Éxodo 20:3 - CHUYA QELLQA La Biblia en Quechua de Ayacucho 2012

³ Amam ñoqamanta sapaq dioskunaqa kapusunkichu.

Quechua Ayacucho Bible 1987

³ —Ñoqallam Diosqa kani, amam huk dioskunaqa kapusunkichu.

Chuya Qellqa 1992

³ Amam ñoqamanta sapaq dioskunaqa kapusunkichu.

Éxodo 20:3 Iomraidhean Croise

1~Reyes 11:4

Yuyaqyaruptinmi Salomonta chay warminkuna sapaq dios-kunataña yupaychachirqaku, chaynapim payqa mana taytan David hinachu tukuy sonqonwan Tayta Diosman hapipakurqa.

Éxodo 15:11

Dios Taytalláy, qam hina huk diosqa manam kanchu, qam hina admirakuypaq chuya Diosqa manam kanchu. Qamqa admirakuypaq kaqkunatam ruwanki, qamqa hatun milagrokuna ruwaqmi kanki.

Éxodo 20:23

Amam qorimanta qollqemanta idolokunata ruwankichikchu, ñoqata hina yupaychanaykichikpaqqa.

Éxodo 22:19

Pipas animalwan qachakuqtaqa wañuchinkichikmi.

Éxodo 23:24

Paykunapa idolonkunapa ñawpaqninpiqa amam qonqorakunkichu nitaqmi yupaychankichu. Paykunapa ruwasqanta hinaqa amam qatipakunkichu, aswanqa ñutuspaykim lliwta puchukachinki.

Éxodo 32:8

Kamachikuyniykunamanta rakikuruspankum qorita chullurachispa torillota ruwakurunku, hinaspam yupaychaspanku animalkunatapas wañuchipuspanku nichkanku: “¡Yaw Israel runakuna, kaymi Egipto nacionmanta hurqomuwaqninchik diosqa!” nispanku.

Éxodo 34:14

Amam qonqorakunkichikchu idolokunapa ñawpaqninpiqa; huk dioskunata yupaychanaykichiktaqa manam munanichu, ñoqa Tayta Diosqa celosom kani.

Isaías 26:4

Diosllapiyá wiña-wiñaypaq hapipakuychik, wiña-wiñaypaq waqaychaqninchik kasqanrayku.

Isaías 42:8

Ñoqam kani Tayta Dios, chaymi sutiy. Hukkuna hatunchanankutaqa manam munanichu, ñoqallatam yupaychawanankuqa, manam idolokunatachu.

Isaías 43:10

Tayta Diosmi kaynata nin: Qamkunam testigoykuna kankichik, serviwanaykichikpaq akllakusqaykunam kankichik, reqsiwaspaykichik ñoqapi hapipakunaykichikpaq, ñoqalla Dios kasqayta yachanaykichikpaq. Ñoqamanta huk diosqa manam haykapipas kanqachu.

Isaías 44:8

Ama manchakuychikchu nitaq hukmanyaychikchu. ¿Manachu ñawpaqmantaraq yachayta qorqaykichik hinaspa willarqaykichik? Qamkunam testigoy kankichik. Ñoqallam Diosqa kani manam hukqa kanchu, Ñoqa hina hapipakunapaq sapaq diostaqa manam reqsinichu.

Isaías 46:9

Ñawpaq tiempopi imakunam pasakusqantayá yuyariychik. Ñoqallam Diosqa kani, ñoqamanta hukqa manam kanchu. Ñoqaqa Diosmi kani, ñoqaman rikchakuqqa manam pipas kanchu.

Jeremías 25:6

Llapa idolokunataqa amam qatinkichikchu, nitaqmi yupaychaychikchu. Amayá Tayta Diostaqa piñachiychikchu kiki-kichikpa ruwasqaykichik idolokunata yupaychaspaqa, chaynapi mana ima sasachakuytapas kacharimusunaykichikpaq”, nispa.

Jeremías 35:15

Mana samaykuspam profetaykunawan kaynata willachirqaykichik: Mana allinkuna ruwasqaykichikta saqespa munasqayman hina kawsaychik. Idolokunataqa amaña yupaychaychikchu, chaynapi taytaykichikkunamanpas chaynataq qamkunamanpas qosqay allpapi yachanaykichikpaq, nispay. Ichaqa manam uyariwarqankichikchu nitaqmi kasuwarqankichikchu.

Jeremías 7:9

Suwakuchkaspa, runata wañuchichkaspa, waqllikuchkaspa, llullakuywan jurachkaspa, Baal idolokunapaq inciensota kañapuchkaspa, mana reqsisqaykichik dioskunata yupaychachkaspaqa,

Daniel 3:18

Chaynaqa, reynillay-ku, manaña Diosniyku librawaptinkupas manam idoloykikunataqa yupaychasaqkuchu, nitaqmi qorimanta sayachisqayki idolotapas hatunchasaqkuchu, nispanku.

Oseas 13:4

Ñoqaqa Señornikichik Tayta Diosmi kani, Egiptopi kasqaykimantaraqmi Diosnikichik kani. Ñoqamanta huk Diostaqa manam reqsirqankichikchu, ñoqamanta hukqa manam pipas salvasunkichikmanchu.

Mateo 4:10

Jesusñataqmi nirqa: ¡Kaymanta anchuriy Satanás! Qellqasqam kachkan: “Señor Diosllaykitam hatunchanki, payllatataqmi servinkipas”, nispa.

1~Corintios 8:4

Chaynaqa, idolokunaman ofrecesqa mikuymantaqa yachanchikmi, kay pacha-pi idolokunaqa manam imachu, Diosqa chullallam.

1~Corintios 8:6

ñoqanchikpa Diosninchikqa chullallam, payqa Dios Taytam. Paymi tukuy imata ruwar-qa, ñoqanchikpas paypaqmi kanchik. Señorqa chullallam, payqa Jesucristom, paywanmi tukuy imapas unanchasqa karqa, paywantaqmi ñoqanchikpas unanchasqa karqanchik.

Efesios 5:5

Kaytayá yachaychik: Pipas huchapakuqkunaqa, millakuypaq hucha ruwaqkunaqa hinaspa idolokuna yupaychaq hina qollqella kuyaqkunapas, Cristopa hinaspa Diospa munaychakusqanmanqa manam yaykunqachu.

Deuteronomio 5:7

Amam ñoqamanta sapaq diosqa kapusunkichu.

Deuteronomio 6:14

Muyuriqnikichik nacionkunapi runakunapa yupaychasqanku idolokunataqa amam qatinkichikchu.

Deuteronomio 6:5

Señorniki Tayta Diostam tukuy sonqoykiwan, tukuy vidaykiwan hinaspa tukuy kallpaykiwan kuyanki.

Filipenses 3:19

paykunapa tukupayninqa ñakariymi. Paykunaqa wiksallanku diosniyuqmi, ruwasqankumanta penqakunankupas kachkaptinmi aswanraq hatun tukunku kay pachapi kaqkunallamanta piensaspanku.

Colosenses 2:18

Premioykichiktaqa amayá qechurachikuychikchu uchuychakuq tukuspa angelkuna yupaychaqkunawanqa, paykunaqa revelacionta chaskiq tukuspankum aychaman hina piensasqallankuwan yanqapaq hatun tukurunku.

Apocalipsis 19:10

Angelta yupaychanaypaq ñawpaqninpi qonqorakuykuptiymi, payñataq niwarqa: ¡Ama chaytaqa ruwaychu! Ñoqaqa kani, qampapas chaynataq Jesusmanta willakuq wawqe-panikikunapapas serviqmasillaykichikmi. ¡Yupaychaspaqa yupaychay Diosllatayá! Jesusmanta cheqap willakuqqa Diospa revelasqantam yachachin, nispa.

Apocalipsis 22:9

payñataq niwarqa: ¡Ama chaytaqa ruwaychu! Ñoqaqa qampapas, wawqe-panikikunapapas, Diosmanta willakuqkunapapas chaynataq kay libropi qellqasqa kaqkuna kasukuqkunapapas serviqmasillanmi kani. ¡Hatunchaspaqa-hatunchay Diosllatayá! nispa.

Jueces 6:10

Nirqayki-chiktaqmi: “Ñoqam qamkunapa Dios-nikichik kani, amorreokunapa diosninkutaqa amam manchakunkichikchu, paykunapa allpanpim kunan yacha-chkankichik”, nispay. Qamkunam ichaqa mana kasukurqankichikchu, nispa.