Éxodo 23:14 - CHUYA QELLQA La Biblia en Quechua de Ayacucho 2012

¹⁴ Watapim kimsa kutita hatun fiestata ruwapuwankichik.

Quechua Ayacucho Bible 1987

¹⁴ —Watapim kimsa kutita hatun fiestata rurapuwanki.

Chuya Qellqa 1992

¹⁴ Watapim kimsa kutita hatun fiestata ruwapuwankichik.

Éxodo 23:14 Iomraidhean Croise

1~Reyes 9:25

Salomonmi watapi kimsa kutita Tayta Diosman lliw kañana sacrificiota ofrecerqa, Dioswan allinlla kasqanmanta ofrendakunata Tayta Diospaq ruwachisqan altarpi, inciensotapas qontichirqataqmi. Chaynatam templo ruwayta tukururqa.

2~Crónicas 8:13

Payqa ofreceq Moisespa kamachisqanman hinam chaypaq akllasqa punchawkunapi, samana punchawkunapi, musoq killa fiestakunapi, watapi kimsa hatun fiestakunapi. Chay fiestakunam karqa: Mana levadurayuq tanta fiesta, semanakunapa tukuynin fiesta hinaspa ramada ruway fiesta.

Éxodo 23:17

Watapim kimsa kutita llapallan qarikuna ñoqa Tayta Diosman asuykamuwanqaku.

Éxodo 34:17

Yanqañataq ima metaltapas chulluchispa idolokunata ruwawaqchik.

Éxodo 34:18

Kamachisqayman hinam mana levadurayuq tanta fiestata ruwan-kichik, qanchis punchawmi mana levadurayuq tantata Abib sutiyuq killapi mikunkichik, chaytaqa ruwankichik chay killapi Egipto nacionmanta lloqsimusqaykichikraykum.

Ezequiel 46:9

Hatun fiestakunapi Tayta Diosta yupaychanankupaq llapa runakuna yaykuspaqa kaynatam ruwanqaku: Norte law punkunta yaykuqmi sur law punkunta lloqsinqa; sur law punkunta yaykuqñataqmi norte law punkunta lloqsinqa. Maymi yaykusqanku punkullantaqa amam lloqsimunqakuchu, aswanqa chimpankupi tarikuq punkuntañam.

Levítico 23:16

Hinaptinmi samana punchawpa paqarinnintin punchawwan pichqa chunka punchaw kanqa. Chaymantañam ñoqaman ofrecemuwankichik musoq kawsaykunamanta ofrendaykichikta.

Levítico 23:4

Kaykunam ñoqa Tayta Diospaq sapaqchasqa fiestakuna, chaykunata ruwanaykichikpaqmi akllasqa punchawkunapi huñunakunkichik:

Levítico 23:5

Punta kaq killapa chunka tawayuq punchawninpim inti seqaykuymanta ñoqa Tayta Diospaq Pascua fiesta ruwayta qallarinkichik.

Deuteronomio 16:1

Abib killapim Señornikichik Tayta Diospaq Pascua fiestata ruwankichik. Paymi chay killapi huk tuta Egipto nacionmanta hurqomusurqankichik.

Deuteronomio 16:16

Sapa watam llapallan qarikuna kimsa kutita Señornikichik Tayta Diospa qayllanman otaq paypa akllasqan sitioman rinqaku. Chaynataqa ruwanqaku mana levadurayuq Tanta fiestapi, Semanakuna fiestapi chaynataq Ramada fiestapim. Amam pipas mana imatapas apaspaqa Tayta Diosmanqa rinqachu.

1~Samuel 1:3

Elcanam watan-watan Silo llaqtaman riq, Tukuy Atiyniyuq Diosta yupaychananpaq chaynataq sacrificiota ofrecemunanpaq. Chaypim sacerdote Elí iskaynin qari churinkunapiwan yacharqa, paykunam karqa Ofniwan Finees. Paykunam karqaku Tayta Diospa sacerdotenkuna.