Éxodo 25:8 - CHUYA QELLQA La Biblia en Quechua de Ayacucho 2012

⁸ Hinaspam huk santuariota ruwapuwanki qamkuna ukupi yachanaypaq.

Quechua Ayacucho Bible 1987

⁸ Huk santuariotayá rurapuwaychik qamkuna ukupi *f**yachanaypaq.

Chuya Qellqa 1992

⁸ Hinaspam huk santuariota ruwapuwanki qamkuna ukupi yachanaypaq.

Éxodo 25:8 Iomraidhean Croise

1~Reyes 6:13

hinaspaymi Israelpa mirayninkunawan yachasaq, Israelpa mirayninkunataqa manam saqesaqchu, nispa.

1~Crónicas 22:19

Chaynaqa, tukuy sonqoykichikwanyá Tayta Diosta maskaychik, hinaspayá Tayta Diospa santuarionta hatarichiychik, chaynapi Tayta Diospa pacto ruwasqan Arcatawan paypaq sapaqchasqa serviciokunata Tayta Diospaq ruwasqaykichik temploman apanaykichikpaq, nispa.

Éxodo 15:17

Dios Taytallayku, qanmi yaykuchiwankiku akllakusqayki orqoman, yachanayki orqoman, santuarioyki kananpaq makikiwan allichasqayki orqoman hinaspam chaypi kawsachiwankiku.

Éxodo 15:2

Tayta Diosmi kallpanchaqniyqa, Tayta Diosmi salvawaqniyqa, chaymi payman takipusaq. Payqa ñoqapa Diosniymi, chayraykum yupaychasaq; payqa ñawpaq taytaykunapa Diosninmi, chayraykum hatunchasaq.

Éxodo 29:45

Hinaspam Israelpa mirayninkunapa chawpinpi yachaspay Diosninku kasaq.

Éxodo 29:46

Chaynapim ñoqa Tayta Dios, Diosninku kasqayta yachanqaku. Chawpinkupi yachanaypaqmi Egipto nacionmanta paykunata hurqomurqani. Ñoqa Tayta Diosmi, Diosninku kani.

Isaías 12:6

Sión moqopi yachaqkuna, kusikuywan qaparispa takiychik. Israelpa Chuya Diosnin qamkuna ukupi kasqanraykuyá kusikuychik, nispa.

Ezequiel 37:26

Hawka kawsakunankupaqmi pay-kunawan pactota ruwasaq. Chay pactoqa wiñaypaqmi kanqa. Paykunata anchallataña mirachispaymi temploytapas chawpinkupi wiñaypaq churasaq.

Ezequiel 37:28

Ñoqapa temploy paykunapa chawpinpi wiñaypaq kaptinmi, wakin nacionkunapas yachanqaku Israel nacionqa ñoqapa sapaqchakusqay kasqanta.

Ezequiel 43:7

Paymi kaynata nimuwarqa: Runapa churin, kay sitioqa tiyanaypa kanan hinaspa chakiykunapa sarupakunan sitiom, kaypim Israelpa mirayninkunapa chawpinpi wiñaypaq yachasaq. Israelpa mirayninkunawan reyninkupas manañam chuya sutiytaqa penqayman churanqakuñachu, nitaqmi wañusqa reyninkutapas yupaychanqakuñachu.

Levítico 10:4

Chaymantam Uzielpa churin Misael-tawan Elzafanta Moisés qayaykurqa; paykunaqa Aaronpa tion Uzielpa churinkunam karqaku. Paykunatam nirqa: Asuykuspa santuariopa ñawpaqninmanta castaykichikta hurqomuychik hinaspa campamentomanta hawaman apaychik, nispa.

Levítico 21:12

Santuarioymantaqa amam lloqsinqachu, amataqmi santuarioytapas penqaymanqa churanqachu. Payqa umanman aceitewan tallispa ñoqallapaqña sapaqchasqam. Ñoqa Tayta Diosmi chaynata nini.

Levítico 26:11

Qamkunawan yachaspaymi manaña qepanchasqaykichikñachu.

Levítico 4:6

Chaypim dedonta yawarman challpuykuspan qanchis kutikama ñoqapa qayllaypi challanqa, chaytaqa santuario rakinaq velopa ñawpaqninpim ruwanqa.

Zacarías 2:10

Tayta Diosmi nin: Sionpi yachaqkuna, takispa kusikuychik. Ñoqam hamuchkani qamkunawan yachanaypaq, nispa.

Zacarías 8:3

Tayta Diosmi kaynata nin: Sión llaqtatam musoqmanta hatarichisaq, hinaspaymi chawpinpi yachakusaq, Jerusalén llaqtam cheqapwan, Tukuy Atiyniyuq Tayta Diospa orqonwan, chuyanchakuna orqowan sutichasqa kanqa.

Números 5:3

Qaritapas warmitapas millakuypaq kaqkunataqa campamentomanta qarqoychik, chaynapi ñoqapa yachanay campamento mana qachachasqa kananpaq, nispa.

Hechos 7:44

Ñawpaq taytanchikkunam Dioswan huñunakunanku carpata chunniqpi hatarichirqaku. Chaytaqa ruwarqaku imaynam Diospa kamachisqanman hinaspa Moisesman qawachisqanman hinam.

2~Corintios 6:16

Diospa templonwan idolokunapa templonqa manam kaqkamallaqa kanmanchu. Ñoqanchikqa kawsaq Diospa templonmi kanchik, kikin Diosmi nirqa: “Paykuna ukupim yachasaq, paykuna ukupim purisaq, paykunapa Diosninmi kasaq, paykunañataqmi llaqtay kanqaku”, nispa.

Deuteronomio 12:11

Señornikichik Tayta Diospa sutin reqsisqa kananpaq, kikinpa akllasqan sitiopi, imaynam kamachisqayman hina, lliw kañana sacrificiota, wakin ofrendakunata, diezmoykichikkunata, ofrendaykichikkunata chaynataq payman prometesqaykichik allinnin kaqkunatapas ofrecenkichik.

Hebreos 3:6

Cristom ichaqa Churin kasqanrayku Diospa wasinpi munayniyuq karqa, chay wasi hinam ñoqanchikpas paypi hatun confianzawan kallpanchakuspaqa kanchik.

Josué 22:31

Chaymi paykunata sacerdote Eleazarpa churin Finees nirqa: Kunanmi yachaykuniku Tayta Diosqa ñoqanchikwan kasqanta, chayta ruwaspaykichikqa manam Tayta Diospa contranpi hatarinaykichikpaqchu nitaqmi payta qepan-chanaykichikpaqchu ruwarqankichik. Kunan-mi Tayta Diospa castigonmanta Israelpa wakin mirayninkunata libraruwankiku, nispa.

Apocalipsis 21:3

Hinaptinmi hanaq pachamanta kayna hatun qapariyta uyarirqani: Kunanqa Diospa tiyanan trononqa kaypiñam runakunawan kachkan. Paymi runankunawan yachanqa, paykunaqa llaqtanmi kanqa, Diosñataqmi paykunapa Diosnin kanqa.