Éxodo 23:31 - CHUYA QELLQA La Biblia en Quechua de Ayacucho 2012

³¹ Qanman qosqay nacionpa linderonmi kanqa Puka lamar qochamanta qallarispa filisteokunapa lamar qochankama chaynataq chunniqmanta qallarispa Eufrates mayukama. Chay nacionpi runakunatam makikiman churani qayllaykimanta wischunaykichikpaq.

Quechua Ayacucho Bible 1987

³¹ Qanman qosqay nacionpa linderonmi kanqa Puka Lamar Qochamanta qallarispa Filistea Runakunapa Lamar Qochankama chaynataq chunniqmanta qallarispa Eufrates Mayukama. Chay lawkunapi *f**yachaqkunataqa qamkunamanmi qosqaykichik wischunaykichikpaq.

Chuya Qellqa 1992

³¹ Qanman qosqay nacionpa linderonmi kanqa Puka lamar qochamanta qallarispa filisteokunapa lamar qochankama chaynataq chunniqmanta qallarispa Eufrates mayukama. Chay nacionpi runakunatam makikiman churani qayllaykimanta wischunaykichikpaq.

Éxodo 23:31 Iomraidhean Croise

Génesis 15:18

Diosmi Abramwan chay punchaw huk pactota ruwaspan nirqa: Miraynikikunamanmi kay allpata qosaq, Egipto mayumanta Eufrates hatun mayukama.

1~Reyes 11:2

Chay nacionniyuq runakunamantam Israelpa mirayninkunata Tayta Dios nirqa: Amam paykunawanqa hukllawa-kunkichikchu nitaqmi paykunapas qamkunawanqa casarakunqakuchu, yanqañataq diosninkuna qatiqtaña ruwarusunkichikman, nispa. Salomonmi ichaqa chay warmikunaman hukllawakururqa.

1~Reyes 20:13

Ichaqa Israel nacionpa reynin Acabmanmi huk profeta asuykuspan nirqa: Tayta Diosmi kaynata nin: ¿Rikuch-kankichum kay nana-nanaq runakunata? Kunanmi makikiman churasaq Tayta Dios kasqayta yachanaykipaq, nispa.

1~Reyes 4:21

Salomonmi munaychakurqa Eufrates mayumanta qallaykuspa Filistea nacionkama hinaspa Egipto nacionwan tupanakuqkama. Paykunam impuestota pagaspanku rey Salomonta wañukunankama servirqaku.

1~Reyes 4:24

Salomonmi munaychakurqa Eufrates mayupa intipa seqaykunan lawpi Tifsa llaqtamanta Gaza llaqtakama. Chay llaqtakunapa reyninkunapim munaychakurqa, chaynapim muyuriqninpi kaq nacionkunawan hawkayaypi yacharqaku.

1~Reyes 8:65

Chay punchawpim rey Salomón llapallan Israelpa mirayninkunawan Tayta Diospa qayllanpi qanchis punchawpuni hatun fiestata ruwarqaku, hinaspam qanchis punchawtawanraq ruwarqaku. Chaynapim chunka tawayuq punchaw hatun fiestata ruwarqaku. Chaypaqmi Israelpa mirayninkuna hamurqaku Hamat llaqtaman yaykuna qasamanta qallaykuspa Egipto wayqokama.

2~Crónicas 9:26

Pay-mi munaychakurqa llapallan reykunapa hawanpi, Eufrates mayumanta qallaykuspa filisteokunapa nacionninkama hinaspa Egipto nacionpa linderonkama.

Números 21:34

Hinaptinmi Moisesta Tayta Dios nirqa: Ama manchakuychu, chay reytaqa runantinkunatam qanman qoykusqayki. Hesbón llaqtapi yachaq amorreokunapa reynin Sehonta hinam rey Ogtapas ruwanki, nispa.

Deuteronomio 1:7

Chaynaqa, muyurispa riychik amorreokunapa yachanan orqokunaman, Arabá lawkunaman, orqokunaman, qechwakunaman, Neguev lawman, lamar qocha lawman, cananeokunapa yachanan lawman, Líbano lawman hinaspa Eufrates hatun mayuman chayanaykichikkama.

Deuteronomio 1:8

Ñoqam qoykichik chay allpata, chaynapi yaykuptikichik qamkunapaña kananpaq. Ñoqa Tayta Diosmi chay allpata ñawpaq taytaykichik Abrahamman, Isaacman, Jacobman chaynataq mirayninkunaman qonaypaq juraspay prometekurqani”, nispa.

Deuteronomio 11:24

Maymi sarusqaykichik allpam qamkunapa kanqa, chunniqmanta qallarispa Líbano orqokama chaynataq Eufrates mayumanta qallarispa intipa seqaykunan lawpi lamar qochakama.

Deuteronomio 2:33

Ichaqa Señorninchik Tayta Diosmi qoykuwarqanchik, chaymi payta, churinkunata hinaspa tropankunatapas vencerurqanchik.

Deuteronomio 2:36

Arnón mayu patanpi Aroer llaqtamanta chaynataq wayqopi kaq llaqtamanta Galaad lawpi llaqtakunakamam mayqan llaqtapas mana imanayta atiwarqanchikchu, Señorninchik Tayta Diosmi llapallanta munaychakunanchikpaq qoykuwarqanchik.

Deuteronomio 20:16

Señornikichik Tayta Diospa qosusqaykichik llaqtakunapim ichaqa llapa-llan runakunata wañuchinkichik.

Deuteronomio 3:2

Hinaptinmi Tayta Dios niwarqa: “Ama manchakuychu, paytaqa llapallan tropantawan hinaspa allpantawanmi qosqayki. Hesbón llaqtapi yachaq amorreokunapa reynin Sehonta hinam ruwanki”, nispa.

Deuteronomio 6:19

chaynapi prometewasqanchikman hina enemigoykichikkunatapas qayllaykichikmanta Tayta Dios qarqonanpaq.

Deuteronomio 9:3

Kaytayá yachaychik: Señornikichik Tayta Diosmi ñawpaqnikichikta rinqa. Payqa ratachkaq nina hina rispanmi chay nacionniyuq runakunata wañuchispan qayllaykichikpi penqayman churanqa. Qamkunañataqmi Tayta Diospa nisqanpi hina qarqoruspa chaylla chinkachinkichik.

Josué 1:4

Allpaykichikmi kanqa sur lawpi chunniqmanta qallarispa norte lawman Líbano lawpi orqonkunakama, intipa qespimunan lawpi hatun Eufrates mayumanta qallarispa intipa seqaykunan lawpi Mediterráneo lamar qochakama. Qoykichiktaqmi Het castakunapa allpantapas.

Josué 10:19

Qamkunaqa ama samaykuspa enemigoykichikta utqayman qatiychik, ama llaqtankuman kutinankuta saqeychikchu. Paykunataqa Tayta Diosmi makikichikman churaykun, nispa.

Josué 10:8

Hinaptinmi Josueyta Tayta Dios nirqa: Ama manchakuychu, paykunataqa ñoqam makikiman churasaq. Manam mayqanninpas qanwan peleaytaqa atinqakuchu, nispa.

Josué 13:6

Israelpa mirayninkunapa qayllanmantam orqokunapi yachaqkunata wischusaq, Libanomanta qallaykuspa Misrefot-maim lawkama. Wischusaqtaqmi Sidón llaqtayuq runakunatapas. Qamñataqmi kamachisqayman hina, Israelpa mirayninkunaman allpata qonki paykunapaña kananpaq.

Josué 2:24

Paykunam Josueyman kaynata nirqaku: Tayta Diosmi lliw allpata qoykuwanchik. Llapa runakunapas ñoqanchikraykum manchakuymanta katkatatachkanku, nispanku.

Josué 21:44

Tayta Diosmi paykunaman hawkayayta qoykurqa, imaynam ñawpaq taytankuman prometesqanman hina, Tayta Dios paykunata yanapasqanraykum enemigonkunapas mana ima ruwaytapas atirqakuchu.

Josué 23:14

Ñoqaqa wañukusaqñam. Chaynaqa, tukuy sonqoykichikwan chaynataq tukuy vidaykichikwanyá yachaychik, Señorninchik Tayta Diosqa lliw pro-metesusqaykichiktam cumplirun, prometekusqankunaqa manam chullallapas mana cumplisqaqa karqachu.

Josué 24:11

Chaymantam Jordán mayuta chimpamuspa Jericó llaqtaman chayamurqankichik. Hinaptinmi chay llaqtapi yachaq amorreokuna, ferezeokuna, cananeokuna, heteokuna, gergeseokuna, heveokuna chaynataq jebuseokunapas qamkunawan pelearqaku. Ñoqam ichaqa paykunata makikichikman churarqani.

Josué 24:12

Ñawpaqnikichiktam wayliskunata kacharqani, hinaptinmi qayllaykichikmanta amorreokunapa iskaynin reyninkuta qarqorqaku. Chaynaqa, manam espadaykichikwanchu nitaqmi flechaykichikwanchu paykunataqa qarqorqankichik.

Josué 24:18

Tayta Diosmi llapa llaqtakunata chaynataq amorreokunatapas qayllanchikmanta qarqorqa. Chayraykum ñoqaykuqa Tayta Diosllata servisaqku. Payllam ñoqaykupa Diosniykuqa, nispanku.

Josué 24:8

Chaymantam Jordán mayupa wak-lawninpi yachaq amorreokunapa allpanman pusarqaykichik. Paykunam qamkunapa contraykichikpi pelearqaku, ichaqa ñoqam vencechirqaykichik, chaymi allpankutapas hapikuykurqankichik. Qayllaykichikmantam paykunata chinkachirqani.

Josué 8:18

Hinaptinmi Josueyta Tayta Dios nirqa: Lanzaykita Hai lawman hoqariy, kunanmi llaqtata qosqayki, nispa. Chaymi Josué makinpi lanzata chay llaqta lawman hoqarirqa.

Josué 8:7

Qamkunañataqmi pakakusqaykichikmanta lloqsiramuspa llaqtaman yaykurunkichik, Diosninchik-mi makikichikman churamunqa.

Josué 9:7

Israelpa mirayninkunam ichaqa chay heveokunata nirqaku: Ichapas qamkunaqa hichpallaykupi yachaqkunapas kachkankichik, ¿imaynataq qamkunawan contratota ruwaymanku? nispanku.

Jueces 1:4

Ceneokunapa chaynataq ferezeokunapa allpanman Judá ayllukuna yaykuruptinkum, Tayta Dios paykunaman cananeokunapa chaynataq ferezeokunapa allpanta qoykurqa, chaynapim chunka waranqa runakunata Bezec lawpi vencerurqaku.

Jueces 11:21

Ichaqa Israelpa Diosninmi, rey Sehonta llapallan runankunatawan Israel miraykunaman qoykurqa, hinaptinmi paykunata wañurachispanku chay nacionpi yachaq llapallan amorreokunapa allpanta hapikuykurqaku.

1~Samuel 23:4

Chaymi huktawan Tayta Diosta David tapurqa. Tayta Diosñataqmi nirqa: “Keila llaqtaman riy, filisteokunataqa ñoqam makikiman churasaq, nispa”.