Éxodo 23:13 - CHUYA QELLQA La Biblia en Quechua de Ayacucho 2012

¹³ Chaynaqa, tukuy nisqaykunatayá kasukuychik. Amam mañakunkichikchu nitaqmi rimankichikpaschu sapaq dioskunapa sutintaqa.

Quechua Ayacucho Bible 1987

¹³ —Kasukuychikyá tukuy nisqaykunata. Amam yuyarinkichikchu nitaqmi rimankichikchu sapaq dioskunapa sutintaqa.

Chuya Qellqa 1992

¹³ Chaynaqa, tukuy nisqaykunatayá kasukuychik. Amam mañakunkichikchu nitaqmi rimankichikpaschu sapaq dioskunapa sutintaqa.

Éxodo 23:13 Iomraidhean Croise

Éxodo 23:24

Paykunapa idolonkunapa ñawpaqninpiqa amam qonqorakunkichu nitaqmi yupaychankichu. Paykunapa ruwasqanta hinaqa amam qatipakunkichu, aswanqa ñutuspaykim lliwta puchukachinki.

Éxodo 23:32

Paykunawanpas, idolonkuwanpas amam ima contratotapas ruwankichu.

Jeremías 10:11

Israelpa mirayninkuna, chay mana reqsiwaqniy nacionkunata kaynata nimuychik: Kay pachatawan hanaq pachata mana unanchaq dioskunaqa, kay pachamantam chinkachisqa kanqaku, manam mayqanninpas puchunqachu, nispaykichik.

Oseas 2:17

Baal idolokunapa sutinta siminmanta qechuruptiymi manaña rimayllapas rimanqakuñachu.

Zacarías 13:2

Tayta Diosmi kaynata nin: Chay punchawpim, kay nacionmanta idolokunapa sutinta chinkachiptiy manaña yuyayllapas yuyarinqakuñachu. Profetakunatawan mana allin espiritukunatapas pasaypaqtam chinkarachisaq.

Números 32:38

Nebo, Baal-meón hinaspa Sibmata; chay llaqtakunata hatarirachispam musoq sutikunataña churarqaku.

Efesios 5:12

Paykunapa imapas pakakuspalla ruwasqankumanta rimayqa penqakuypaqmi.

Efesios 5:15

Chaynaqa, imaynam kawsasqaykichiktayá allinta qawakuychik, amayá mana yachayniyuqkuna hinachu, aswanqa yachayniyuqkuna hinayá kawsaychik.

Deuteronomio 12:3

Altarninkunatapas tuñichinkichikmi, rumimanta ruwasqa idolonkunatapas ñutunkichikmi, kañankichiktaqmi kullumanta Asera idolokunatapas. Pakipankichiktaqmi idolonkunapa imagenninkunatapas, hinaspam sutintapas chaymanta pasaypaqta chinkachinkichik.

Deuteronomio 4:15

Horeb orqopi rupachkaq nina ukumanta Tayta Diospa rimapayamususqaykichik punchawpiqa manam ima rikchaytapas rikurqankichikchu. Chaynaqa, huchaman urmanaykichikmanta waqaychakuychik, yanqañataq qariman otaq warmiman rikchakuq idolokunata ruwaspa huchallikuwaqchik.

Deuteronomio 4:23

Qamkunawan Señornikichik Tayta Diospa pacto ruwas-qantaqa amam qonqarunkichikchu. Señornikichik Tayta Diosqa manam munanchu imaman rikchakuq idolotapas ruwakunaykichiktaqa.

Deuteronomio 4:9

Amam ima rikumusqaykichikman-tapas qonqarunkichikchu, kawsanaykichikkamaqa amam sonqoykichikmantapas chinkarachinkichikchu, chay-kunataqa churikichikkunamanpas willkaykichikkunamanpas yachachinkichikmi.

Deuteronomio 6:1

Kaykunam chay kamachikuykuna, estatutokuna chaynataq decretokuna, qamkunaman yachachinaypaq Señornikichik Tayta Diospa kamachiwasqankuna, chaykunatam yachanaykichik allpaman yaykuspa ruwayman churankichik.

1~Timoteo 4:16

Kikikitayá cuidakuy hinaspa imam yachachisqaykimantapas. Chaypitaqyá takyay, chaynata ruwaspam kikikipas salvakunki chaynataq uyarisuqnikikunatapas salvanki.

Hebreos 12:15

Cuidakuychikyá, yanqañataq Diospa kuyapayakuyninta mana haypawaqchikchu, chaynapi qatqe sachapa sapin hina wiñaspa achkaqta chaqwaspan lliwta qatqeyarachisunkichikman.

Josué 22:5

Ichaqa Tayta Diospa serviqnin Moisespa qosusqaykichik kamachikuykunata hinaspa yachachikuykunata ama qonqaspa kasukuychik. Señornikichik Tayta Diosta kuyaychik, paypa munasqanman hinayá kawsaychik, kamachikuyninkunata waqaychaychik, tukuy sonqoykichikwan chaynataq tukuy almaykichikwan qatispa payta serviychik, nispa.

Josué 23:11

Chaynaqa, mana allinkunamanta waqaychakuspayá Señorninchik Tayta Diosta kuyaychik.

Josué 23:7

amataqyá qam-kuna ukupi puchuq nacionkunapi runa-kunawanqa hukllawakuychikchu. Idolonkunatapas ama yupaychaychikchu nitaq sutinpipas juraychikchu.