Éxodo 23:21 - CHUYA QELLQA La Biblia en Quechua de Ayacucho 2012

²¹ Paypa nisqanta uyarispa kasukuy hinaspa ama contranpiqa hatariychu; payqa ñoqapa rantiypim kachkan, mana kasukuptikichikqa manam pampachasunkichikchu.

Quechua Ayacucho Bible 1987

²¹ Paypa nisqanta uyarispayá kasukuy, amayá hatariychu paypa contranpiqa, payqariki ñoqapa rantiypim kachkan, mana kasukuq kasqaykichikmantaqa manam payqa pampachasunkichikchu.

Chuya Qellqa 1992

²¹ Paypa nisqanta uyarispa kasukuy hinaspa ama contranpiqa hatariychu; payqa ñoqapa rantiypim kachkan, mana kasukuptikichikqa manam pampachasunkichikchu.

Éxodo 23:21 Iomraidhean Croise

Éxodo 3:14

Chaymi Moisesta Dios nirqa: “Ñoqaqa kani Ñoqam”, chaynaqa Israelpa mirayninkunamanmi ninki: “Ñoqam kani” niqmi qamkunaman kachamuwan, nispa.

Éxodo 32:34

Chaynaqa, kunan kutispa chay runakunata maymi nisqayman pusay. Angelniymi pusasunki, castiganay punchaw chayamuptinñam paykunataqa huchankumanta castigasaq, nispa.

Éxodo 6:3

Abrahamman, Isaacman hinaspa Jacobmanmi rikurirqani “Tukuy Atiyniyuq Dios” sutiywan reqsichikuspay; “Tayta Dios” sutiypim ichaqa paykunaman manaraq reqsichikurqanichu.

Isaías 42:8

Ñoqam kani Tayta Dios, chaymi sutiy. Hukkuna hatunchanankutaqa manam munanichu, ñoqallatam yupaychawanankuqa, manam idolokunatachu.

Isaías 45:6

Chaynapi llapallanku kay allpa pachapi ñoqalla Dios kasqayta yachanankupaq, manam hukqa kanchu, ñoqallam Tayta Diosqa kani.

Isaías 57:15

Wiña-wiñaypaq kawsakuq Diosmi, hatu-hatun Chuya Diosmi kaynata nin: Ñoqaqa alto-altopim, chuyay-chuyay sitiopim yachani, wanakuspa uchuychakuqkunawanmi yachani, hinaspaymi paykunata kallpanchani.

Isaías 7:14

Chaynaqa, kikin Diosmi señalta qosunkichik: Manaraq qari reqsiq sipasmi wiksayakuruspan qari wawata wachakunqa. Paytam Emanuelwan sutichanqa.

Isaías 9:5

Guerrapi peleaptinku tropakunapa bullallaña ruwaq zapatonkupas, chaynataq yawarwan qachachasqa pachankupas, lliwmi ninawan rupaspa tukurunqa.

Isaías 9:6

Wawam nacerapuwanchik, churitam Tayta Dios qoykuwanchik, munaychakunanpaqmi atiyta qoykun. Paytam sutichanqaku: Admirakuypaq, allin Consejakuq, Tukuy Atiyniyuq Dios, Wiña-Wiñaypaq Yaya, hinaspa Hawkayayta Qokuq, nispa.

Jeremías 23:6

Paypa munaychakusqan punchawkunapim Judá nación salvasqa kanqa, Israel nacionpas hawkam kawsakunqa. Kaynataraqmi sutichanqakupas: “Tayta Diosmi salvaqninchikqa” nispanku.

Jeremías 5:7

Tayta Diosmi kaynata nin: ¿Imaynataq chayta pampachaykiman? Churikikunapas qepanchakuwaspankum idolokunapa sutinpi juranku, saksanankukama mikuchichkaptiypas paykunam ichaqa saqeruwanku, tropanpim chuchumika warmikunapa wasinman kallpanku.

Malaquías 3:1

Tukuy Atiyniyuq Tayta Diosmi kaynata nin: Ñoqamanta willakuqtam ñanta allichapuwananpaq ñawpaqniyta kachamusaq. Hinaptinmi maskasqaykichik Diosqa, templonman qonqayllamanta hamunqa. Ñam chayamuchkanña pactomanta willakuq ancha suyasqaykichik, nispa.

Números 14:11

Hinaptinmi Moisesta Tayta Dios nirqa: ¿Haykapikamataq kay runakuna piñachiwanqa? ¿Haykapikamataq qayllankupi tukuy señalkunata ruwachkaptiypas mana creewanqakuchu?

Números 14:35

Ñoqa Tayta Diosmi nini: Chaynatapunim ruwasaq contraypi huñunakuq mana allin runakunataqa. Kay chunniqpim wañunqaku, kaypitaqmi puchukanqakupas, nispa.

Mateo 1:23

Manaraq qari reqsiq sipasmi wiksayakuspan qari wawata wachakunqa, paytam “Emanuel” nispa sutichanqaku, chayqa “Diosmi ñoqanchikwan” ninanmi.

Mateo 17:5

Pedro rimachkaptinmi kancharichkaq puyuñataq paykunata pampaykurqa, hinaptinmi puyumanta kaynata nimurqa: Paymi kuyasqay Churiy, payraykum kusisqa kachkani. Payta uyariychik, nispa.

Juan 10:30

Taytaywanqa hukllam kaniku.

Juan 10:38

sichum ruwaptiyqa manaña ñoqapi creespaykichikpas ruwasqaykunapiyá creeychik, chaynapim Taytawanqa huklla kasqayta yachankichik.

Juan 5:23

chaynapi Taytata yupaychasqankuta hina Churitapas yupay-chanankupaq. Churita mana yupaychaqqa manam kachamuqnin Taytatapas yupay-chanchu.

Efesios 4:30

Amayá Diospa Chuya Espirituntaqa llakichiychikchu. Paywanmi sellowan hina sellasurqankichik, chaynapi hamuq punchawpi librasunaykichikpaq.

Deuteronomio 18:19

Pipas chay profetapa sutiypi rimasqanta mana kasukuqtaqa cuentatam mañasaq.

Deuteronomio 9:7

Kaytayá yuyariychik: Señornikichik Tayta Diosta chunniqpi piñachisqaykichiktaqa amam haykapipas qonqarunkichikchu. Egipto nacionmanta lloqsimusqaykichikmanta kayman chayamunaykichikkamam Tayta Diostaqa mana kasurqankichikchu.

Colosenses 2:9

Diospa pim kayninqa Cristopa runa kayninpim kachkan.

Hebreos 12:25

Chaynaqa, rimapayasuqnikichiktaqa amayá qepanchakuychikchu. Kay pachapi willakuqkunata mana kasukuqkunapas castigomantaqa manam lluptirqakuchu. Hanaq pachamanta rimamuqta mana kasukuspaqa aswanraqchiki mana lluptichwanchu.

Hebreos 3:16

Diospa rimasqanta uyarichkaspankuqa, ¿pikunataq payta piñachirqaku? Moisespa pusamusqan llapallan runakunam.

Josué 24:19

Hinaptinmi paykunata Josué nirqa: Tayta Diosta serviytaqa manam atiwaqchikchu, payqa Chuya hinaspa celoso Diosmi, manam pampachasunkichikmanchu mana kasukuynikichiktawan huchallikuynikichiktaqa.

1~Juan 5:16

Sichum pipas rikunman wañuyman mana apakuq huchapi iñiqmasin kasqanta, hinaspaqa paypaqmi Diosta mañapunan, sichum chay huchallikusqan wañuyman mana apakuq kaptinqa Diosmi kawsachinqa. Kantaqmi wañuyman apakuq huchapas, chayna huchapi kaqpaqqa manam mañapuychikyá nikichikchu.

Apocalipsis 1:8

Tukuy Atiyniyuq Señor Diosmi nin: “Ñoqam kani Qallariypas Tukupaypas. Ñoqataqmi kani Ñawpaq kaqpas, Kunan kaqpas, Hamuq kaqpas”, nispa.

Apocalipsis 2:23

Wawankutapas wañurachip-tiymi llapallan iglesiakuna yachanqaku yuyaymanayninkutapas chaynataq son-qonkutapas reqsiq kasqayta, sapakamamanmi ruwasqaykichikman hina qosqaykichik.

Apocalipsis 2:8

Esmirna llaqtapi iglesiapa angelninman kaynata qellqay: Punta kaqmi, Qepa kaqmi, wañus-qanmanta kawsarimuqmi kaynata nin:

Apocalipsis 3:7

Filadelfia llaqtapi iglesiapa angelninman kaynata qellqay: Chuya kaqmi, Cheqap kaqmi, Davidpa llaven hatalliqmi chaynataq kichaptiyqa manam pipas wichqanmanchu, wichqaptiyqa manam pipas kichanmanchu niqmi, kaynata nin:

Jueces 13:18

Chaymi Tayta Diospa angelnin nirqa: ¿Imanasqataq sutiyta tapuwanki? Sutiyqa admirakuypaqmi, nispa.