Éxodo 23:8 - CHUYA QELLQA La Biblia en Quechua de Ayacucho 2012

⁸ Amam sobornotaqa chaskikunkichu, sobornotaqa allin ruwaqkunatapas pantachinmi, allin ruwaq runakunapa cheqap rimasqantapas qewirunmi.

Quechua Ayacucho Bible 1987

⁸ —Amam chaskinkichu mana allin ruranaykipaq regalotaqa, chay regalokunaqa allin ruraqkunatapas pantachinmi, allin ruraq runakunapa cheqap rimasqantapas muyuchinmi.

Chuya Qellqa 1992

⁸ Amam sayniyutaqa chaskikunkichu, sayniyuqa allin ruwaqkunatapas pantachinmi, allin ruwaq runakunapa cheqap rimasqantapas qewirunmi.

Éxodo 23:8 Iomraidhean Croise

Proverbios 15:27

Apuyayllata maskaq runaqa wasintam tuñichin, sobornachikuyta cheqniqmi ichaqa kawsakunqa.

Proverbios 17:23

Mana allin ruwaq runaqa allin arreglota qewinanpaqmi pakasqallapi sobornachikun.

Proverbios 17:8

Sobornoman amañasqa runapaqqa soborno chaskiypas hampi hinaraqmi, chayna runaqa mayman risqanpipas allinraqmi lloqsin.

Proverbios 19:4

Apu runapaqqa achkallañam amigonkunapas, wakcha runamantam ichaqa amigonkunapas karunchakunku.

Eclesiastés 7:7

Yachayniyuq runa pitapas ñakarichispanqa mana yachayniyuq hinam ruwachkan, sobornota chaskiq runaqa sonqontam mana allinman tikrachkan.

Isaías 1:13

Mana valeq ofrendakunataqa amaña apamuwaychikchu, chay ofrendakunapa qosnintapas millakuruniñam. Musoq killakunapi, samana punchawkunapi fiestakunapaq huñunakuynikichiktapas manam munaniñachu. Huchallikuq runakunapa fiestankunataqa amiruniñam.

Isaías 1:23

Kamachiqnikikunapas pasaypaq mana kasukuqkunam, suwakunamanpas sayapakuqkunam. Llapallankum qollqewan rantichikunku, imapas chaskiruyllatam paykunaqa maskanku. Mana piniyuqkunatapas manam nanachikunkuchu, viudakunapa quejantapas manam allichankuchu.

Isaías 33:15

Isaiasñataqmi nirqa: Allinkunata ruwaspa cheqap rimaqmi, engañowan qollqe ganayta mana munaqmi, sobornota mana chaskikuy munaqmi, runa wañuchiqkunapa consejasqanta mana uyariqmi, mana allinkunata mana qawaq munaqmi,

Isaías 5:22

¡Ay, imaynaraq kanqaku vino upyanankupaq qari tukuqkuna, machachikuq vino chaqruypi mana vencechikuqkuna!

Isaías 5:23

Qamkunaqa qollqeta chaskikuykuspam mana allin ruwaq runata mana huchayuqta hina kachaykunkichik, inocente runamantañataqmi mana imapas qokusunkichikchu.

Ezequiel 22:12

Runamasinkuta wañuchinankupaqmi qollqeta chaskikunku. Qollqetapas mirayniyuqllapaqmi prestanku; runamasinkutam ñakarichinku; tukuy chaykunata ruwaspankum qonqaruwanku. Ñoqa Tayta Diosmi chaynata nini.

Oseas 4:18

Upyanankupaq trago tukuruptinpas chuchumika warmikunawanmi qachakunku, kamachiqninkupas millakuypaq kaqkunatam kuyarunku.

Amós 5:12

Yachanim millakuypaq huchaykichikkunatawan mana kasukuspa tukuy mana allin ruwasqaykichikkunatapas, yachanitaqmi allin kawsakuq runata ñakarichispa Juezpa ñawpaqninpi wakchakunata juiciopi pierdechinaykichikpaq qollqe chaskikusqaykichiktapas.

Miqueas 7:3

Mana allin ruwaymanmi amañarunku, kamachikuqkunapas pagotam mañakunku, juezkunapas sobornotam chaskikunku, atiyniyuqkuna munasqanta rimaptinkum “allinmi” nispa sayapakunku.

Deuteronomio 10:17

Señornikichik Tayta Diosqa dioskunapapas Diosninmi, señorkunapapas Señorninmi, Payqa hatun munayniyuqmi, Tukuy Atiyniyuqmi, kasukuna Diosmi. Manam pimanpas sayapakunchu nitaqmi sobornotapas chaskikunchu,

Deuteronomio 16:19

Allin arreglo ruwaytaqa amam qewirunkichikchu. Wakin runakunallamanqa amataqmi imaraykupas sayapakunkichikchu. Juez kaspaykichikqa amam sobornotaqa chaskikunkichikchu. Sobornoqa yachayniyuqkunatapas ñawsayachinmi, pantachintaqmi allin ruwaqkunapa rimaynintapas.

1~Samuel 12:3

Ñawpaqnikichikpim kachkani, sichum pipa bueyesnintapas, asnontapas hapikuykuptiyqa, pitapas ñakarichiptiyqa, yanqapas-yanqa llakichiptiyqa otaq yanqamanta imatapas chaskikuykuspa upallakuykuptiyqa, kunanyá Tayta Diospa qayllanpi chaynataq reynikichikpa qayllanpi niwaychik. Chayna kaptinqa imam debekusqaytam pagapusqaykichik, nispa.

1~Samuel 8:3

Ichaqa manam taytanku Samuel hinachu allinta ruwarqaku, aswanqa apuyayta kuyaruspankum sobornota chaskikuqku, ima sasachakuytapas mana kaqninpim allichaqku.