Éxodo 20:7 - CHUYA QELLQA La Biblia en Quechua de Ayacucho 2012

⁷ Ñoqa Tayta Diospa sutiytaqa amam yanqaqa rimankichu. Sutiyta yanqa rimaqtaqa castigasaqpunim.

Quechua Ayacucho Bible 1987

⁷ —Ñoqapa sutiytaqa amam yanqaqa rimankichu. Sutiy yanqa rimaqtaqa castigasaqpunim.

Chuya Qellqa 1992

⁷ Ñoqa Tayta Diospa sutiytaqa amam yanqaqa rimankichu. Sutiyta yanqa rimaqtaqa castigasaqpunim.

Éxodo 20:7 Iomraidhean Croise

Génesis 27:20

Hinaptinmi churinta Isaac nirqa: ¿Imaynataq ratollaqa hapiramurqanki? nispa. Jacobñataqmi nirqa: Yupaychasqayki Tayta Diosmi ñawpaqniypi rikuriykachirqa, nispa.

1~Reyes 2:9

Chaywanpas qamqa amam pampachankichu; yuyayniyuq runam kanki, tanteasqaykiman hina ruwaspa wañuchiypuni, nispa.

2~Reyes 5:20

profeta Eliseopa serviqnin Giezi kaynata tantearurqa: Patronniyqa yanqam wischupakurun Siria nacionniyuq Naamanpa apamusqankunataqa, Tayta Diosraykum jurani: Kallpaylla hayparuspay imallantapas mañakaramusaq, nispan.

Proverbios 30:9

Yanqañataq saksanaykama mikuruspa qamta qepanchaspay niyman: ¿Pitaq Tayta Diosqa? nispay; otaq wakchayaspay suwakuyman, hinaspay sutikita penqayman churayman.

Jeremías 34:16

Ichaqa qepaman kutirispam sutiyta yanqacharunkichik, hinaspam libretaña kacharisqaykichik esclavokunata kaqmanta hapimuspa, qariwanpas warmiwanpas kaqmanta servichikuchkankichik.

Jeremías 4:2

atinkim ñoqapa sutiypi jurayta, jurankiqa cheqap kaqwan, allin arreglowan hinaspa allin ruwaywanmi. Chaynapim llapa nacionkuna sutiyrayku bendecisqa kanqaku.

Ezequiel 39:7

Israel llaqtaypim chuya sutiyta reqsichisaq, manañam saqesaqchu chuya sutiy penqayman churasqa kanantaqa. Chaynapim llapa nacionkunapas Israelpa chuya Diosnin kasqayta yachanqaku.

Levítico 19:12

Sutiypiqa amam yanqaqa jurankichu, chayta ruwaspaqa ñoqa Diosnikipa sutiytam yanqachawaq. Ñoqaqa Tayta Diosmi kani.

Malaquías 3:5

Tukuy Atiyniyuq Tayta Diosmi kaynata nin: Ñoqam qamkunata juzganaypaq hamu-saq. Kikiypunim testigo kasaq layqakunapa contranpi, waqllikuqkunapa contranpi, yanqamanta juraqkunapa contranpi, llamkaqkunapa pagon hapikuqkunapa contranpi, viudakunapa, wakchakunapa hinaspa huklaw llaqtayuqkunata ñakarichiqkunapa contranpi, chaynallataq mana kasuwaqniy runakunapa contranpipas, nispa.

2~Corintios 1:23

Ichaqa almayraykum Diosta tes-tigopaq churani, qamkunata llakipayaspaymi Corinto llaqtamanqa manaraq hamurqaniraqchu.

Deuteronomio 10:20

Señornikichik Tayta Diosta kasukuspa payllata yupaychaychik, payllata qatiychik, paypa sutillanpi juraychik.

Deuteronomio 5:11

Ñoqa Señorniki Tayta Diospa sutiytaqa amam yanqaqa rimankichu. Sutiyta yanqa rimaqtaqa castigasaqpunim.

Deuteronomio 6:13

Señornikichik Tayta Diostam kasukuspa servinkichik, paypa sutillanpitaqmi jurankichikpas.

Santiago 5:12

Wawqe-panillaykuna, tukuy imamantapas astawanqa amayá hanaq pacharaykupas, kay pacharaykupas, nitaq imaraykupas juraychikchu. Chayrayku, “arí” nisqaykichikqa “arí” nisqa kachun, “manam” nisqaykichikpas “manam” nisqa kachun, chaynapi Dios mana castigasunaykichikpaq.

Josué 2:12

Ruegakuykichikmi, Tayta Diosraykuyá juraykuwaychik, imaynam qamkunata llakipayasqayta hina, qamkunapas aylluykunata llakipayarinaykichikpaq. Huk señaltayá qoykuwaychik,

Josué 2:17

Chaymi paykuna nirqaku: Kay juramento ruwasqaykutaqa cumplisaqkupunim.

Josué 9:20

Aswanqa kaynatam ruwasunchik: Paykunataqa manam wañuchichwanchu, juramento ruwasqanchikraykum Tayta Diospa piñakuynin chayaramuwachwan, nispanku.