Éxodo 23:23 - CHUYA QELLQA La Biblia en Quechua de Ayacucho 2012

²³ Angelniymi puntaykita rispa amorreokunapa, heteokunapa, ferezeokunapa, cananeokunapa, hititakunapa hinaspa jebuseokunapa kasqanman pusasunki. Paykunataqa ñoqam puchukachisaq.

Quechua Ayacucho Bible 1987

²³ Angelniy pusasuspaykim chayachisunki Amor casta runakunapa, Het casta runakunapa, Ferez casta runakunapa, Canaan casta runakunapa, Hiv casta runakunapa hinaspa Jebus casta runakunapa kasqanman. Paykunataqa ñoqam chinkachisaq.

Chuya Qellqa 1992

²³ Angelniymi puntaykita rispa amorreokunapa, heteokunapa, ferezeokunapa, cananeokunapa, hititakunapa hinaspa jebuseokunapa kasqanman pusasunki. Paykunataqa ñoqam puchukachisaq.

Éxodo 23:23 Iomraidhean Croise

Génesis 24:7

Tayta Diosmi taytaypa wasinmanta, aylluykunapa llaqtanmanta hurqomuwaspan jurawarqa: Kay allpatam miraynikikunaman qosaq, nispa. Paymi angelninta ñawpaqnikita kachanqa, churiypaq warmita wakmanta pusamunaykipaq.

Génesis 34:2

Hamorpa churin Siquemmi Dinata rikururqa, hinaspam mana munakuchkaqta hapiruspan abusarurqa. Hamorqa chaylawpi kamachikuq Hev casta runam karqa.

Éxodo 18:8

Chaypim suegronman Moisés willarqa, Tayta Diosqa Israel runakunarayku Faraonta chaynataq Egipto runakunatapas tukuy ima ruwasqanmanta. Willakurqataqmi hamusqankupi sasachakuykuna pasamusqantapas chaynataq imaynam paykunata Tayta Dios libramusqantapas.

Éxodo 23:20

Ñoam ñawpaqnikita angelniyta kachani, risqaykipi waqaychasunaykipaq chaynapi allichapusqay sitioman chayachisunaykipaq.

Éxodo 3:17

Ñoqam Egipto nacionpi ñakarisqaykichikmanta hurqosqaykichik, cananeo, heteo, amorreo, ferezeo, heveo hinaspa jebuseo ayllukunapa allpanman. Chayqa lliw kawsaykunapa qespinan chaynataq tukuy imapapas kanan allpam”, nispa.

Éxodo 32:2

Chaymi paykunata Aarón nirqa: Warmikichikpa, qari churikichikpa hinaspa warmi churikichikpa qorimanta alhajankunata mañaspa apamuwaychik, nispa.

Isaías 5:13

Chaynaqa, mana yachayniyuq kasqanraykum llaqtayqa huklaw nacionman presochasqa rinqa. Paykunamanta reqsisqa runakunam yarqaymanta wañunqaku, llapallankum yakumanta chakinqaku.

Deuteronomio 9:3

Kaytayá yachaychik: Señornikichik Tayta Diosmi ñawpaqnikichikta rinqa. Payqa ratachkaq nina hina rispanmi chay nacionniyuq runakunata wañuchispan qayllaykichikpi penqayman churanqa. Qamkunañataqmi Tayta Diospa nisqanpi hina qarqoruspa chaylla chinkachinkichik.

Josué 23:9

Tayta Diosmi hatun hinaspa atiyniyuq nacionkunata qayllaykichikmanta qarqorqa.

Josué 5:13

Jericó llaqtapa hichpanpi Josué kachkaspanmi qonqaymanta huk runata espada makiyuq sayachkaqta ñawpaqninpi rikururqa. Chaymi asuykuspan tapurqa: ¿Ñoqayku partechu kanki icha enemigoykumantachu? nispa.

Josué 9:1

Jordán mayupa kaylaw chimpan orqokunapi, pampakunapi chaynallataq hatun lamar qochapa patanmanta qallaykuspa Líbano law orqokunapi yachaq reykunam tukuy chaykunata uyarirurqaku. Paykunam heteokuna, amorreokuna, cananeokuna, ferezeokuna, heveokuna hinaspa jebuseokuna karqaku.