Éxodo 24:18 - CHUYA QELLQA La Biblia en Quechua de Ayacucho 2012

¹⁸ Chaymi puyu ukuman yaykuspa orqoman Moisés qespirqa. Hinaspam chay orqopi tawa chunka punchaw tawa chunka tuta kamurqa.

Quechua Ayacucho Bible 1987

¹⁸ Chaymi Moises puyu ukuman yaykuspan seqarqa orqoman. Moisesmi chay orqopi karqa tawa chunka punchaw hinaspa tawa chunka tutan.

Chuya Qellqa 1992

¹⁸ Chaymi puyu ukuman yaykuspa orqoman Moisés qespirqa. Hinaspam chay orqopi tawa chunka punchaw tawa chunka tuta kamurqa.

Éxodo 24:18 Iomraidhean Croise

1~Reyes 19:11

Chaymi Tayta Dios nirqa: Hawaman lloqsispa orqoman qespiy hinaspa ñoqapa qayllaypi sayay, nispa. Tayta Dios pasaptinmi, huk sinchi wayrapas orqokunata tuñichispa rumikunata ñutururqa, Tayta Diosmi ichaqa mana chay wayrapichu karqa. Wayra pasaruptinñataqmi terremoto karqa, Tayta Diosmi ichaqa mana chay terremotopichu karqa.

1~Reyes 19:8

Eliasñataqmi hatarispan mikurqa hinaspa tomarqa. Chay mikuywan kallpanchakuykuspanmi tawa chunka punchaw tawa chunka tuta rirqa “Diospa orqon” nispa sutichasqa Horeb orqokama.

Éxodo 19:20

Tayta Diosmi Sinaí orqoman uraykamurqa, hinaspam Moisesta chayman rinanpaq qayamurqa, chaymi Moisés seqarqa.

Éxodo 24:17

Tayta Diospa atiynintam Israelpa mirayninkuna orqopa puntanpi lenwachkaq ninata hina rikurqaku.

Éxodo 25:1

Moisestam Tayta Dios nirqa:

Éxodo 32:1

Orqoman risqanmanta Moisés manaña rikurimuptinmi, Aaronman asuykuspanku llapa runakuna kaynata nirqaku: Pusawanankupaq dioskunata ruwapuwayku, Egipto nacionmanta hurqomuwaqniyku Moisestaqa imachá pasarun, manam yachanchikchu, nispanku.

Éxodo 34:28

Moisesmi Tayta Dioswan chay orqopi karqa tawa chunka punchaw tawa chunka tuta, manam mikurqachu nitaqmi yakutapas tomarqachu. Chaypim tabla rumikunapi pactonta otaq chunkantin kamachikuykunata Tayta Dios qellqarqa.

Éxodo 9:29

Chaymi Moisés nirqa: Kay pachaqa Tayta Diospa kasqanta yachanaykipaqmi, kay llaqtamanta lloqsispalla Tayta Diosman makiyta hoqarisaq, hinaptinmi rayokuna llipyakuna chaynataq runtu parapas taniramunqa, chaynapim yachanki kay pachaqa Tay-ta Diosllapa kasqanta.

Éxodo 9:33

Chaymantam Faraonpa ñawpaqninmanta llaqtapa hawa lawninman Moisés lloqsirqa, hinaspam brazonta kicharispa Tayta Diosta mañakurqa. Chayraqmi chay rayokunapas llipyawan runtu parapas taniramurqa, manañam mastaqa paramurqachu.

Proverbios 28:1

Mana allin runaqa mana pipa qatisqallanmi ayqen, allin ruwaq runam ichaqa león hina hawka kawsakunqa.

Mateo 4:2

Chaypim tawa chunka punchaw tawa chunka tuta mana mikusqa karqa, chaymantam yarqarachikurqa.

Marcos 1:13

Chaypim purun animalkunapa kasqanpi tawa chunka punchaw kamurqa, hinaspam Satanaspa tentasqan karqa; angelkunañataqmi Jesusta servirqaku.

Lucas 4:2

Chaypim tawa chunka punchaw kamurqa, hinaptinmi diabloñataq tentarqa. Jesusqa manam chay punchawkunapiqa imatapas mikurqachu, chayraykum yarqarachikurqa.

Deuteronomio 10:10

Punta risqaypi hinam qepa riyniypipas orqopi tawa chunka punchaw hinaspa tawa chunka tuta kamurqani. Chaypipas Tayta Diosqa uyariykuwaspanmi manaña wañuchisurqankichikchu.

Deuteronomio 5:31

Qanmi ichaqa ñoqawan qepanki kamachikuyniykunata, yachachikuyniykunata chaynataq reglamentoykunata qoptiy yachachinaykipaq, chaynapi yachanankupaq qosqay allpapi ruwayman churanankupaq”, nispa.

Deuteronomio 9:18

Chaymantam Tayta Diospa qayllanpi qonqorakuykurqani, hinaspam ñawpaqta hina tawa chunka punchaw hinaspa tawa chunka tuta mana mikurqanichu nitaq yakutapas tomarqanichu. Chaynatam Tayta Diospa contranpi huchallikuspa piñachisqaykichikmanta ruwarqani.

Deuteronomio 9:25

Wañuchisunaykichikpaq Tayta Dios rimasqanraykum paypa qayllanpi tawa chunka punchaw hinaspa tawa chunka tutan qonqorakuykurqani.

Deuteronomio 9:9

Ñoqam orqoman qespirqani tabla rumikunata chaskiq. Rirqaniqa qamkunawan Tayta Diospa pacto ruwasqan tabla rumikuna chaskiqmi. Chay orqopim tawa chunka punchaw hinaspa tawa chunka tuta kamurqani, mana mikuspa nitaq yakutapas tomaspa.