Éxodo 20:5 - CHUYA QELLQA La Biblia en Quechua de Ayacucho 2012

⁵ Chaykunapa ñawpaqninpiqa amam qonqorakunkichu, amataqmi yupaychankichu. Ñoqa Tayta Diosllam Diosnikiqa kani. Manam munanichu sapaq dioskuna yupaychanaykitaqa, cheqniwaqniy runataqa tayta-mamanmanta qallaykuspam willkanpa willkankama castigasaq.

Quechua Ayacucho Bible 1987

⁵ Amam qonqorakunkichu chaykunapa ñawpaqninpiqa, amataqmi adorankichu. Ñoqaqa kani yupaychasqayki Tayta Diosmi. Ñoqaqa manam munanichu sapaq dios adoranaykichiktaqa, chaynata ruraspa cheqniwaqniy tayta-mamakunapa huchallikusqanmantam castigasaqpuni wawa-churinkunata, chay wawa-churinkunapa willkankunata chaynataq chay willkanpa churinkunatapas.

Chuya Qellqa 1992

⁵ Chaykunapa ñawpaqninpiqa amam qonqorakunkichu, amataqmi yupaychankichu. Ñoqa Tayta Diosllam Diosnikiqa kani. Manam munanichu sapaq dioskuna yupaychanaykitaqa, cheqniwaqniy runataqa tayta-mamanmanta qallaykuspam willkanpa willkankama castigasaq.

Éxodo 20:5 Iomraidhean Croise

2~Samuel 21:1

Davidpa tiempopim kimsa watan-tin muchuy karqa, chaymi David tapuptin Tayta Dios nirqa: Kay muchuyqa Saulwan runankuna Gabaón llaqtayuq runakunata wañu-chisqankumantam, nispa.

2~Samuel 21:6

Chaynaqa, Saulpa mirayninmanta qanchis qarikunata qowayku, hinaptin Saulpa llaqtan Gabaapi Tayta Diospa qayllanpi teqoramunaykupaq, nispanku. Chaymi rey David nirqa: Qosqaykichikmi, nispa.

1~Reyes 19:10

Eliasñataqmi nirqa: Tukuy Atiyniyuq Tayta Dios, sonqoymi qanmanta llumpay llakisqa kachkan, Israelpa mirayninkunam pacto ruwasqaykita saqeruspa altarnikikunatapas tuñirachinku. Profetaykikunatapas espadawan wañurachiptinkum sapallayña qeparuni, ichaqa ñoqatapas wañuchi-wanankupaqmi maskawachkanku, nispa.

1~Reyes 21:29

¿Rikurqankichu qayllaypi Acabpa imaynam uchuychakusqanta? Qayllaypi uchuychakusqanraykum kawsanankamaqa mana castigasaqchu, aswanqa churinpa munaychakuyninpiñam castankunaman chay ñakariyta apamusaq, nispa.

2~Reyes 17:35

Jacobpa mirayninkunawan pactota ruwaspanmi Tayta Dios kamachirqa: Idolokunataqa amam yupaychankichikchu, ñawpaqninpipas amam qonqorakunkichikchu nitaqmi servinki-chikchu, amataqmi sacrificiokunatapas ofrecenkichikchu.

2~Reyes 17:41

Asiria nación reypa pusachimusqan runakunaqa Tayta Diosta yupaychachkaspapas, kikinkupa idolonkutapas servirqakum. Churinkupas, willkankupas, ñawpaq taytankunapa ruwasqanta hinallam kunankamapas ruwachkanku.

2~Reyes 23:26

Chaywanpas Tayta Diospa piñakuyninqa ratachkaq nina hinam karqa Judá nacionpa contranpi, Manasespa tukuy mana allinkuna ruwasqanmanta.

2~Reyes 5:18

Ichaqa ruegakuykim, Rimón idolopa templon-man yupaychananpaq reyniy yaykuspan brazoypi tawnapakuykuptinqa chaynataq ñoqapas paywan kuska qayllanpi qonqoraptiyqa Tayta Diosyá pampachaykuwachun, nispa.

2~Reyes 5:27

Chaynaqa, Naamanpa lepra onqoyninwanmi qamña miraynikikunapiwan mana tukuyta onqonkichik, nispa. Chaymi Gieziqa Eliseopa qayllanmanta riti hina yuraq-yuraq lepra onqoyniyuqña lloqsirurqa.

2~Crónicas 25:14

Edom tropakuna wañuchimusqan-manta kutimuspanmi, Seir runakunapa idolonkunata rey Amasías apamurqa, hinaspam diosninkunapaq hapiykuspan inciensota kañapuspan yupaycharqa.

2~Crónicas 7:19

Sichum qamkuna ñoqamanta karunchakuruspa qosqay decretokunata kamachikuykunata mana kasukuspa huk dioskunataña qatispa yupaychaptikichikqa,

Jobwan Sutichasqa Libro 21:19

Ninkum, Diosqa taytanpa huchanmantam churinta castiganqa nispanku. Ichaqa kikin huchallikuqmi huchanmantaqa paganqa.

Jobwan Sutichasqa Libro 5:4

Churinkunapas mana yanapaqniyuqmi kachkanku, juzgadopipas manam allin arreglotaqa tarinkuchu, nanachikuqninkupas manam pipas kanchu.

Éxodo 23:24

Paykunapa idolonkunapa ñawpaqninpiqa amam qonqorakunkichu nitaqmi yupaychankichu. Paykunapa ruwasqanta hinaqa amam qatipakunkichu, aswanqa ñutuspaykim lliwta puchukachinki.

Éxodo 34:14

Amam qonqorakunkichikchu idolokunapa ñawpaqninpiqa; huk dioskunata yupaychanaykichiktaqa manam munanichu, ñoqa Tayta Diosqa celosom kani.

Proverbios 8:36

Ñoqamanta karunchakuruq runam ichaqa wañuyman kikillan churakurun, pipas cheqniwaqniykunaqa wañuytam kuyanku.

Isaías 44:15

Chaykunawanmi runakuna ninata ratachin, wakinwanmi qonikun, wakinwanñataqmi tantata ruwan, puchuqninmantam idolota llaqllarun, chaypa ñawpaqninpi qonqorakuspan yupaychananpaq.

Isaías 44:19

Manam yachankuchu nitaqmi yuyaymanankuchu. “Kay kullupa partenta rupachispaymi tantata sansanpi ruwarqani, aychatapas kankaruspaymi mikurqani. Parten kullumantañataqmi kay millakuypaq idolota ruwaruni. Kay yupaychasqayqa kullumanta ruwasqallam”, nispa ninankupaqqa.

Jeremías 2:9

Chayraykum ñoqa Tayta Dios kaynata nini: Qamkunatawan willkaykichikkunatam juicioman apasqaykichik.

Jeremías 32:18

Waranqantin runakunatam llakipayanki, tayta-mamanpa huchanmantam qepa wiñaykunata castiganki, hatun munaychakuq Diosnilláy. Sutikiqa Tukuy Atiyniyuq Tayta Diosmi.

Ezequiel 18:19

Sichum qamkuna tapukunkichik: ¿Imanasqataq churinqa mana castigasqachu taytanpa huchanmantaqa? nispaykichik, hinaptinqa chay churinqa allin ruwayman chaynataq allin arregloman hinam imatapas ruwarqa. Kamachikuyniykunatapas kasukuspanmi ruwayman churarqa. Chayraykum payqa kawsakunqa.

Ezequiel 18:2

Israel runakuna, qamkunam sapa kutilla kaynata rimankichik: “Tayta-mamanku puchqo uvasta mikuruptinmi wawa-churinkupa kirun utuyarun” nispaykichik. ¿Imanasqataq chaynata rimankichik?

Ezequiel 20:7

Hinaspam llapallankuta kamachirqani millakuypaq idolonkunata wischu-nankupaq chaynataq Egipto nacionpa cheqnipay idolonkunawanpas ama qachachakunankupaq. Chaynataqa kamachirqani paykunapa Diosninku kasqayraykum.

Ezequiel 39:25

Chayraykum ñoqa Tayta Dios kaynata nini: Jacobpa mirayninkunatam preso risqankumanta kutichimusaq, chuya sutiyraykum paykunataqa kuyapayarisaq, chaynapim sutiyta allinta qawachikusaq.

Ezequiel 8:3

Chay runaman rikchakuqmi makita hina haywarimuspa chukchaymanta hapiruwarqa, hinaptinmi Diospa Espiritun altoman hoqariruwarqa, hinaspam visionpi Jerusalén llaqtaman aparuwaspan uku lawpi norteman qawaq punkupa ñawpaqninpi churaykuwarqa, chaypim Tayta Diosta piñachiq ídolo kachkasqa.

Daniel 1:2

Judá nacionpa reynin Joacimtam, templopi kaq achka serviciokunatawan rey Nabucodonosorman Tayta Dios qoykurqa, hinaptinmi chay reyqa tukuy imata Sinar sutiyuq Babilonia nacionman aparqa, hinaspam idolonpa kapuqninkuna waqaychana wasinman churaykurqa.

Daniel 3:18

Chaynaqa, reynillay-ku, manaña Diosniyku librawaptinkupas manam idoloykikunataqa yupaychasaqkuchu, nitaqmi qorimanta sayachisqayki idolotapas hatunchasaqkuchu, nispanku.

Levítico 20:5

kikiypunim chay runapa contranpi chaynataq ayllunpa contranpipas sayarirusaq, hinaspam runamasinkunamanta chinkarachisaq, chinkarachisaqtaqmi paywan kuska chuchumika warmi hina Molocta yupaychaspa huchallikuqkunatapas.

Levítico 26:1

Amam idolokunataqa ruwankichikchu, nitaqmi llaqtayki ukupiqa rumimanta llaqllasqa ima idolotapas sayachinkichikchu. Chaykunapa qayllanpiqa amataqmi qonqorakunkichikchu. Ñoqaqa Tayta Diosmi kani.

Levítico 26:29

Hinaptinmi churi-wawaykichikkunataña mikunkichik.

Nahúm 1:2

Tayta Diosqa celosom hinaspa vengakuqmi, Tayta Diosqa contranpi sayariqkunamanta vengakuqmi, enemigonkunapa contranpi piñakuqmi.

Números 14:18

“Ñoqa Tayta Diosqa mana chaylla piñakuqmi hinaspa ancha hatun kuyakuqmi kani. Ñoqaqa mana allin ruwaqtapas, mana kasukuqtapas pampachanim, huchayuq runatam ichaqa castigani tayta-mamakunamanta qallaykuspa willkanpa willkankunakama”, nispayki.

Números 14:33

Churikichikkunam kay chunniqpi ovejakunata michistin tawa chunka wata muyunqaku. Paykunam qepanchawasqaykichikmanta ñakarinqaku, kay chunniqpi llapallaykichik wañunaykichikkama.

Números 25:11

Aaronpa willkan otaq Eleazarpa churin sacerdote Fineesmi Israel runakunapa contranpi piñakuyniyta tanirachin, payqa ñoqa hina piñakuspam chay runata wañurachirqa. Chayraykum Israel miraykunapa contranpi llumpayta piña-kuchkaspaypas paykunataqa mana puchukarachirqanichu.

Mateo 4:9

Hinaspam nirqa: Sichum qonqorakuykuspa hatunchawaki, hinaptinqa tukuy kaykunatam qosqayki nispan.

Juan 15:18

Runakuna cheqnisuptikichikqa yuyariychikyá qamkunamantapas puntataqa ñoqata cheqniwasqankuta.

Juan 7:7

Qamkunataqa runakunapas manam cheqnisunkichikchu, ñoqatam ichaqa cheqniwanku tukuy mana allinkuna ruwasqankuta qawachisqayrayku.

Juan 9:2

Hinaptinmi discipulonkuna tapurqaku: Yachachikuq, ¿imanasqataq wak runaqa ñawsa nacerurqa? ¿Tayta-mamanpa huchanmantachu, icha kikinpa huchanmantachu? nispanku.

Romanos 1:30

runamasinpa qepanpi rimaqkuna, yanqakunamanta tumpakuqkuna, Diostapas cheqniqkuna, kutipakuqkuna, hatun tukuqkuna, mana allin ruwayllapi yuyaymanaqkuna hinaspa tayta-mamankutapas mana kasukuqkuna,

Romanos 8:7

Aychaman hina kawsaqkunaqa Diospa enemigonkunam, paykunaqa manam Diospa leynin kasukuyta munankuchu, nitaqmi ruwaytapas atinkuchu.

1~Corintios 10:22

¿Señortachu piñachisun? ¿Paymanta aswan kallpayuqchu kanchik?

Deuteronomio 32:21

Idolokunata yupaychaspankum llakichiwarqaku, millakuypaq idolokunata yupaychaspankum piñachiwarqaku. Chayraykum ñoqapas paykunata hukmanyarachisaq, mana yachayniyuq llaqtawanmi sientirachisaq, mana yuyayniyuq runakunawanmi piñarachisaq.

Deuteronomio 32:41

Espadayta llipipipinankama ñawchiyachispaymi, justicia ruwanaypaq espadayta hapiykuspaymi, enemigoykunamanta vengakusaq, ruwayninkuman hinam cheqniwaqniykunaman pagapusaq.

Deuteronomio 4:24

Señornikichik Tayta Diosqa paylla kuyanatam munan. Payqa tukuy imapas ruparuq nina hinam.

Deuteronomio 5:10

Kamachikuyniyta kasukuspa kuyawaqniy runatam ichaqa waranqantin mirayninkama kuyapayasaq.

Deuteronomio 5:9

Chaykunapa ñawpaqninpiqa amam qonqorakunkichu, amataqmi yupaychankichu. Ñoqa Señorniki Tayta Diosllam Diosnikiqa kani. Manam munanichu sapaq dioskuna yupaychanaykitaqa; cheqniwaqniy runataqa tayta-mamanmanta qallaykuspam willkanpa willkankama castigasaq.

Deuteronomio 6:15

Qamkunawan kaq Señornikichik Tayta Diosqa paylla kuyanata munaqmi, mana chayqa con-traykichikpi piñakuspanmi kay pacha-manta pasaypaqta chinkarachisunki-chikman.

Deuteronomio 7:10

Pipas cheqniqninkunatam ichaqa kikinpuni chinkachinqa, imam ruwasqanman hinataqmi pagapunqapas.

Santiago 4:4

¡Diosta qepanchakuq runakuna! ¿Manachu yachankichik kay pachapi kaqkunallata kuyaruspaqqa Diospa enemigonña kasqaykichikta? Pipas kay pachapi kaqkunallata kuyaruqqa Diospa enemigonmi rikurirun.

Josué 23:16

Sichum Señornikichik Tayta Diospa kamachisusqaykichik pactonta mana kasukuspa idolokunataña qonqorakuspa yupaychanaykichikpaq pasakuptikichikqa, Tayta Diosmi contraykichikpi piñakuspan kay qosusqaykichik sumaq allpamanta chaylla chinkarachisunkichik, nispa.

Josué 23:7

amataqyá qam-kuna ukupi puchuq nacionkunapi runa-kunawanqa hukllawakuychikchu. Idolonkunatapas ama yupaychaychikchu nitaq sutinpipas juraychikchu.

Josué 24:19

Hinaptinmi paykunata Josué nirqa: Tayta Diosta serviytaqa manam atiwaqchikchu, payqa Chuya hinaspa celoso Diosmi, manam pampachasunkichikmanchu mana kasukuynikichiktawan huchallikuynikichiktaqa.

Jueces 2:19

Kamachiqninku wañuruptinqa kasqallanmi huchallikuyta qallaykuqku, hinaspam ñawpaq taytankumantapas aswan penqakuypaq kaqtaraq ruwaqku. Idolokunataña servispankum qonqoraspa yupaycharqaku. Manam wanakuqkuchu mana allin ruwayninmantawan rumi sonqo kayninkumantaqa.