Éxodo 23:20 - CHUYA QELLQA La Biblia en Quechua de Ayacucho 2012

²⁰ Ñoam ñawpaqnikita angelniyta kachani, risqaykipi waqaychasunaykipaq chaynapi allichapusqay sitioman chayachisunaykipaq.

Quechua Ayacucho Bible 1987

²⁰ —Ñoqam qampa ñawpaqnikita angelta kachachkani risqaykipi waqaychasunaykipaq chaynapi allichapusqay sitioman chayachisunaykipaq.

Chuya Qellqa 1992

²⁰ Ñoqam ñawpaqnikita angelniyta kachani, risqaykipi waqaychasunaykipaq chaynapi allichapusqay sitioman chayachisunaykipaq.

Éxodo 23:20 Iomraidhean Croise

Génesis 15:18

Diosmi Abramwan chay punchaw huk pactota ruwaspan nirqa: Miraynikikunamanmi kay allpata qosaq, Egipto mayumanta Eufrates hatun mayukama.

Génesis 24:40

Hinaptinmi payñataq niwarqa: Ñoqaqa kawsani Diospa qayllanpim, paymi angelninta kachanqa, qanwan rispa yanapasunaykipaq, chaynaqa taytaypa ayllunkunamantam churiypaq warmitaqa hurqomunki.

Génesis 24:7

Tayta Diosmi taytaypa wasinmanta, aylluykunapa llaqtanmanta hurqomuwaspan jurawarqa: Kay allpatam miraynikikunaman qosaq, nispa. Paymi angelninta ñawpaqnikita kachanqa, churiypaq warmita wakmanta pusamunaykipaq.

Génesis 48:16

Tukuy mana allinmanta libraqniy angelyá kay warmakunata bendecichun. Ñoqapa sutiy, taytay Abrahampa sutin chaynataq taytay Isaacpa sutinpas paykunantakama yuyarisqa kachun. Kay pachapiyá sinchillataña mirachunku”, nispa.

Éxodo 14:19

Hinaptinmi Israelpa mirayninkunapa ñawpaqninta riq Diospa angelninwan sayanpa puyupas, qepankumanña churakuykurqa.

Éxodo 15:16

Dios Taytallayku, paykunaqa mancharikuymanta katkatatachunku, hatun atiynikirayku rumi hina upallachunku; runaykikuna pasanaykukama upallachunku, kay rantisqaykikuna pasanaykukama upallachunku.

Éxodo 15:17

Dios Taytallayku, qanmi yaykuchiwankiku akllakusqayki orqoman, yachanayki orqoman, santuarioyki kananpaq makikiwan allichasqayki orqoman hinaspam chaypi kawsachiwankiku.

Éxodo 23:23

Angelniymi puntaykita rispa amorreokunapa, heteokunapa, ferezeokunapa, cananeokunapa, hititakunapa hinaspa jebuseokunapa kasqanman pusasunki. Paykunataqa ñoqam puchukachisaq.

Éxodo 32:34

Chaynaqa, kunan kutispa chay runakunata maymi nisqayman pusay. Angelniymi pusasunki, castiganay punchaw chayamuptinñam paykunataqa huchankumanta castigasaq, nispa.

Éxodo 33:14

Chaymi Dios nirqa: Ñoqam qanwan risaq hinaspam samachisqayki, nispa.

Éxodo 33:2

Angelniytam kachamusaq ñawpaqnikita rispa cananeokunata, amorreokunata, heteokunata, ferezeokunata, heveokunata hinaspa jebuseokunata wischunanpaq.

Isaías 63:9

Runankunapa ñakarisqankunatam paypas ñakarirqa. Manam huk angelchu nitaqmi hukkaqnin kachamusqanchu paykunataqa salvarqa, aswanqa kikin Diosmi salvarqa. Diosmi kuyakuyninpi llakipayaspan paykunataqa reclamarqa, hoqarispanmi paykunataqa marqayninpi aparqa, chaynallatam tukuy tiempo ruwarqa.

Zacarías 12:8

Chay punchawpim Jerusalenpi yachaqkunata Tayta Dios waqaychanqa; chay tiempopiqa manchati runapas rey David hinam allinnin qari-qari kanqa, rey Davidpa mirayninkunañataqmi Dios hinaraq kanqaku, ñawpaqninkuta riq Tayta Diospa angelnin hinaraqmi kanqaku.

Malaquías 3:1

Tukuy Atiyniyuq Tayta Diosmi kaynata nin: Ñoqamanta willakuqtam ñanta allichapuwananpaq ñawpaqniyta kachamusaq. Hinaptinmi maskasqaykichik Diosqa, templonman qonqayllamanta hamunqa. Ñam chayamuchkanña pactomanta willakuq ancha suyasqaykichik, nispa.

Números 20:16

Chaymi Tayta Diosta qayakuptiyku uyariykuwaspanku angelninta kachamurqa hinaspam Egipto nacionmanta hurqoramuwarqaku. Kunanqa allpaykipa linderonwan tupaq Cades llaqta lawpiñam kachkaniku.

Números 22:22

Ichaqa Tayta Diosmi Balaampa risqanwan piñakururqa. Chaymi Tayta Diospa angelnin ñawpaqninpi sayaruspa harkarurqa. Chayqa pasakurqa iskay serviqninkunawan compañachikuspa china asnonpi sillada richkaptinmi.

Mateo 25:34

Hinaspanmi chay Reyqa alleq-ninpi kaqkunata ninqa: “Taytaypa bendecisqankuna hamuychik; manaraq kay pacha unanchasqa kachkaptin qamkunapaq churasqa munaychakuyta chaskiychik.

Juan 14:3

allicharamuspayñataqmi huktawan kutimusaq qamkuna pusanaypaq, chaynapi maymi kasqaypi qamkunapas kanaykichikpaq;

Deuteronomio 33:2

Tayta Diosmi Sinaí orqomanta hamurqa, Seir orqomantam inti hina achkirimurqa, Parán orqomantam kancharimurqa, waranqantin-waranqantin chuyakunapa chawpintam hamurqa, yachachikuyninkunatam rupachkaq ninata hina apamurqa.

Josué 23:5

Señorninchik Tayta Dios-mi chay allpapi runakunata qayllaykichikmanta qarqonqa, hinaptinmi allpan-kupas qamkunapaña kanqa, chaynataqa ruwankichik Tayta Diospa prometesusqaykichikman hinam.

Josué 5:13

Jericó llaqtapa hichpanpi Josué kachkaspanmi qonqaymanta huk runata espada makiyuq sayachkaqta ñawpaqninpi rikururqa. Chaymi asuykuspan tapurqa: ¿Ñoqayku partechu kanki icha enemigoykumantachu? nispa.

Josué 5:14

Chay runañataqmi nirqa: Ñoqaqa Tayta Diospa tropankuna kamachiqmi kani, nispa. Hinaptinmi qonqoranpa kumukuykuspan Josué nirqa: Señorlláy, ¿imatataq kay serviqnikiman kamachiwanki? nispa.

Josué 6:2

Ichaqa Josueytam Tayta Dios nirqa: Kunanmi Jericó llaqtata, reyninta chaynataq soldadonkunatapas makikiman churani.