Éxodo 24:12 - CHUYA QELLQA La Biblia en Quechua de Ayacucho 2012

¹² Moisestam Tayta Dios nirqa: Ñoqapa kasqay orqoman qespimuy hinaspa chaypi suyaway, tabla rumikunapi qellqasqay yachachikuytawan kamachikuykunatam qanman qosqayki, chaynapi runakunaman yacha-chinaykipaq, nispa.

Quechua Ayacucho Bible 1987

¹² Tayta Diosmi Moisesta nirqa: —Seqamuy ñoqapa kasqay orqoman hinaspa chaypi suyaway, tabla rumikunapi qellqasqay yachachikuytawan kamachikuytam qanman qosqayki chaynapi runakunaman yachachinaykipaq —nispa.

Chuya Qellqa 1992

¹² Moisestam Tayta Dios nirqa: Ñoqapa kasqay orqoman qespimuy hinaspa chaypi suyaway, tabla rumikunapi qellqasqay yachachikuytawan kamachikuykunatam qanman qosqayki, chaynapi runakunaman yachachinaykipaq, nispa.

Éxodo 24:12 Iomraidhean Croise

1~Reyes 19:11

Chaymi Tayta Dios nirqa: Hawaman lloqsispa orqoman qespiy hinaspa ñoqapa qayllaypi sayay, nispa. Tayta Dios pasaptinmi, huk sinchi wayrapas orqokunata tuñichispa rumikunata ñutururqa, Tayta Diosmi ichaqa mana chay wayrapichu karqa. Wayra pasaruptinñataqmi terremoto karqa, Tayta Diosmi ichaqa mana chay terremotopichu karqa.

Esdras 7:10

Esdrasmi sonqonta kicharirqa Tayta Diospa kamachikuyninta sumaqta yachananpaq, ruwayman churananpaq hinaspa Israelpa mirayninkunaman yachachinanpaq.

Nehemías 9:13

Sinaí orqopa hawanmanmi uraykamurqanki, hanaq pachamantam paykunata rimapayamurqanki, reglamentoykikunatawan yachachikuynikikunatam qorqanki, estatutoykikunatawan allin kamachikuykunatam qorqanki.

Nehemías 9:14

Samana punchawnikita sapaqchanankupaqmi kamachirqanki, serviqniki Moisesnintakamam kamachikuykunata, decretokunata hinaspa yachachikuykunata qorqanki.

Éxodo 19:3

Chaypi kasqanmantam Moisés seqarqa Dioswan tupamunanpaq, hinaptinmi orqomanta Tayta Dios qayamuspan nirqa: Kaynatam Jacobpa castankunata otaq Israelpa mirayninkunata ninki:

Éxodo 24:15

Orqoman Moisés qespiruptinmi orqota puyu tapaykurqa.

Éxodo 24:18

Chaymi puyu ukuman yaykuspa orqoman Moisés qespirqa. Hinaspam chay orqopi tawa chunka punchaw tawa chunka tuta kamurqa.

Éxodo 24:2

Qamllam ñoqamanqa asuykamuwanki, pusamusqayki runakunaqa amam asuykamuwanqakuchu amataqmi runakunapas qanwanqa seqamunqachu, nispa.

Éxodo 31:18

Sinaí orqopi Tayta Dios rimayta tukuruspanmi Moisesman iskay tabla rumikunapi chunkantin kamachikuyta qoykurqa, chaykunaqa Diospa dedonwan qellqasqam karqa.

Éxodo 32:1

Orqoman risqanmanta Moisés manaña rikurimuptinmi, Aaronman asuykuspanku llapa runakuna kaynata nirqaku: Pusawanankupaq dioskunata ruwapuwayku, Egipto nacionmanta hurqomuwaqniyku Moisestaqa imachá pasarun, manam yachanchikchu, nispanku.

Éxodo 34:1

Moisestam Tayta Dios nirqa: Iskay tabla rumikunata labray punta kaqkunata hina, ñuturusqayki tabla rumikunapi qellqatam musoqmanta qellqasaq.

Jeremías 31:33

Israelpa mirayninkunawan chay punchawkunapi pacto ruwasqayqa kaynam kanqa: Kamachikuyniytam sonqonkupi churasaq, yuyayninkupim qellqasaq. Ñoqam Diosninku kasaq, paykunañataqmi llaqtay kanqaku. Ñoqa tayta Diosmi chaynata nini.

Mateo 5:19

Chaynaqa, pipas kay kamachikuykunamanta taksallantapas mana kasukuqqa hinaspa runamasintapas kasukunanpaq mana yachachiqqa, Diospa munaychakuyninpim taksallapaq hapisqa kanqa. Pipas kasukuspa chaynataq runamasintapas kasukuyta yachachiqmi ichaqa, Diospa munaychakuyninpipas hatunpaq hapisqa kanqa.

2~Corintios 3:3

Qamkunaqa kankichik Cristopa cartasqan hinam, ñoqaykuñataqmi chay carta apaqkuna kaniku. Chay cartaqa manam tintawan qellqasqachu, aswanqa kawsaq Diospa Espiritunwanmi, qellqasqaqa kachkan manam rumi labrasqapichu aswanqa runapa sonqonpim.

2~Corintios 3:7

Diospa leyninqa palta rumipi qellqasqa kachkaspapas ancha atiyniyuqmi karqa, chaymi Moisesman qosqa kaptin, Israel runakunaqa Moisespa uyan sinchita achkirisqanrayku mana qawaytapas atirqakuchu. Chay leyqa atiyniyuq kachkaspapas chinkaruqllam karqa.

Deuteronomio 4:14

Ñoqatapas Tayta Diosmi kamachiwarqa qamkunaman kay kamachikuykunata hinaspa yachachikuykunata yachachinaypaq, chaynapi maymi yachanaykichik allpapi ruwayman churanaykichikpaq.

Deuteronomio 5:22

Kay kamachikuykunatam lenwachkaq nina ukumanta chaynataq tutayaq puyu ukunmanta Tayta Dios hatunmanta rimarirqa, orqopa ñawpaqnin pampapi huñunasqa kachkaptikichik. Chaymantam iskay tabla rumikunapi qellqaspan ñoqaman qowarqa.

Deuteronomio 5:31

Qanmi ichaqa ñoqawan qepanki kamachikuyniykunata, yachachikuyniykunata chaynataq reglamentoykunata qoptiy yachachinaykipaq, chaynapi yachanankupaq qosqay allpapi ruwayman churanankupaq”, nispa.

Hebreos 9:4

Chaypim karqa incienso kañana qorimanta altar, chaypitaqmi karqa qoriwan llusisqa pacto Arcapas. Arcapa ukunpiñataqmi karqa qori mankapi “maná” sutiyuq mikuy, Aaronpa iklliruq tawnan chaynataq chunkantin kamachikuy qellqasqa iskay tabla rumikunapas.