Éxodo 23:25 - CHUYA QELLQA La Biblia en Quechua de Ayacucho 2012

²⁵ Ñoqa Tayta Diosllatam yupaychawankichikqa, hinaptinmi mikunaykitawan yaku tomanaykita bendecisaq. Onqoykunatapas ñoqam qanmanta wischusaq.

Quechua Ayacucho Bible 1987

²⁵ Yupaychasqaykichik ñoqa Tayta Diosllatam adorawankichikqa hinaptinmi bendecisaq mikunaykitawan tomanaykita, ñoqataqmi qamkunamantaqa onqoykunatapas wischusaq.

Chuya Qellqa 1992

²⁵ Ñoqa Tayta Diosllatam yupaychawankichikqa, hinaptinmi mikunaykitawan yaku tomanaykita bendecisaq. Onqoykunatapas ñoqam qanmanta wischusaq.

Éxodo 23:25 Iomraidhean Croise

Éxodo 15:26

Tayta Diosmi nirqa: Ñoqaqa Tayta Diosmi kani, sichu ñawpaqniypi allin kaqkunata ruwaspa kamachikuyniykunata uyariptikiqa chaynataq decretoykunatapas kasukuptikiqa, Egipto runakunaman apachisqay mayqannin onqoykunatapas manam apachimusqaykichu. Ñoqaqa hampiqniki Diosmi kani, nispa.

Eclesiastés 5:20

Diospuni kusichisqanraykum, runaqa imaynam kawsananmantapas mana imapas qokunchu.

Isaías 33:16

allin waqaychasqa kawsakunqa, yachananpas qaqay-qaqay sunim kanqa; mikunanpas manam tukunqachu, yaku tomananpas manam pisinqachu, nispa.

Isaías 33:24

Sión llaqtapi yachaqkuna, manañam mayqannikichikpas ninkichikñachu: “Onqochkanim” nispaqa. Diosmi chaypi yachaqkunapa huchanta pampachanqa.

Jeremías 8:2

Chay tullukunam intiman, kullaman, chaynataq chaskakunamanpas machqepasqa kanqa; chaykunatam paykuna kuyarqaku, servirqaku, qatirqaku, tapukurqaku hinaspa hatuncharqaku. Chay tullukunataqa manam pipas huñunqachu nitaq pampanqachu, wanu hinañam allpa hawanpi qepanqa.

Daniel 1:15

Chunka punchaw pasaruptinmi chay jovenkunapa rikchayninqa aswan allinraq karqa reypa mikunan mikuq wakin jovenkunapa rikchayninmantapas.

Levítico 11:44

Ñoqa Tayta Diosmi Diosnikichik kani. Ñoqa chuya kasqayraykuyá qamkunapas sapaqchakuspa chuyanchakuychik. Amayá pampan puriq animalkunata llapchaspaqa millakuypaqta ruwakuychikchu.

Levítico 26:3

Kamachikuyniykunatawan yachachi-kuyniykunata kasukuptikichikqa,

Malaquías 3:10

Chaynaqa, llapa diezmokunata temployman apamuychik, wasiypi mikuy ama pisinanpaq. Chaywan pruebaykuwaychik, manachus cielokunapa ventananta kichaykuspay bendicionniyta llimparinankama chaqchurimusqaykichik.

Mateo 4:10

Jesusñataqmi nirqa: ¡Kaymanta anchuriy Satanás! Qellqasqam kachkan: “Señor Diosllaykitam hatunchanki, payllatataqmi servinkipas”, nispa.

Deuteronomio 10:12

Israelpa mirayninkuna, ¿imatataq Señornikichik Tayta Dios qamkunamanta munan? Payqa munan kasukuspaykichik munasqanman hina kawsanaykichiktam, tukuy sonqoykichikwan chaynataq tukuy vidaykichikwan kuyaspa yupaychanaykichiktam.

Deuteronomio 10:20

Señornikichik Tayta Diosta kasukuspa payllata yupaychaychik, payllata qatiychik, paypa sutillanpi juraychik.

Deuteronomio 13:4

Señornikichik Tayta Diosta qatispa payllata kasukuychik. Kamachikuyninkunata ruwayman churaychik, nisqankunata kasukuspa payllata yupaychaychik, payllata servispa ama haykapipas qepanchaychikchu.

Deuteronomio 6:13

Señornikichik Tayta Diostam kasukuspa servinkichik, paypa sutillanpitaqmi jurankichikpas.

Deuteronomio 7:13

Payqa kuyasuspaykichikmi bendecisunkichik hinaspam mirachisunkichik. Bendecinqataqmi wawa-churikichiktapas, allpaykichikpa ruruntapas, trigoykichiktapas, vinoykichiktapas, aceitekichiktapas, vacaykichikpa hinaspa ovejaykichikpa uñankunatapas. Chaynataqa ruwanqa ñawpaq taytaykichikman qonanpaq jurasqan allpapim.

Deuteronomio 7:15

Tayta Diosmi qamkunamanta tu-kuy onqoykunata wischunqa, Egipto nacionman kachasqan onqoykunata-pas manam qamkunamanqa chayachimunqachu. Aswanqa llapallan cheqnisuqnikichik runakunatam chay onqoykunawan ñakarichinqa.

Josué 22:5

Ichaqa Tayta Diospa serviqnin Moisespa qosusqaykichik kamachikuykunata hinaspa yachachikuykunata ama qonqaspa kasukuychik. Señornikichik Tayta Diosta kuyaychik, paypa munasqanman hinayá kawsaychik, kamachikuyninkunata waqaychaychik, tukuy sonqoykichikwan chaynataq tukuy almaykichikwan qatispa payta serviychik, nispa.

Josué 24:21

Chaymi Josueyta runakuna nirqaku: Manam, ñoqaykuqa Tayta Diosllatam servikusaqku, nispanku.

Josué 24:24

Chaymi runakunañataq nirqaku: Ñoqaykuqa Señorninchik Tayta Diostam servisaqku hinaspam niwasqaykikuta kasukusaqku, nispanku.

1~Samuel 12:20

Samuelñataqmi nirqa: Amayá manchakuychikchu. Cheqaptam qamkunaqa mana allinta ruwarunkichik, chaywanpas Diosmantaqa amayá karunchakuychikchu, tukuy sonqoykichikwanyá payta serviychik.

1~Samuel 12:24

Kayllatam nikichik: Tayta Diosllata cheqaptapuni tukuy sonqowan serviychik. Amayá qonqaruychikchu qamkunapaq imapas tukuy allinkuna ruwasqantaqa.

1~Samuel 7:3

Chaymi paykunata Samuel nirqa: Sichum tukuy sonqoykichikwan Diosman kutirikuspaykichikqa, wischuychikyá qamkuna ukupi kaq idolokunata chaynallataq Astarot idolokunatapas, hinaspayá cheqap Diosllapaqña kawsaspa payta serviychik, chayna kaptinqa kikinpunim filisteokunamanta librasunkichik, nispa.