujaq, morado qaytuwan, grosella qaytuwan, guindo qaytuwan hinaspa llañu lino qaytuwan bordadokuna ruwaq.

Éxodo 40:21

Chaymantam Arcata apaykurqa Tayta Diosman asuykuna carpaman hinaspam “Chuyay-chuyay” lugarmanta “Chuya” lugarta rakinaq velota churarqa, chaynataqa ruwarqa imaynam Moisesman Tayta Diospa kamachisqanman hinam.

Éxodo 40:3

Chaymanmi pacto ruwasqay Arcata churanki, hinaspam chay Arcapa kananta velowan tapanki.

Cantares 7:1

Kamachikuqpa warmi churin, ¡mayna kuyayllapaqmi usutaykipi chakikikunapas! Weqawnikipa muyuriqninpas alhaja ruwaqpa labrasqan alhaja hinaraqmi.

Levítico 16:15

Chaymantam chivatota wañuchinqa llaqtapa huchankunamanta ofrecewananpaq, yawarnintañataqmi carpapi velopa qepanman apaykunqa, hinaspam tapapa hawanman chaynataq tapapa ñawpaqninman challanqa, imaynam malta toropa yawarninwan ruwasqanta hina.

Levítico 16:2

Wawqeki Aaronta niy, carpapi “Chuyay-chuyay” lugarmanta “Chuya” lugarta rakinaq velopa qepanmanqa otaq Arcapa tapanpa ñawpaqninmanqa ama sapa kutilla yaykunanpaq, chaynapi ama wañurunanpaq. Ñoqam Arcapa tapanpa hawanpi puyupi sutillata rikurisaq.

Números 4:5

Israelpa mirayninkuna huklawman astakuptinkum, Aaronwan churinkuna carpa rakinaq velota hurqonqaku, hinaspam Arcata chaywan tapanqaku.

Mateo 27:51

Chay ratollapim templopi santuariota rakinaq velo hanaymanta urayman llikikuruspan iskayman rakikururqa. Allpapas katkatataptinmi qaqakunapas raqrarurqa.

Marcos 15:38

Hinaptinmi templopi velo hanaymanta urayman llikikuruspan iskayman rakikururqa.

Lucas 23:45

Inti tutayaruptinmi templopi kaq velo iskayman llikikururqa.

Efesios 2:14

Cristollam hawkayay apamu-waqninchikqa, paymi rakiwaqninchik perqata tuñirachispan judiokunatawan mana judío kaqkunata hukllawaruwanchik.