Éxodo 25:20 - CHUYA QELLQA La Biblia en Quechua de Ayacucho 2012

²⁰ Chay querubinkunapa raprankunam llantuchkaq hina tapapa hawanman kichasqa kanqa, uyankuñataqmi kumuykuspa tapata qawanqaku.

Quechua Ayacucho Bible 1987

²⁰ Angelkunapa raprankunam llantuchkaq hina kichasqa kanqa tapapa hawanman, uyankuñataqmi qawanakuchkaq hina kumuykanakuspa tapata qawanqaku.

Chuya Qellqa 1992

²⁰ Chay querubinkunapa raprankunam llantuchkaq hina tapapa hawanman kichasqa kanqa, uyankuñataqmi kumuykuspa tapata qawanqaku.

Éxodo 25:20 Iomraidhean Croise

Génesis 28:12

Hinaspanmi mosqoyninpi huk escalerata pampamanta hanaq pachaman haypaqta rikururqa, chaynintakama Diospa angelninkuna seqaqta uraykamuchkaqta.

1~Reyes 6:23

“Chuyay-chuyay” sutiyuq cuartopaqmi ruwachirqa aceitunas sachamanta iskay querubinkunata. Sapa querubinpa sayayninmi karqa tawa metro parten.

1~Reyes 6:27

Chay querubinkunatam templopa uku lawninpi kaq “Chuyay-chuyay” sutiyuq cuartoman churarqa, chaynapim huknin querubinpa mastarisqa rapranpa puntan kaylaw perqaman tuparqa, hukninpa mastarisqa rapranñataqmi waklaw perqaman tuparqa, huknin raprankupa puntanñataqmi chay cuartopa chawpinpi tupanakurqa.

1~Reyes 8:7

Chay querubinkunam kicharisqa raprankunawan Arcatawan hombronanku varillakunata taparqaku.

1~Crónicas 28:18

Qorqataqmi incienso kañananku altarpaqpas, qorimanta querubinkunapa carretanpaqpas. Chay querubinkunam Tayta Diospa pacto ruwasqan Arcata raprankuta mastarispa tapaqku.

2~Crónicas 3:10

Chuyay-chuyay sutiyuq cuartopim iskay querubinkunata kullumanta tallachirqa, hinaspam qoriwan llusichirqa.

Éxodo 25:18

Ruwankitaqmi qorimanta iskay querubinkunatapas, chaytaqa ruwanki martillowan llaqllaspam, hinaspam chay tapapa iskaynin law patanpi churanki.

Éxodo 25:19

Chay tapawan iskaynin querubinkunaqa huk piezallamanta ruwasqam kanqa. Huknin querubinmi kaylaw patanpi kanqa, hukninñataqmi waklaw patanpi.

Ezequiel 1:20

Runaman rikchakuq kawsaqkunaqa, Espiritupa pusasqanman hinam maymanpas risqaku. Paykunawan kuskataqmi chay ruedakunapas hoqarikusqaku, chaynaqa kasqa chay kawsaqkunapipas chaynataq ruedakunapipas Diospa Espiritun kasqanraykum.

Ezequiel 28:14

Qampaqa huk querubinmi waqaychaqnikipas karqa, Diospa chuya orqonpim churarqayki, chipipipiq rumikunapa chawpinpim purirqanki.

Mateo 24:31

Trompetapa waqayninwanmi angelninkunata kamachinqa, akllakusqankunata tukuy hinastinmanta huñumunankupaq.

Juan 1:51

Cheqaptapunim nikichik: Kunan-mantam rikunkichik hanaq pachata kicharayachkaqta hinaspa Diospa angelninkuna runapa Churinpa hawanman uraykamuspa wicharichkaqta, nispa.

1~Corintios 11:10

Chay-raykum warmiqa umanta sukutakunan qariman sujetasqa kasqanta angelkunamanpas qawachinanpaq.

1~Corintios 4:9

Piensasqayman hinaqa ñoqayku apostolkunataqa Diosmi qepamanña churaruwanku, chaymi wañuypaq sentenciasqa hinaña kachkaniku. Chaymi runakunapaqpas hinaspa angelkunapaqpas kay pachapi qawakuwanankupaq kachkaniku.

Efesios 3:10

Chaynapim altokunapi atiyniyuqkunapas hinaspa munaychakuqkunapas iñiqkunata hukllamanña huñunasqata qawaspanku yachanqaku Diosninchikqa mana haypay atina yachayniyuq kasqanta.

Colosenses 2:10

Cristoman hukllawasqa kasqaykichikraykum Diosmanpas hukllawasqaña kachkankichik. Cristopa munayllanpim llapa kamachikuqkunapas chaynataq atiyniyuqkunapas kachkan.

Hebreos 1:14

Llapallan angelkunaqa Dios serviq espiritukunam, paykunaqa salvakunankupaq kaqkunata yanapanankupaqmi kachamusqa kachkanku.

Hebreos 9:5

Arcapa hawanpiñataqmi karqa kancharichkaq iskay querubinkuna. Kay querubinkunaqa raprankuta masta-rispam huchakuna pampachana tapata taparqaku. Kaykunapa sapakama yachachikuyninmantaqa manaraqmi kunanqa rimachwanchu.

1~Pedro 1:12

Diosmi paykunaman nirqa chay willakusqankuqa mana kikillankupaqchu, aswanqa ñoqanchikpaqwan kasqanmanta. Kunanñataqmi salvacionmanta willakuqkunaqa willa-suchkankichik hanaq pachamanta hamuq Chuya Espiritupa yanapakuy-ninwan. Chaykunataqa angelkunapas yachaykuytam munanku.

1~Pedro 3:22

Paymi hanaq pachaman wicharispan Diospa alleqninpi kachkan, paytam kasunku angelkunapas, autoridadkunapas chaynataq atiyniyuqkunapas.