Éxodo 25:30 - CHUYA QELLQA La Biblia en Quechua de Ayacucho 2012

³⁰ Chay mesamanmi mana pisiyta ñoqapaq sapaqchasqaykichik tantata churanki.

Quechua Ayacucho Bible 1987

³⁰ Chay mesamanmi mana pisiyta churanki ñoqapaq sapaqchasqaykichik tantata otaq qayllaypi churanaykichik tantata.

Chuya Qellqa 1992

³⁰ Chay mesamanmi mana pisiyta ñoqapaq sapaqchasqaykichik tantata churanki.

Éxodo 25:30 Iomraidhean Croise

1~Reyes 7:48

Salomonqa ruwachirqataqmi Tayta Diospa templonpi kaq tukuy imakunatapas, chaykunam karqa: Qorimanta altar, Tayta Diospa tantanta churanapaq qorimanta mesata,

1~Crónicas 23:29

Paykunam nanachikurqaku Tayta Diospa qayllanpi ofrenda tantawan, sacrificiopaq kawsaykunamanta ruwasqa harinawan, mana levadurayuq tortillakunawan, sartenpi teqtisqa hinaspa yanusqa ofrendakunawan hinaspa pesokunawan chaynataq tupukunawanpas.

1~Crónicas 9:32

Coatpa wakin churinkunam kamachisqa karqaku Tayta Diospa templonpi churana tantata ruwaspa sapa samana punchawpi churanankupaq.

2~Crónicas 13:11

Paykunam sapa tutapayta, sapa tardeykuyta, Tayta Diospaq lliw kañana sacrificiota hinaspa miski asnaq inciensokunata ofrecenku; ofrecenkutaqmi qorimanta mesapi patanasqa tantakunatapas, sapa tardentaqmi qorimanta candelabropi mecherokunatapas ratachinku. Ñoqaykuqa Tayta Diospa kamachikuynintam kasukuniku, qamkunam ichaqa qepanchakurunkichik.

2~Crónicas 2:3

Chaymantam Tiro llaqtapa reynin Hiramta Salomón kaynata nichimurqa: Imaynam taytay Davidman wasinta ruwachinanpaq cedro qerukunata apachimurqanki, chaynayá ñoqamanpas palacioyta ruwanaypaq apachimuway.

2~Crónicas 2:4

Ñoqam yupaychasqay Tayta Diospa templonta ruwasaq, miski asnaq inciensota paypa qayllanpi kañanaypaq, patanasqa tantatapas sapa kutilla ofrecenaypaq, sapa achikyayta, sapa tardeykuyta, samana punchawkunapi, musoq killakunapi, Diospa fiestankunapi Tayta Diosman lliw kañana sacrificiota ofrecenaypaq. Chaykunaqa wiña-wiñaypaqmi Israel nacionpi ruwasqa kanqa.

Éxodo 35:13

mesata, mesapa varillankunata llapallan servicionkunatawan chaynataq Diospa tantantapas,

Éxodo 39:36

mesata servicionkunatawan, Diosman ofrecesqa tantata,

Éxodo 40:23

Chay mesapa hawanpim Diospa tantankunata patanarqa, chaynataqa ruwarqa imaynam Moisesman Tayta Diospa kamachisqanman hina.

Éxodo 40:4

Apaykunkitaqmi mesatawan candelabrotapas, hinaspam mecheron-kunata ratachinki.

Ezequiel 41:22

tablamanta ruwasqa altar, tawan lawninmi kasqa huk metrokama, altoman sayayninñataqmi kasqa huk metro parten. Chay altarpaqa esquinankunapas, pampanpas hinaspa waqtankunapas tablamantam kasqa. Hinaptinmi chay runa niwarqa: Kayqa Tayta Diospa qayllanpi kaq mesam, nispa.

Malaquías 1:12

Qamkunam ichaqa piñachiwachkankichik, Tayta Diospa mesanqa millakuypaqmi, millakuypaqtaqmi mikuyninpas, nispaykichik.

Malaquías 1:7

Qamkunaqa altarniypipas millakuypaq mikuykunatam ofrecewankichik, hinas-pam ninkichikraq: “¿Imapitaq piñara-chikiku?” nisparaq. Qamkunaqa piña-chiwankichik altarniyta wischupakus-paykichikmi,

Números 4:7

Ñoqapa qayllaypi kaq mesapa hawan-manpas morado telatam mastanqaku, chaypa hawanmanñataqmi platokunata, cucharakunata, tazonkunata hinaspa vino tallinapaq aysakukunata churanqaku. Chay mesapa hawanpitaqmi tantatapas mana tipiyta ñoqapa qayllaypi churankichik.

Mateo 12:4

Diospa wasinman yaykuruspankum Diospaq sapaqchasqa tantakunata mikururqaku, chay tantakunaqa manam paykunapa mikunanchu karqa aswanqa sacerdotekunallapam.

Hebreos 9:2

Chay carpam iskayman rakinasqa karqa. Punku lawpi kaqmi “Chuya lugarwan” sutichasqa karqa, chaypim karqa candelabrowan Diospa tantan churana mesa.

1~Samuel 21:4

Hinaptinmi Davidta sacerdote nirqa: Manam común tantaqa kapuwanchu, Diospaq sapaqchasqa tantallam kachkan. Sichum runaykikuna warmikunawan mana puñurqachu hinaptinqa qoykusqaykim, nispa.

1~Samuel 21:5

Chaymi David nirqa: Runaykunaqa kayna lloqsisqankuraykum warmikunawanqa mana puñunkuñachu. Kunanqa qonqaytam hamurqaniku chaymi runaykunaqa warmikunawan mana puñurqakuchu, paykunaqa Diosman asuykunankupaq hinam kachkanku, nispa.

1~Samuel 21:6

Hinaptinmi chay Sacerdote mana común tanta kasqanrayku Tayta Diospaq sapaqchasqa tantata Davidman qoykurqa. Chay tantakunataqa hina chay punchawllapim Tayta Diospa mesanmanta suchurachirqaku, hinaspam qonichkaq tantataña churaykurqaku.