Éxodo 25:16 - CHUYA QELLQA La Biblia en Quechua de Ayacucho 2012

¹⁶ Chay Arcapim waqaychanki chunkantin kamachikuykuna qosqayta.

Quechua Ayacucho Bible 1987

¹⁶ Chay baulpa ukunpim churanki qosqay Chunkantin Kamachikuykunata.

Chuya Qellqa 1992

¹⁶ Chay Arcapim waqaychanki chunkantin kamachikuykuna qosqayta.

Éxodo 25:16 Iomraidhean Croise

1~Reyes 8:9

Arcapa ukunpiqa manam imapas hukqa karqachu, aswanqa Horeb orqopi Moisespa churaykusqan iskay tabla rumikunallam. Chay tabla rumikunapim, Egiptomanta lloqsiramuptinku Israelpa mirayninkunawan Tayta Diospa pacto ruwasqan qellqaspa karqa.

2~Reyes 11:12

Hinaptinmi Joiadaqa reypa churin Joasta hawaman pusamuspa umanman coronata churaykurqa, hapiykachirqataqmi chunkantin kamachikuykunatapas. Chaymantam umanman aceiteta tallispan rey kananpaq sapaqcharqa. Hinaptinmi llapallanku kusikuywan taqllakuspa qaparirqaku: ¡Kawsachun rey! nispanku.

2~Crónicas 23:11

Hinaptinmi sacerdote Joiadawan churinkuna, rey Ocoziaspa churin Joasta hurqoramurqaku, umanman coronata churaykuspankum imaynam munaychakunanmanta yachachikuykunata hapiykachirqaku, hinaspam rey kananpaq umanman aceiteta tallispanku nirqaku: ¡Kawsachun rey! nispanku.

Éxodo 16:34

Chaymi Moisesta Tayta Diospa kamachisqanman hina, Aaronqa Diospa Arcanpa ñawpaqninpi churarqa.

Éxodo 25:21

Chay tapatam Arcapa hawanman churanki; Arcamanñataqmi ñoqapa qosqay chunkantin kamachikuykunata churanki.

Éxodo 26:33

Chay velotam ganchokunaman warkunki, hinaspam chay velopa qepanman chunkantin kamachikuyniy waqaychana Arcata apaykunki. Chaynapim chay veloqa “Chuya” sutiyuq lugarmanta “Chuyay-chuyay” sutiyuq lugarta rakinanqa.

Éxodo 27:21

Aaronwan churinkunam mecherokunata allichanqaku ñoqapa ñawpaqniypi tukuy tuta ratananpaq. Chaytaqa ruwanqa pacto ruwasqay Arcata harkaq velopa ñawpaqninpim. Kaymi kanqa wiñaypaq decretoy llapallan Israel castakunapaq chaynataq mirayninkunapaqpas.

Éxodo 30:36

Wakintam ñutuy-ñutuyta kutaruspa ñoqaman asuykuna carpapi pacto ruwasqay Arcapa ñawpaqninman churanki, chaypim qanwan tupasun, chay inciensoqa ñoqallapaqña sapaqchasqam kanqa.

Éxodo 30:6

Chay altartam velopa qepanpi, pacto ruwasqay Arcapa waqtanpi churanki, tapapa ñawpaqninpi, chaypim qanwan tupasaq.

Éxodo 31:18

Sinaí orqopi Tayta Dios rimayta tukuruspanmi Moisesman iskay tabla rumikunapi chunkantin kamachikuyta qoykurqa, chaykunaqa Diospa dedonwan qellqasqam karqa.

Éxodo 32:15

Moisesmi orqomanta kutimurqa iskay tabla rumikunapi chunkantin kamachikuyta aparikuspa, chaykunaqa iskay lawninpi qellqasqam karqa.

Éxodo 34:29

Chaymantam Moisesqa Sinaí orqomanta uraykamurqa chunkantin kamachikuykunata iskay tabla rumikunapi marqarikuspan, ichaqa manam musyakurqachu Tayta Dioswan rimasqanrayku uyan kancharisqantaqa.

Éxodo 38:21

Moisés kamachikuptinmi Leviypa mirayninkuna sacerdote Aaronpa churin Itamarpa yanapasqan, Diospa pacto ruwasqan Arcata waqaychana carpata ruwaypi hayka materialkunam yaykusqanta cuentata hurqorqaku.

Éxodo 40:20

Chunkantin kamachikuytapas Arca-pa ukunmanmi churarqa, Arcapa varillankunatapas ustuchirqam, Arcapa hawanmanñataqmi tapanta churarqa.

Números 17:4

Chay tawnakunataqa ñoqaman asuykuna carpapim Arcapa ñawpaqninpi churanki, chaypim qamkunawan tupasaq.

Hechos 7:44

Ñawpaq taytanchikkunam Dioswan huñunakunanku carpata chunniqpi hatarichirqaku. Chaytaqa ruwarqaku imaynam Diospa kamachisqanman hinaspa Moisesman qawachisqanman hinam.

Romanos 3:2

Arí, allinpunim. Puntataqa judiokunamanmi Diospa palabran qomusqa karqa.

Deuteronomio 31:26

Kay kamachikuy librota Señornikichik Tayta Diospa Arcanman churaychik. Chaypi kachun, contraykichikpi testigo kananpaq.

Hebreos 9:4

Chaypim karqa incienso kañana qorimanta altar, chaypitaqmi karqa qoriwan llusisqa pacto Arcapas. Arcapa ukunpiñataqmi karqa qori mankapi “maná” sutiyuq mikuy, Aaronpa iklliruq tawnan chaynataq chunkantin kamachikuy qellqasqa iskay tabla rumikunapas.

Josué 4:16

Pacto ruwasqay Arca apaq sacer-dotekunata Jordán mayumanta lloqsi-munankupaq kamachiy, nispa.