Éxodo 22:30 - CHUYA QELLQA La Biblia en Quechua de Ayacucho 2012

³⁰ Vacaykikunapa chaynataq ovejaykikunapa punta kaq wawankunatapas qowankim; nacesqanmantam qanchis punchaw mamanwan kanqa, pusaq punchawmanñataqmi ñoqaman qowanki.

Quechua Ayacucho Bible 1987

³⁰ Qowankitaqmi vacaykikunapa chaynataq ovejaykikunapa punta kaq wawankunatapas, nacesqanmantam qanchis punchaw kanqa mamanwan, pusaq punchawninmanñataqmi ñoqaman qowanki.

Chuya Qellqa 1992

³⁰ Vacaykikunapa chaynataq ovejaykikunapa punta kaq wawankunatapas qowankim; nacesqanmantam qanchis punchaw mamanwan kanqa, pusaq punchawmanñataqmi ñoqaman qowanki.

Éxodo 22:30 Iomraidhean Croise

Génesis 17:12

Kunanmantam qamkuna ukupi naceq lliw qari wawakuna pusaq punchawninpi qari kayninpi señalasqa kanqaku, señalasqam kanqa wasikipi naceqkunapas, mana miraynikimanta kaqkunapas, huklawmanta hamuspa qamkunawan yachaqkunapas chaynallataq qollqewan rantisqaykikunapas,

Éxodo 13:12

piwi qari churikichikta Tayta Diosman qonkichik, qonkichiktaqmi punta naceq orqo animaltapas; chaykunaqa Tayta Diospam.

Ezequiel 4:14

Chaymi ñoqañataq nirqani: Dios Taytalláy, ñoqaqa manam haykapipas kayna millakuypaq kaqkunataqa mikurqanichu. Kikillanmanta wañuq animalpa aychantawan purun animalpa tisapasqan aychata hinaspa millakuypaq aychakunataqa manam haykapipas mikurqanichu, warma kasqaymantapas manam simiymanqa chayarqachu, nispay.

Levítico 11:44

Ñoqa Tayta Diosmi Diosnikichik kani. Ñoqa chuya kasqayraykuyá qamkunapas sapaqchakuspa chuyanchakuychik. Amayá pampan puriq animalkunata llapchaspaqa millakuypaqta ruwakuychikchu.

Levítico 11:45

Diosnikichik kanaypaqmi Egipto nacionmanta ñoqa Tayta Dios hurqomurqaykichik. Chaynaqa, chuya kasqayraykuyá qamkunapas chuya kaychik, nispa.

Levítico 12:3

Chay wawatam nacesqanmanta pusaq punchawniyuqta qari kayninpa qarachanta ku-chuspa señalanqaku.

Levítico 17:15

Israelpa mirayninkunamanta otaq huklaw llaqtayuqkunamanta, kikinmanta wañuq animalta otaq purun animalpa wañuchisqan animalta mikuruspaqa pachankunata taqsakuspanmi bañakunqa, hinaspam tutaykunankama millakuypaq kanqa, chaymantañam chuya kanqa.

Levítico 22:27

Vacapa, ovejapa otaq cabrapa naceruq uñachanqa qanchis punchawraqmi mamanwan kanqa, pusaq punchawmantam ichaqa ofrendata hina ñoqa Tayta Diosman kañapuwankichik.

Levítico 22:8

Kikillanmanta wañuq animalpa aychantaqa amam mikunqachu nitaq purun animalpa wañuchisqan animalpa aychantapas, chaykunata mikuspanqa millakuypaqmi kanqa. Ñoqaqa Tayta Diosmi kani.

Levítico 7:24

Kikillanmanta wañuq ani-malpa wiranqa chaynataq purun animalpa wañuchisqan animalpa wiranqa imapas huk rikchaqpim servikunqa, amam mikunkichikchu.

Levítico 7:26

Maypiña kaspaykichikpas raprayuq animalpa, otaq ima animalpa yawar-nintapas amam mikunkichikchu.

Deuteronomio 14:21

Kikillanmanta wañuruq animaltaqa amapunim mikunkichikchu. Chayku-nataqa llaqtaykichikpi yachaq huklaw llaqtayuqkunamanmi mikunanpaq qoy-kunkichik, manachayñataqmi puriqku-naman rantikurunkichik. Señornikichik Tayta Diospaq sapaqchasqa runankunañam qamkunaqa kankichik. Cabra uñataqa amam mamanpa lechenpiqa yanunkichikchu.

Deuteronomio 15:19

Vacaykikunapa ovejaykikunapa punta kaq orqo uñantam Señornikichik Tayta Diospaq sapaqchanki. Vacaykikunapa punta wawan torochataqa amam llamkachinkichu, nitaqmi ovejaykikunapa punta wawan carnerochapa millwantapas rutunkichu.