Éxodo 20:8 - CHUYA QELLQA La Biblia en Quechua de Ayacucho 2012

⁸ Samana punchawtaqa amam qonqankichu ñoqapaq sapaqchasqa kasqanrayku.

Quechua Ayacucho Bible 1987

⁸ —Amam qonqankichu samana punchawqa ñoqapaq sapaqchasqa kasqanta.

Chuya Qellqa 1992

⁸ Samana punchawtaqa amam qonqankichu ñoqapaq sapaqchasqa kasqanrayku.

Éxodo 20:8 Iomraidhean Croise

Génesis 2:2

Diosmi qanchis kaq punchawpi tukuy ima ruwasqankunata tukurqa, hinaspam chay punchawpi tukuy ima ruwasqanmanta samarqa.

Génesis 2:3

Hinaptinmi Diosqa qanchis kaq punchawta bendecispan kikinpa punchawninpaq sapaqcharqa, chay punchawpi tukuy ima unanchasqanmanta samasqanrayku.

Nehemías 13:15

Chay punchawkunapim Judá runakunata rikurqani, samana punchawpi vino ruwaqta, trigo qepiqta chaynataq vinota, uvasta, frutakunata, higosta hinaspa tukuy rikchaq qepikunata asnoman cargaspa Jerusalenman apamusqankuta. Chaymi tukuy imata samana punchawpi rantikusqankumanta qaqcharqani.

Nehemías 9:14

Samana punchawnikita sapaqchanankupaqmi kamachirqanki, serviqniki Moisesnintakamam kamachikuykunata, decretokunata hinaspa yachachikuykunata qorqanki.

Éxodo 23:12

Soqta punchawmi ruwaynikita ruwanki, qanchis kaq punchawpiñataqmi samanki, chaynapi toroykipas asnoykipas samananpaq. Chaynataq criadoykipas, wasikipi samapakuqpas kallpata hapinanpaq.

Éxodo 31:12

Moisestam Tayta Dios nirqa:

Éxodo 35:1

Israelpa llapallan mirayninkunata huñuruspanmi Moisés nirqa: Qamkuna ruwanaykichikpaqmi Tayta Dios kamachiwarqa kaykunata:

Isaías 56:2

Mayna kusisqam kamachisqaykunata mana iskayrayaspa kasukuq runaqa, samana punchawta mana sarutyaq runaqa, mana allin ruwaymanta rakikuq runaqa.

Isaías 58:13

Sichum samana punchawniypi samaspaykiqa ruwaynikikunata samana punchawniypi mana ruwaspaykiqa, chay punchawta “kusikuna punchaw, Diospaq sapaqchasqa punchaw, kasukuna punchaw” nispa sutichaspaykiqa, manaña munasqaykipi purispa kasukuspaykiqa, nitaq munasqaykita maskaspa yanqakunapi mana purispaykiqa,

Jeremías 17:21

Tayta Diosmi kaynata nin: Viday-kichikraykuyá waqaychakuychik. Amayá samana punchawpiqa Jerusalén llaqtapa punkuntaqa cargakunata apaykuychikchu.

Jeremías 17:22

Samana punchawpiqa amam wasikichikmantapas cargakunataqa hurqonkichikchu, nitaqmi llamkankichikpaschu. Samana punchawtaqa Tayta Diospaqmi sapaqchankichik, chaynatam ñawpaq taytaykichikkunaman kamachirqani.

Jeremías 17:24

Ñoqa Tayta Diosmi kaynata nini: Kasukuychikyá, amayá samana punchawpiqa kay llaqtapa punkuntaqa ima cargatapas apaykuychikchu, chay punchawtaqa ñoqapaq sapaqchaspa ama imatapas ruwaychikchu.

Ezequiel 20:20

Samana punchawniy-kunatapas sapaqchapuwaychik, chaynapi qamkunapaqwan ñoqapaq huk señal kananpaq; chaynapim ñoqa Tayta Diosqa Diosnikichik kasqayta yachankichik, nispay.

Levítico 19:3

Tayta-mamaykichikta sapakama kasukuychik. Samana punchawkunapipas samankichikmi. Ñoqaqa Tayta Diosmi kani.

Levítico 19:30

Samana punchawniykunapim saman-kichik, santuarioytapas respetankichikmi. Ñoqaqa Tayta Diosmi kani.

Levítico 23:3

Soqta punchaw llamkaspam qanchis kaq punchawpiñataq samaspaykichik ñoqallapaqña huñunakunkichik, amam chay punchawpiqa llamkankichikchu, chay punchawqa ñoqa Tayta Diospaq samana punchawmi kanqa maypiña yachaptikichikpas.

Levítico 26:2

Samana punchawniykunapiqa samankichikpunim, santuarioytapas respetankichiktaqmi. Ñoqaqa Tayta Diosmi kani.

Números 15:32

Chunniqpi kachkaspankum Israelpa mirayninkuna samana punchawpi yantata pallachkaq runata tarirurqaku.

Deuteronomio 5:12

Ñoqa Señorniki Tayta Diospa kama-chisqaypi hinam samana punchawtaqa waqaychanki.