Éxodo 24:1 - CHUYA QELLQA La Biblia en Quechua de Ayacucho 2012

¹ Moisestam Tayta Dios nirqa: Ñoqapa kasqayman qespimuspayki Aaronta, Nadabta, Abiuta hinaspa Israel castakunamanta qanchis chunka ancianokunata pusamuy; paykunaqa ñoqamanta karullapim qonqorakunqaku.

Quechua Ayacucho Bible 1987

¹ Moisestam Tayta Dios nirqa: —Ñoqapa kasqayman hamuspaykiyá pusamuy Aaronta, Nadabta, Abiuta hinaspa Israel casta qanchis chunka ancianokunata, paykunaqa karullapim qonqorakunqaku.

Chuya Qellqa 1992

¹ Moisestam Tayta Dios nirqa: Ñoqapa kasqayman qespimuspayki Aaronta, Nadabta, Abiuta hinaspa Israel castakunamanta qanchis chunka ancianokunata pusamuy; paykunaqa ñoqamanta karullapim qonqorakunqaku.

Éxodo 24:1 Iomraidhean Croise

1~Crónicas 6:3

Amrampa churinkunam karqa: Aarón, Moisés hinaspa María. Aaronpa churinkunam karqa: Nadab, Abiú, Eleazar hinaspa Itamar.

Éxodo 1:5

Jacobpa llapallan mirayninkunaqa qanchis chunkam karqaku. Joseymi ichaqa Egipto nacionpiña kachkarqa.

Éxodo 19:20

Tayta Diosmi Sinaí orqoman uraykamurqa, hinaspam Moisesta chayman rinanpaq qayamurqa, chaymi Moisés seqarqa.

Éxodo 19:24

Hinaptinmi Moisesta Tayta Dios nirqa: Uraykuy hinaspa Aaronwan seqamuychik, sacerdotekunawan runakunam ichaqa ama orqopa muyuriqninpi señal churamusqaykita pasamunqakuchu, chay señaltaqa ñoqapa kasqayman ama seqamunankupaqmi churarqanki, pasaramuptinkuqa yanqañataqmi paykunatapas wañurachiyman, nispa.

Éxodo 19:9

Chaymi Moisesta Tayta Dios nirqa: Ñoqam qanwan rimanaypaq yanay-yanay puyupi hamusaq, chaynapi runakuna uyarispanku tukuy tiempo qampi hapipakunankupaq, nispa. Moisesñataqmi runakunapa nisqanta Tayta Diosman willarqa.

Éxodo 20:21

Runakuna karullapi sayanankukamam Moisesñataq Diospa kasqan yana puyu ukuman asuykurqa.

Éxodo 24:15

Orqoman Moisés qespiruptinmi orqota puyu tapaykurqa.

Éxodo 24:2

Qamllam ñoqamanqa asuykamuwanki, pusamusqayki runakunaqa amam asuykamuwanqakuchu amataqmi runakunapas qanwanqa seqamunqachu, nispa.

Éxodo 24:9

Moiseswan kuskam seqarqaku Aarón, Nadab, Abiú hinaspa Israel miraykunamanta qanchis chunka ancianokunapas;

Éxodo 28:1

Israelpa mirayninkunamanta akllaspa Aarontawan churinkunata ñawpaqnikiman qayay, chaynapi Aaronwan churinkuna: Nadab, Abiú, Eleazar hinaspa Itamar sacerdoteykuna kanankupaq.

Éxodo 3:5

Chaymi Dios nirqa: Ama asuykamuwaychu, usutaykita hurqokuy, sarusqayki allpaqa ñoqapaq sapaqchasqam, nispa.

Éxodo 34:2

Paqarinpaq alistakuy, paqarinmi Sinaí orqopa puntanman seqanki, chaypim ñoqawan tupasunchik.

Éxodo 6:23

Aaronmi casarakurqa Aminadabpa churin hinaspa Naasonpa panin Elisabetwan. Paymi wachakurqa Nadabta, Abiuta, Eleazarta hinaspa Itamarta.

Ezequiel 8:11

Chay-kunapa ñawpaqninpim Israelpa mirayninmanta qanchis chunka ancianokuna kachkasqaku, paykunawantaqmi Safanpa churin Jaazaniaspas kachkasqa; pay-kunaqa sapakamam incienso qontichinayuqkama kachkasqaku, hinaptinmi miskillaña asnariq inciensopa qosnin altoman hoqarikuchkasqa.

Números 11:16

Chaymi Moisesta Tayta Dios nirqa: Israelpa mirayninkunamanta reqsisqayki qanchis chunka ancianokunata otaq paykunapi kamachikuqkunata huñumuway hinaspa asuykamuwanaykichik carpapa punkunman pusamuptiki qanwan kuska suyachunku.

Lucas 10:1

Kaykunapa qepantam, Señorqa qanchis chunka iskayniyuqta akllarqa, paykunatam maymi rinan llaqtakunaman iska-iskaytakama ñawpachirqa.

Lucas 10:17

Chay qanchis chunka iskayniyuq runakuna kachasqanmi kusisqallaña kutiramuspanku willakurqaku: ¡Señorllayku, demoniokunapas sutikipiqa kasuwankum! nispanku.

Deuteronomio 1:15

Chaymi sapa ayllumanta allin yachayniyuq chaynataq allin experienciayuq runakunata akllarqani, hinaspaymi kamachiqnikichik kananpaq churarqani, chaynapi waranqa runakunata, pachak runakunata, pichqa chunka runakunata, chunka runakunata kamachinankupaq. Wakintañataqmi sapa aylluta kamachinanpaq churarqani.