Éxodo 22:27 - CHUYA QELLQA La Biblia en Quechua de Ayacucho 2012

²⁷ chaylla maytukuykunanpaq kasqanrayku. Mana chayqa, ¿imapitaq puñunman? Chay runa qayakamuwaptinqa kuyapayakuq kasqayraykum uyarisaq.

Quechua Ayacucho Bible 1987

²⁷ chaylla maytukuykunanpaq kasqanrayku. Mana chayqa ¿imapitaq puñunman? Pay mañakamuwaptinmi uyarisaq kuyapayakuq kasqayrayku.

Chuya Qellqa 1992

²⁷ chaylla maytukuykunanpaq kasqanrayku. Mana chayqa ¿imapitaq puñunman? Chay runa qayakamuwaptinqa kuyapayakuq kasqayraykum uyarisaq.

Éxodo 22:27 Iomraidhean Croise

2~Samuel 16:5

Bahurim llaqtaman rey David chayaruptinmi, Saulpa ayllun Gerapa churin Simei lloqsiramuspa reyta ñakarqa.

1~Reyes 2:8

Qanwantaqmi kachkan Bahurim lawpi yachaq Benjamín ayllumanta kaq Gerapa churin Simeipas, paymi Mahanaim llaqtaman richkaptiy hatun ñakaywan ñakawarqa. Kutimuptiymi ichaqa Jordán mayuman taripamuwaspa chaskiykuwarqa, chaymi Diosrayku jurarqani: “Manam wañuchisqaykichu”, nispay.

1~Reyes 2:9

Chaywanpas qamqa amam pampachankichu; yuyayniyuq runam kanki, tanteasqaykiman hina ruwaspa wañuchiypuni, nispa.

2~Crónicas 30:9

Sichum Tayta Diosman kutirikuptikichikqa aylluykichikkunata hinaspa churikichikkunata preso apaq enemigokunam llakipayarispan kay allpaman kutichimunqaku. Yupaychasqanchik Tayta Diosqa llakipayakuq hinaspa kuyapayakuqmi, payman kutirikuptikichikqa manam saqesunkichikchu, nispa.

Éxodo 22:23

Sichum ñakarichiptiki pay-kuna qayakamuwaptinkuqa uyarisaqpunim.

Éxodo 34:6

Moisespa ñawpaqninta pasaspanmi Tayta Dios nirqa: “¡Ñoqaqa Tayta Diosmi kani, llakipayakuq, kuyapayakuq Diosmi kani, ñoqaqa llampu sonqom kani, mana chaylla piñakuruqmi kani, cheqap kuyapayakuqmi kani!

Eclesiastés 10:20

Reymantaqa amayá sonqollaykipipas mana allintaqa tanteaychu, apumantaqa amayá sapallaykipipas mana allintaqa rimaychu, yanqañataq rimasqaykita uyarispa alton pawaq urpikuna willaykamunmanku.

Isaías 19:20

Chay señalmi paykunapaq testigo kanqa Tayta Dios chawpinkupi kasqanta yachanankupaq. Chaymi ñakariyninkupi Tayta Diosta mañakuptinku salvaqninkuta kachamunqa, hinaptinmi paykunata libranqa.

Deuteronomio 24:10

Runamasikiman imatapas prestaspaqa, amam prenda hurqoqqa wasinta yaykunkichikchu.