Éxodo 23:1 - CHUYA QELLQA La Biblia en Quechua de Ayacucho 2012

¹ Amam imatapas llullakuspaqa willakunkichu. Amataqmi falso testigo kanaykipaq-qa mana allin runakunawanqa tantea-nakunkichu.

Quechua Ayacucho Bible 1987

¹ —Amam willakachakunkichikchu yanqa rimaykunataqa. —Amataqmi falso testigo kanaykipaqqa mana allin runakunawanqa rimanakunkichu.

Chuya Qellqa 1992

¹ Amam imatapas llullakuspaqa willakunkichu. Amataqmi falso testigo kanaykipaqqa mana allin runakunawanqa tanteanakunkichu.

Éxodo 23:1 Iomraidhean Croise

Génesis 39:17

Hinaspam imaynam criadonkunaman nisqanta hina qosan-manpas willarqa: Pusamusqayki hebreo casta criadom abusawananpaq yaykuramuwarqa,

2~Samuel 16:3

Hinaptinmi rey tapurqa: ¿Maypitaq patronnikipa willkanqa kachkan? nispa. Chaymi Siba nirqa: Jerusalenpim qeparamun, payqa tanteachkan abuelonpa munaychakusqan Israel nacionta kutichipunankutam, nispa.

2~Samuel 19:27

Reynilláy serviqniymi ichaqa qampa qayllaykipi yanqamanta tumpaykuwarqa. Qamqa Diospa angelnin hinam kanki, chaynaqa munasqaykiman hinayá ñoqawan ruway.

Éxodo 20:16

Amam runamasikipa contranpiqa llullakunata rimankichu.

Éxodo 23:7

Llullakuspa yanqamanta tumpakuqmanqa amam hukllawakunkichu, amataqmi mana huchayuq runataqa wañuyman sentenciankichu. Huchayuqtaqa castigasaqpunim.

Proverbios 10:18

Llulla runaqa cheqnikuynintapas pakanmi, mana yachayniyuq runaqa cuento qepim.

Proverbios 12:17

Allin testigoqa cheqap kaqtam willakun, mana allin testigom ichaqa llullata willakun.

Proverbios 14:5

Allin testigoqa cheqap kaqllatam willakun, mana allin testigom ichaqa llullallata willakun.

Proverbios 17:4

Mana allin ruwaq runaqa mana allin runapa rimasqantam uyarin, llulla runañataqmi llullamasinpa rimasqanta uyarin.

Proverbios 19:28

Mana allin testigoqa justiciamantapas asikunmi, mana allin runapa siminqa millakuypaq kaqkunallatam riman.

Proverbios 19:5

Mana allin testigoqa castigasqapunim kanqa, llullallata rimaq runaqa manam lluptinqachu.

Proverbios 19:9

Mana allin testigoqa castigasqapunim kanqa, llulla rimaq runaqa chinkanqapunim.

Proverbios 21:28

Mana allin testigoqa chinkachisqam kanqa, cheqap testigom ichaqa uyarisqa kanqa.

Proverbios 24:28

Runamasikipa contranpiqa ama yanqamantaqa testigakuychu, amataq llullakunatapas paymantaqa rimaychu;

Proverbios 25:18

Runamasinpa contranpi llullakunata rimaq runaqa martillo, espada, hinaspa ñawchi puntayuq flecha hinam.

Proverbios 25:23

Norte lawmanta hamuq wayraqa paratam apamun, cuento qepi runapa rimayninñataqmi runata piñachin.

Proverbios 6:19

llulla rimaq testigota, wawqentinta peleanachiqta.

Jeremías 20:10

Llapa runakunapa rimakachasqankutam uyarichkani, paykunam nichkanku: Tukuy hinastinpim manchakuyllaña kachkan, hakuchik denunciamusunchik, nispam rimanakuchkanku. Llapa amistadniykunam imamanpas wichiykunayta suyachkanku, ichapas engañarachikunman venceruspa paymanta vengakurunanchikpaq, nispam nichkanku.

Levítico 19:11

Amam suwakunkichikchu, amam engañankichikchu, amataqmi llullakunkichikchu.

Levítico 19:16

Llaqtaykipiqa amam cuento qepiqa kankichu, amataqmi runamasikipa vidantaqa wañuyman churankichu. Ño-qaqa Tayta Diosmi kani.

Mateo 19:18

Hinaptinmi chay runañataq nirqa: ¿Mayqan kamachikuykunata? nispa. Jesusñataqmi nirqa: “Amam pitapas wañuchinkichu, amam hukwanqa waqllikunkichu, amam suwakunkichu, amam runamasikipa contranpiqa llullakunata rimankichu,

Lucas 19:8

Zaqueoñataqmi sayariykuspan Señorta nirqa: Señor, kapuqniykunatam partenta wakchakunaman qosaq, sichum engañaspay pimantapas suwakusqaytañataqmi tawa kuti mirayniyuqta kutichipusaq, nispa.

Lucas 3:14

Soldadokunapas tapukuspankum nirqaku: ¿Imatataq ñoqaykuqa ruwasaqku? nispanku. Juanñataqmi nirqa: Amayá pitapas manchachispaqa nitaq yanqamanta tumpaspaqa imantapas qechuychikchu. Pagoykichikwanyá contentakuychik, nispa.

Juan 7:51

Leyninchikman hinaqa manam pitapas cargochachwanchu, puntata imam nisqanta manaraq uyarichkaspaqa nitaq imam ruwasqanta manaraq yachachkaspaqa, nispa.

Romanos 3:8

Chayna kaptinqa, ¿imanasqataq mana allin kaqkunata mana ruwanchikchu allin kaqkuna hamunanpaq? Chaynata nispankum yanqamanta achkaq cargochawanku. Paykunam ninku: “Pablom chaynata yachachichkan” nispanku; chayna runakunaqa condenasqayá kachunku.

Efesios 4:25

Chaynaqa, amaña llullakuspa cheqaptapuni runamasikichikwan rimaychik, llapanchikmi huk cuerpopa partellan kanchik.

Deuteronomio 5:20

Amam runamasikipa contranpiqa llullakunata rimankichu.

2~Timoteo 3:3

mana kuyakuqkuna, mana pampachakuy munaqkuna, runakunapa contranpi rimaqkuna, mana controlakuqkuna, mana llakipayakuqkuna, allin kaqta cheqnikuqkuna,

1~Pedro 3:16

Ichaqa llampu sonqowan hinaspa respetowan ruwaychik, Cristopi iñiqkuna hina allinta kawsaychik, chaynapi allin kawsasqaykichikmanta mana allin rimaqkuna kikinku penqaypi kanankupaq.

Apocalipsis 12:10

Chaymantam hanaq pachapi kayna niq qayakuyta uyarirqani: “Kunanmi salvación chayaramuwanchik, chayaramuntaqmi Diospa atiyninwan, munaychakuyninpas chaynataq Cristopa munayninpas. Wawqe-paninchikkunapa contranpi tuta punchaw Diosman acusaq diabloqa ñam wischurachikamunña hanaq pachamanta.