Éxodo 23:15 - CHUYA QELLQA La Biblia en Quechua de Ayacucho 2012

¹⁵ Mana levadurayuq Tanta fiestatam ruwanki. Kamachisqayman hinam qanchis punchawpuni mana levadurayuq tantata mikunki. Chay fiestataqa Abib killapim ruwanki, chay killapim Egipto nacionmanta lloqsimurqanki. Mana imayuqqa amam pipas ñawpaqniyman asuykamunqachu.

Quechua Ayacucho Bible 1987

¹⁵ Mana Qonchuyoq Tanta Fiestatam ruranki. Kamachisqayman hinamá qanchis punchawpuni mana qonchuyoq tantata mikunki. Chay fiestataqa ruranki Abib sutiyoq killapim, chay killapim Egipto nacionmanta lloqsimurqankichik. Mana imayoqqa amam pipas ñawpaqniymanqa asuykamunqachu.

Chuya Qellqa 1992

¹⁵ Mana levadurayuq Tanta fiestatam ruwanki. Kamachisqayman hinam qanchis punchawpuni mana levadurayuq tantata mikunki. Chay fiestataqa Abib killapim ruwanki, chay killapim Egipto nacionmanta lloqsimurqanki. Mana imayuqqa amam pipas ñawpaqniyman asuykamunqachu.

Éxodo 23:15 Iomraidhean Croise

Éxodo 12:2

Kay killam qamkunapaq allinnin kanqa, chay killaqa watapa qallariyninmi kanqa.

Éxodo 13:3

Chaymi runakunata Moisés nirqa: Amam kay punchawtaqa qonqankichikchu, kay punchawpim Egipto nacionpi esclavo kasqaykichikmanta lloqsirqankichik. Tayta Diosmi hatun atiyninwan kaymanta hurqosurqankichik. Chaynaqa, amam levadurayuq tantataqa mikunkichikchu.

Éxodo 13:4

Kunanmi qamkuna kay Abib killapi lloqsichkankichik.

Éxodo 22:29

Ama unaspam cosechaykikunapa chaynataq uvasnikikunapa punta kaq rurunta apamuwanki. Piwi churikitapas qowankipunim.

Éxodo 34:18

Kamachisqayman hinam mana levadurayuq tanta fiestata ruwan-kichik, qanchis punchawmi mana levadurayuq tantata Abib sutiyuq killapi mikunkichik, chaytaqa ruwankichik chay killapi Egipto nacionmanta lloqsimusqaykichikraykum.

Éxodo 34:20

Asnopa punta wawantañataqmi huk carnerowan cambianki, mana cambiaspaykiqa chay asnochapa kunkantam qewirunki. Piwi churikichiktapas cambiankichikmi, mana ofrendayuqqa amam pipas rikurimuwanqachu.

Miqueas 6:6

¿Imawantaq Diospa qayllanman asuykusaq? ¿Imawantaq ancha hatun Diosta yupaychasaq? ¿Lliw kañana sacrificiowanchu qayllanman asuykusaq? ¿Huk watayuq torokunawanchu asuykusaq?

Marcos 14:12

Mana levadurayuq tantata mikunanku fiestapa qallariynin punchawpim otaq Pascua carnerota wañuchinanku punchawpim, Jesusta discipulonkuna tapurqaku: ¿Maypitaq cenanaykipaq Pascua mikuyta ruwamusaqku? nispanku.

Lucas 2:41

Jesuspa tayta-mamanmi Pascua fiestaman sapa wata Jerusalenta riqku.

Lucas 22:7

Mana levadurayuq tanta mikunanku fiestam chayaramurqa, chay punchawpim Pascua carnerota wañuchiqku.

Hechos 12:3

Chaymi Judiokunapa gustonpaq kasqanta qawaspan Pedrotapas presocharurqa. Chayqa pasakurqa mana levadurayuq tantata mikunanku fiesta punchawpim.

Deuteronomio 16:16

Sapa watam llapallan qarikuna kimsa kutita Señornikichik Tayta Diospa qayllanman otaq paypa akllasqan sitioman rinqaku. Chaynataqa ruwanqaku mana levadurayuq Tanta fiestapi, Semanakuna fiestapi chaynataq Ramada fiestapim. Amam pipas mana imatapas apaspaqa Tayta Diosmanqa rinqachu.

1~Samuel 6:3

Chaymi paykunañataq nirqaku: Israel runakunapa Diosninpa Arcanta kutichispaqa, amam hinallataqa kuti-chinkichikchu, aswanqa huchallikusqaykichikmantam ofrendata qonkichik. Chayraqmi sanoyankichik hinaspam yachankichik imaynanpim chay castigoqa qamkunamanta mana karunchakusqanta, nispanku.