Éxodo 24:4 - CHUYA QELLQA La Biblia en Quechua de Ayacucho 2012

⁴ Chaymi Tayta Diospa tukuy nisqankunata Moisés qellqarqa, hinaspam tutapayta hatarispan Sinaí orqopa ñawpaqninpi huk altarta ruwaspan chunka iskayniyuq rumikunata sayachirqa, chaynataqa ruwarqa Israelpa chunka iskayniyuq ayllunkunaman hinam.

Quechua Ayacucho Bible 1987

⁴ Chaymi Tayta Diospa tukuy nisqankunata Moises qellqarqa hinaspam tutapayta hatarispan huk altarta rurarqa Sinai Orqopa ñawpaqninpi. Sayachirqataqmi chunka iskayniyoq suytu rumikunatapas, chaynataqa rurarqa Israelpa chunka iskayniyoq ayllunkunaman hinam.

Chuya Qellqa 1992

⁴ Chaymi Tayta Diospa tukuy nisqankunata Moisés qellqarqa, hinaspam tutapayta hatarispan Sinaí orqopa ñawpaqninpi huk altarta ruwaspan chunka iskayniyuq rumikunata sayachirqa, chaynataqa ruwarqa Israelpa chunka iskayniyuq ayllunkunaman hinam.

Éxodo 24:4 Iomraidhean Croise

Génesis 12:7

Chaypim Abramman Tayta Dios rikuriykuspan nirqa: Miraynikikunamanmi kay allpata qosaq, nispa. Hinaptinmi rikuriykuqnin Tayta Diosta yupaychananpaq huk altarta chaypi ruwarqa.

Génesis 28:18

Tutapayta hatarispanmi sawnakusqan suytu rumita Jacob sayachirqa, hinaspam aceiteta talliykurqa Diospaq sapaqchananpaq.

Génesis 28:22

Kay sayachisqay suytu rumim Diospa Wasin kanqa. Lliw qowasqaykimantapas diezmoytam qosqayki, nispa.

Génesis 31:45

Chaymi Jacob suytu rumita señal kananpaq sayachirqa,

1~Reyes 11:30

Ahiasqa churakusqan musoq capanta chunka iskayniyuq retazoman llikiparurqa,

1~Reyes 18:31

Hinaspam chunka iskayniyuq rumikunata hapiykurqa Jacobpa churinkunaman hina, paytam Israelwan Tayta Dios suticharqa.

Esdras 6:17

Templota dedicaspankum Tayta Diosman ofrecerqaku pachak malta torokunata, iskay pachak carnerokunata, tawa pachak malta carnerokunata hinaspa chunka iskayniyuq chivatokunatapas, huk chivatotam sapa ayllumanta hucha pampachana ofrendapaq wañuchirqaku.

Nehemías 10:1

Chay sellasqa documento firmaq runakunam kaykuna: Hacaliaspa churin gobernador Nehemías, Sedequías,

Éxodo 17:14

Chaymi Moisesta Tayta Dios nirqa: Ama qonqarunaykichikpaq huk libropi kayta qellqay hinaspa Josueyta niy: “Amalec castakunatam kay pachamanta chinkachisaqpuni”, nispa.

Éxodo 17:15

Hinaptinmi huk altarta Moisés perqarqa, hinaspam suticharqa “Tayta Diosmi banderay”, nispa.

Éxodo 21:1

Israel runakunaman kay kamachikuykunata qonanpaqmi Moisesta Tayta Dios nirqa:

Éxodo 24:7

Chaymantam Diospa pacto ruwasqan librota hapiykuspan runakuna uyarinanpaq leerqa, chaymi paykunañataq nirqaku: Tayta Diospa tukuy nisqanta kasukuspam ruwasaqku, nispanku.

Éxodo 28:21

Israelpa chunka iskayniyuq churinkunapa sutinman hinam alhaja rumikunapas chunka iskayniyuq kanqa; sapa rumipim sello hina sapa ayllupa sutin qellqasqa kanqa.

Éxodo 34:27

Moisestam Tayta Dios nirqa: Kay nisqayta qellqay, kay nisqayman hinam qanwan hinaspa Israelpa mirayninkunawan pactoyta ruwani, nispa.

Isaías 19:19

Chay punchawmi Egipto nacionpa chawpinpi Tayta Diospaq sapaqchasqa huk altar kanqa, linderonpipas Tayta Dios yuyarina señaltam churanqaku.

Levítico 24:5

Allinnin harinamantam chunka iskayniyuq tantakunata ruwankichik. Sapa tantam tawa kilo parten harinamanta kanqa.

Lucas 22:30

chaynapi qamkunapas munaychakuyniypi ñoqawan kuska mikunaykichikpaq hinaspa tomanaykichikpaq; qamkunam tronokunapi tiyaykuspa Israelpi chunka iskayniyuq ayllukunata juzgankichik, nispa.

Gálatas 2:9

Jacobowan, Pedro hinaspa Juanmi iñiqkunapa kamachiqninkuna karqaku, paykunam Diospa kuyakuynin qowasqanta yachaykuspanku ñoqatawan Bernabeyta alleq makinkuwan hapiykuwarqaku llamkaqmasinkuña kanaykupaq, hinaspam kamachiwarqaku mana judío kaqkunaman willakunaykupaq, paykunañataq Judío kaqkunaman willakunankupaq, nispa.

Deuteronomio 31:9

Moisesmi kay yachachikuykunata qellqarqa, hinaspam Tayta Diospa pacton waqaychana Arca apaq Leví ayllu sacerdotekunaman chaynataq Israelpa llapallan ancianonkunaman qorqa.

Josué 4:20

Hinaptinmi Josueqa, Jordán mayumanta apamusqanku chunka iskayniyuq rumikunata Gilgalpi sayachirqa.

Josué 4:5

Josué nirqa: Jordán mayupa chawpinman, Diosni-kichikpa Arcanpa ñawpaqninkama yaykuspa chaymanta rumita hurqomuychik hinaspa Israelpa mirayninkunamanta sapa aylluman hina, sapakama hukta hombromuychik.

Apocalipsis 21:14

Llaqtapa muyuriqninpi perqakunapas kasqa chunka iskaynin cimientoyuqmi, sapa cimientopiñataqmi qellqasqa kasqa Corderopa chunka iskayniyuq apostolninkunapa sutinkupas.