Éxodo 21:2 - CHUYA QELLQA La Biblia en Quechua de Ayacucho 2012

² Hebreokunamanta criadota rantispaykiqa soqta watam servichikunki, qanchis kaq watapiñataqmi mana imata pagaspalla libre lloqsikunqa.

Quechua Ayacucho Bible 1987

² —Hebreo castaykimanta sirvientepaq runata rantispaykiqa soqta watam servichikunki, qanchis kaq watapiqa mana pagaspam libre lloqsikunqa.

Chuya Qellqa 1992

² Hebreokunamanta criadota rantispaykiqa soqta watam servichikunki, qanchis kaq watapiñataqmi mana imata pagaspalla libre lloqsikunqa.

Éxodo 21:2 Iomraidhean Croise

Génesis 27:28

Diosyá qosunki cielomanta parata chaynataq allin cosecha qoq allpata, trigotapas vinotapas mana pisiyta.

Génesis 27:36

Hinaptinmi Esaú nirqa: Iskay kutitañam engañaruwan, puntatam piwi kayniypa derechonta qechuruwarqa, kunanñataqmi bendicionniyta qechuruwan. ¿Manachum chayrayku sutinpas Jacob? ¿Manachum ñoqatawan bendeciykuwankiman? nispa.

2~Reyes 4:1

Hukkaqnin profetapa viudanmi Eliseoman rispan nirqa: Yachasqaykipi hinapas qosayqa wañukunñam, payqa Tayta Diosta kasukuq runam karqa. Ichaqa manukusqayku runam hamuruwaspan iskaynin qari wawaykunata criadon kanankupaq pusayta munachkan, nispa.

Nehemías 5:8

Hinaspam paykunata nirqani: Ñoqaykum atisqaykuman hina judío wawqenchikkunata nacionkunaman esclavo kanankupaq rantikusqa kasqan-kumanta hurqomurqaniku. ¿Qamku-nañataqchu aylluykichikta rantiku-runkichik ñoqayku kutichimunayku-paq? nispa. Chaymi paykuna upallakuspanku mana imatapas niwaptinku,

Éxodo 12:44

Qollqewan rantisqa criadoykichikkunam ichaqa mikunqaku, qari kayninku señalasqa kasqankurayku.

Éxodo 21:3

Sapallan yaykumuspaqa sapallanmi lloqsikunqa, warmiyuq yaykumuspam ichaqa warmintin lloqsikunqa.

Éxodo 21:7

Pipas warmi churinta criadanpaq rantikuruptinqa, chay warmiqa manam lloqsinqa qari criado hinachu.

Éxodo 22:3

Punchaw pacha wañurachiptinmi ichaqa, wañuchisqanmanta chay maqaqnin runa sentenciasqa kanqa. Suwakusqanpi hapirachikuspanqa, dueñonmanmi sayachipunqa, sayachipunanpaq mana imanpas kaptinñataqmi suwakusqanmanta pagananpaq rantikusqa kanqa.

Levítico 25:54

Pi criadopas mana reclamasqa kaspaqa jubileo wata chayaramuptinmi churinkunapiwan kuska libre lloqsikunqaku.

Mateo 18:25

Mana pagayta atiptinmi, reyñataq kamachikurqa, chay debeqninta, warmintinta, churinkunatawan hinaspa tukuy imankunatawan kuskata esclavopaq rantikamunankupaq, chaynapi debesqanta pagananpaq.

1~Corintios 6:20

Diosmi preciowan rantisurqankichik, chaynaqa cuerpoykichikwanyá Diosta hatunchaychik.

Deuteronomio 15:1

Sapa qanchis watam debesuqnikichikta pampachankichik.

Deuteronomio 15:18

Criado-ykichikta libre kachaykuytaqa amam llakikunkichikchu. Llamkapakuqpa parte pagollanpaqmi payqa soqta watantin servisurqankichik. Chaynapim Señornikichik Tayta Diospas tukuy ruwasqaykichikpi bendecisunkichik.

Deuteronomio 31:10

Chaymantam paykunata kamachispan nirqa: Sapa qanchis wata tukuytam, manukuqkunata pampachana watapi, Ramada fiestata ruwanaykichikpaq Israelpa llapallan mirayninkuna Señornikichik Tayta Diospa qayllanman paypa akllasqan sitioman huñunakamunqaku, hinaspam lliwpa qayllanpi kay kamachikuy librota leenki.