Éxodo 23:24 - CHUYA QELLQA La Biblia en Quechua de Ayacucho 2012

²⁴ Paykunapa idolonkunapa ñawpaqninpiqa amam qonqorakunkichu nitaqmi yupaychankichu. Paykunapa ruwasqanta hinaqa amam qatipakunkichu, aswanqa ñutuspaykim lliwta puchukachinki.

Quechua Ayacucho Bible 1987

²⁴ Paykunapa taytacha-mamachanmanqa amam qonqorankichu nitaqmi adorankichu. Paykunapa rurasqanta hinaqa amam qatipakunkichu aswanqa lliwtam puchukachinki hinaspam suytu rumi adorasqankutapas lliwta ñutupanki.

Chuya Qellqa 1992

²⁴ Paykunapa idolonkunapa ñawpaqninpiqa amam qonqorakunkichu nitaqmi yupaychankichu. Paykunapa ruwasqanta hinaqa amam qatipakunkichu, aswanqa ñutuspaykim lliwta puchukachinki.

Éxodo 23:24 Iomraidhean Croise

2~Reyes 17:11

Paykunapa qayllanmanta Tayta Diospa qarqosqan nacionkuna hinam chay capillakunapi inciensota kañarqaku. Tukuy mana allinkunata ruwaspankum Tayta Diosta piñachirqaku.

2~Reyes 17:8

chaynataq qayllankumanta Tayta Diospa wischusqan nacionkunapa costumbrenkunatawan Israel nacionpi reykunapa millay ruwayninkunata hina ruwasqankuraykum.

2~Reyes 18:4

Moqokunapi capillakunata tuñichispanmi yupaychananku idolokunatapas pakiparurqa, Aseraman rikchakuq idolokunatapas ñutuparurqam, Moisespa ruwachisqan broncemanta maqta urutapas ñutuparurqam. Chay punchawkunapim Israelpa mirayninkunaqa inciensota kañapuspanku Nehustán nispa sutichaqku.

2~Reyes 3:2

Payqa Tayta Diospa qayllanpim mana allinkunata ruwarqa. Ichaqa manam taytanpa nitaq mamanpa ruwasqanta hinachu; payqa taytanpa rumimanta ruwasqan Baalpa idolonkunatam wischururqa.

2~Crónicas 14:2

Rey Asaqa Tayta Diosninpa munasqanman hinam ruwarqa.

2~Crónicas 25:14

Edom tropakuna wañuchimusqan-manta kutimuspanmi, Seir runakunapa idolonkunata rey Amasías apamurqa, hinaspam diosninkunapaq hapiykuspan inciensota kañapuspan yupaycharqa.

2~Crónicas 33:2

Payqa Tayta Diospa qayllanpim mana allinkunata ruwarqa. Israelpa mirayninkunapa qayllanmanta Tayta Diospa qarqosqan runakunapa millakuypaq ruwasqankunatam ruwarqa.

2~Crónicas 33:9

Manasesmi Judá nacionpi kaqkunatawan Jerusalenpi yachaqkunata pantayman aparurqa, chaynapi Israelpa mirayninkunapa qayllanmanta Tayta Diospa chinkachisqan runakunamantapas astawanraq millakuypaq kaqkunata ruwanankupaq.

Éxodo 20:3

Amam ñoqamanta sapaq dioskunaqa kapusunkichu.

Éxodo 20:5

Chaykunapa ñawpaqninpiqa amam qonqorakunkichu, amataqmi yupaychankichu. Ñoqa Tayta Diosllam Diosnikiqa kani. Manam munanichu sapaq dioskuna yupaychanaykitaqa, cheqniwaqniy runataqa tayta-mamanmanta qallaykuspam willkanpa willkankama castigasaq.

Éxodo 23:13

Chaynaqa, tukuy nisqaykunatayá kasukuychik. Amam mañakunkichikchu nitaqmi rimankichikpaschu sapaq dioskunapa sutintaqa.

Éxodo 23:32

Paykunawanpas, idolonkuwanpas amam ima contratotapas ruwankichu.

Éxodo 23:33

Amam allpaykipipas yachanqakuchu, yanqañataq idolonkuta yupaychaspayki contraypi huchallikuwaq. Chayqa pantaymanmi aparusunkiman.

Éxodo 32:20

Hinaspam chay qori torillo ruwasqankuta hapiykuspan ninapi kañarurqa, ñutuy-ñutuyta kutaruspanmi yakuman machqeykuspan Israelpa mirayninkunaman tomachirqa.

Ezequiel 16:47

Qampas paykunapa imaynam kawsasqankutam qatipakurqanki, hinaspam millakuypaq ruwasqankuta ruwarqanki, ichaqa chaykunawanpas mana contentaspam paykunamantapas aswan millakuypaq kaqkunataraq ruwarqanki.

Oseas 10:2

Israelpa mirayninkunaqa iskay uya runakunam, chay huchankumantam ñakarinqaku, Tayta Diosmi idolonkutapas ñutunqa, suma-sumaq altarninkunatapas tuñichinqam.

Levítico 18:3

Egipto nacionpi runakunapa ruwas-qankuta hinaqa amam imatapas ruwan-kichikchu. Canaán nacionpi yachaspaykichikpas amam chay llaqtayuq runakunapa ruwas-qankutaqa ruwankichikchu, amataqmi costumbrenman hinaqa kawsankichikchu.

Levítico 26:1

Amam idolokunataqa ruwankichikchu, nitaqmi llaqtayki ukupiqa rumimanta llaqllasqa ima idolotapas sayachinkichikchu. Chaykunapa qayllanpiqa amataqmi qonqorakunkichikchu. Ñoqaqa Tayta Diosmi kani.

Números 25:2

Chay warmikunam diosninkuman ofrecesqanku mikuykunata chay runakunaman mikuchirqaku, chaymi mikuruspanku Moab runakunapa idolonkunataña yupaycharqaku.

Números 33:52

chaypi yachaq runakunata qarqonkichik, rumimanta hinaspa metalkunata chulluchispa ruwasqa llapallan idolokunatapas ñutunkichikmi. Moqokunapi capillankutapas lliwtam purmachinkichik.

Deuteronomio 12:3

Altarninkunatapas tuñichinkichikmi, rumimanta ruwasqa idolonkunatapas ñutunkichikmi, kañankichiktaqmi kullumanta Asera idolokunatapas. Pakipankichiktaqmi idolonkunapa imagenninkunatapas, hinaspam sutintapas chaymanta pasaypaqta chinkachinkichik.

Deuteronomio 7:5

Aswanqa paykunapa altarninkunatam tuñichinkichik, yupaychanankupaq rumimanta ruwasqanku pilarkunatapas pasaypaqtam pakipankichik. Asera idolonkutam ñutunkichik, lliw idolonkunatam kañankichik.